ಲಂಡನ್: ಜ್ಯಾವೆಲಿನ್ ಥ್ರೋನಲ್ಲಿ ಹೊಸ ಸಾಧನೆ ಮೆರೆದ ದೇವೇಂದರ್ ಸಿಂಗ್

Posted By:
Subscribe to Oneindia Kannada

ಲಂಡನ್, ಆಗಸ್ಟ್ 11: ಇಲ್ಲಿ ನಡೆಯುತ್ತಿರುವ ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್ ಶಿಪ್ ನ ಜ್ಯಾವೆಲಿನ್ ಥ್ರೋ ವಿಭಾಗದಲ್ಲಿ ಸ್ಪರ್ಧಿಸಿರುವ ಭಾರತದ ಕ್ರೀಡಾಳು ದೇವೇಂದರ್ ಸಿಂಗ್ ಕಂಗ್ ಅವರು, ಈ ವಿಭಾಗದ ಅಂತಿಮ ಸುತ್ತಿಗೆ ಕಾಲಿಟ್ಟಿದ್ದಾರೆ.

ಬೋಲ್ಟ್ ರನ್ನು ಸೋಲಿಸಿದ ಏಕೈಕ ಕ್ರಿಕೆಟರ್ ಯುವಿ!

ಈ ಮೂಲಕ ಅವರು, ವಿಶ್ವ ಅಥ್ಲೆಟಿಕ್ಸ್ ನ ಜ್ಯಾವೆಲನ್ ಥ್ರೋನಲ್ಲಿ ಹೀಗೆ ಅಂತಿಮ ಸುತ್ತಿಗೆ ಕಾಲಿಟ್ಟ ಮೊಟ್ಟ ಮೊದಲ ಭಾರತೀಯ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

Davinder Kang becomes first Indian to qualify for javelin throw finals

ಗುರುವಾರ ರಾತ್ರಿ ನಡೆದ ಈ ವಿಭಾಗದ ಅರ್ಹತಾ ಸುತ್ತಿನ 'ಬಿ' ರೌಂಡ್ ನಲ್ಲಿ ಅವರು ತಮ್ಮ ಪಾಲಿಗೆ ಇದ್ದ ಮೂರು ಅವಕಾಶಗಳಲ್ಲೂ ಉತ್ತಮ ಸಾಧನೆ ಮೆರೆದರು. ಮೊದಲ ಎಸೆತದಲ್ಲಿ 82.22 ಮೀಟರ್ ವರೆಗೆ ಈಟಿಯನ್ನು ಎಸೆದ ಅವರು, ಆನಂತರ ಎರಡನೇ ಪ್ರಯತ್ನದಲ್ಲಿ 82.44 ಹಾಗೂ ಮೂರನೇ ಪ್ರಯತ್ನದಲ್ಲಿ 84.22 ಮೀಟರ್ ವರೆಗೆ ಈಟಿಯನ್ನು ಎಸೆದು ಅಂತಿಮ ಸುತ್ತಿಗೆ ಕಾಲಿಟ್ಟರು.

ಕೊನೆಯ ಪ್ರಯತ್ನದಲ್ಲಿ ಅವರು ಎಸೆದ 84.22 ಮೀಟರ್ ವರೆಗಿನ ದೂರವು ಅವರ ಈವರೆಗಿನ ವೃತ್ತಿಜೀವನದಲ್ಲಿ ಅತ್ಯಂತ ಶ್ರೇಷ್ಠ ಪ್ರದರ್ಶನ ಎಂದೆನಿಸಿದೆ. ಈ ಪ್ರದರ್ಶನದಿಂದಾಗಿ ಅವರು, 'ಬಿ' ರೌಂಡ್ ಅರ್ಹತಾ ಸುತ್ತಿನಲ್ಲಿ ಹೊರಹೊಮ್ಮಿದ ಟಾಪ್ 10 ಕ್ರೀಡಾಳುಗಳಲ್ಲಿ 7ನೇ ಸ್ಥಾನ ಪಡೆದರು.

ಅಥ್ಲೆಟಿಕ್ಸ್ : ಚೀನಾದ ಅಧಿಪತ್ಯಕ್ಕೆ ಅಂತ್ಯ ಹಾಡಿದ ಭಾರತ

ಆಗಸ್ಟ್ 12ರಂದು ನಡೆಯಲಿರುವ ಈ ವಿಭಾಗದ ಫೈನಲ್ ಸುತ್ತಿನಲ್ಲಿ ಅವರು ಪದಕಕ್ಕಾಗಿ ಶ್ರಮಿಸಲಿದ್ದಾರೆ.

ಆದರೆ, ಇದೇ ವಿಭಾಗದಲ್ಲಿ ಸ್ಪರ್ಧಿಸಿದ್ದ ಭಾರತದ ಮತ್ತೊಬ್ಬ ಜ್ಯಾವೆಲಿನ್ ಥ್ರೋವರ್ ನೀರಜ್ ಚೋಪ್ರಾ ಅವರು, ಅಂತಿಮ ಸುತ್ತಿಗೆ ಕಾಲಿಡುವಲ್ಲಿ ವಿಫಲರಾದರು.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Davinder Singh Kang has become the first Indian to qualify for the final round of the javelin throw World Championships while his more fancied compatriot Neeraj Chopra crashed out in the qualification round. He threw Javelin to his personal best upto 84.22m, thus making an entry into final round.
Please Wait while comments are loading...