ಆಕ್ಲೆಂಡ್, ಫೆ.28: ವಿಶ್ವಕಪ್ ಟೂರ್ನಿಯ 20ನೇ ಪಂದ್ಯದಲ್ಲಿ ಬದ್ಧವೈರಿಗಳ ಕಾದಾಟ ಪ್ರೇಕ್ಷಕರ ಕಣ್ತುಂಬಿಸಿದೆ. ಬೌಲರ್ ಗಳು ಮಿಂಚಿದ ಈ ಪಂದ್ಯದಲ್ಲಿ ಆಸ್ಟ್ರೇಲಿಯಾ ಕಳಪೆ ಬ್ಯಾಟಿಂಗ್ ಪ್ರದರ್ಶಿಸಿ 151ಸ್ಕೋರಿಗೆ ಆಲೌಟ್ ಆಯ್ತು. ಇದಕ್ಕೆ ಉತ್ತರವಾಗಿ ಕಿವೀಸ್ ತಂಡ ನಾಯಕ ಮೆಕಲಮ್ ತ್ವರಿತ ಗತಿ ಅರ್ಧಶತಕದ ನೆರವಿನಿಂದ ಸುಲಭ ಜಯ ಪಡೆಯುವ ಹೊಸ್ತಿಲಿಗೆ ಬಂದಿತು. ಅದರೆ ಅನಗತ್ಯವಾಗಿ ವಿಕೆಟ್ ಕಳೆದುಕೊಂಡು ಕೊನೆ ಓವರ್ ನಲ್ಲಿ ರೋಚಕವಾಗಿ 1 ವಿಕೆಟ್ ಜಯ ಸಾಧಿಸಿತು.
152 ಸ್ಕೋರ್ ಬೆನ್ನತ್ತಿದ ಕಿವೀಸ್ ತಂಡ ಬ್ರೆಂಡನ್ ಮೆಕಲಮ್ ರಿಂದ ಭರ್ಜರಿ ಆರಂಭ ಪಡೆದುಕೊಂಡಿತು. ಇನ್ನೊಂದೆಡೆ ಗಪ್ಟಿಲ್ 11 ರನ್ ಗಳಿಸಿ ಸ್ಟಾರ್ಕ್ ಗೆ ಬಲಿಯಾದರು.
| ವೇಳಾಪಟ್ಟಿ | ಫಲಿತಾಂಶ" title="ವಿಶ್ವಕಪ್ ಕ್ರಿಕೆಟ್ 2015: ಅಂಕ ಪಟ್ಟಿ | ವೇಳಾಪಟ್ಟಿ | ಫಲಿತಾಂಶ" />ವಿಶ್ವಕಪ್ ಕ್ರಿಕೆಟ್ 2015: ಅಂಕ ಪಟ್ಟಿ | ವೇಳಾಪಟ್ಟಿ | ಫಲಿತಾಂಶ
ಇದಕ್ಕೂ ಮೊದಲು ಬ್ಯಾಟಿಂಗ್ ಮಾಡಿದ ಆಸ್ಟ್ರೇಲಿಯಾ ತಂಡ ಆರಂಭಿಕ ಆಘಾತದ ನಂತರ ಚೇತರಿಸಿಕೊಳ್ಳಲು ಹೆಣಗಾಡಿತು. ಟ್ರೆಂಟ್ ಬೌಲ್ಟ್ 10-3-27-5 ಉತ್ತಮ ಬೌಲಿಂಗ್ ಮೂಲಕ ಆಸೀಸ್ ಬ್ಯಾಟ್ಸ್ ಮನ್ ಗಳನ್ನು ಕಂಗೆಡಿಸಿದರು. ವೆಟ್ಟೋರಿ ಹಾಗೂ ಸೌಥಿ 2 ವಿಕೆಟ್ ಕಿತ್ತರು.
ಆಸೀಸ್ ಪರ ವಾರ್ನರ್ 34, ವಾಟ್ಸನ್ 23, ವಿಕೆಟ್ ಕೀಪರ್ ಹಡ್ಡಿನ್ 43(41ಎ, 4x4, 2x6) ಗಳಿಸಿ ಹಾಗೂ ಹೀಗೂ ತಂಡದ ಮೊತ್ತವನ್ನು 32.2 ಓವರ್ ಗಳಲ್ಲಿ 151ಕ್ಕೇರಿಸಿದರು.
ಈ ಹಿಂದೆ 2011ರ ವಿಶ್ವಕಪ್ನಲ್ಲಿ ಆಸ್ಟ್ರೇಲಿಯ ಮತ್ತು ನ್ಯೂಜಿಎಲೆಂಡ್ ನಾಗ್ಪುರದಲ್ಲಿ ಮುಖಾಮುಖಿಯಾಗಿತ್ತು. ಆಸ್ಟ್ರೇಲಿಯ ತಂಡ ನ್ಯೂಜಿಲೆಂಡ್ ವಿರುದ್ಧ ಏಳು ವಿಕೆಟ್ಗಳ ಜಯ ಗಳಿಸಿತ್ತು. ಈ ಸೇಡನ್ನು ಸಕತ್ತಾಗಿ ಕಿವೀಸ್ ತೀರಿಸಿಕೊಂಡಿದೆ.
ಒನ್ ಇಂಡಿಯಾ ಸುದ್ದಿ