Click it and Unblock the Notifications
ಐಸಿಸಿ ಕಾಳಜಿ
ಅಂದಹಾಗೆ, ಈ ಮೊದಲು ಮಹಿಳಾ ಕ್ರಿಕೆಟ್ ವಿಶ್ವಕಪ್ ಗೆ ಅಷ್ಟಾಗಿ ಮಾನ್ಯತೆ ಇರಲಿಲ್ಲ. ಆದರೆ, ಇತ್ತೀಚೆಗಿನ ದಿನಗಳಲ್ಲಿ ಮಹಿಳಾ ಕ್ರಿಕೆಟಿಗರೂ ಹೆಚ್ಚೆಚ್ಚು ಸಾಮರ್ಥ್ಯ ತೋರುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ, ಟೂರ್ನಿಯ ವಿಜೇತ ತಂಡದ ಮೊತ್ತವನ್ನು ಹೆಚ್ಚಿಸುವುದಾಗಿ ಐಸಿಸಿ ಈ ಹಿಂದೆಯೇ ಹೇಳಿತ್ತು.
10 ಪಟ್ಟು ಹೆಚ್ಚು
ಇದೇ ವರ್ಷ ಮಾರ್ಚ್ ತಿಂಗಳಲ್ಲಿ ನಡೆದ ಐಸಿಸಿ ಸಭೆಯಲ್ಲಿ ಮಹಿಳಾ ವಿಶ್ವಕಪ್ ತಂಡದ ಚಾಂಪಿಯನ್ನರ ಬಹುಮಾನ ಮೊತ್ತವನ್ನು $ 660,000 ಡಾಲರ್ ಗೆ (ಸುಮಾರು 4 ಕೋಟಿ, 25 ಲಕ್ಷ ರು.) ನಿಗದಿಗೊಳಸಲಾಯಿತು. ಇದು, ಈ ಹಿಂದಿನ ಮಹಿಳಾ ವಿಶ್ವಕಪ್ ನ ವಿಜೇತ ತಂಡಕ್ಕೆ ನೀಡಲಾಗುತ್ತಿದ್ದ ಮೊತ್ತಕ್ಕೆ ಹೋಲಿಸಿದರೆ 10 ಪಟ್ಟು ಹೆಚ್ಚು.
ಸೆಮೀಸ್ ನಲ್ಲಿ ಸೋಲುವ ತಂಡಗಳಿಗೂ ನಗದು
ರನ್ನರ್ ಅಪ್ ತಂಡಕ್ಕೆ 2 ಕೋಟಿ 12 ಲಕ್ಷ ರು. ಹೇಳಿರುವ ಐಸಿಸಿ, ಸೆಮಿಫೈನಲ್ ಗಳಲ್ಲಿ ಸೋಲುವ ತಂಡಗಳಿಗೆ ತಲಾ 1 ಕೋಟಿ 6 ಲಕ್ಷ ರು. ಹಣ ನೀಡುವುದಾಗಿ ಹೇಳಿದೆ.
ಈ ತಂಡಗಳಿಗೆ ತಲಾ 12 ಲಕ್ಷ ರು.
ಇನ್ನು, ಗ್ರೂಪ್ ಹಂತಗಳಲ್ಲಿ ಸೋತು ಮನೆಗೆ ತೆರಳುವ ತಂಡಗಳಿಗೂ ನಗದು ಪುರಸ್ಕಾರವಿದೆ. ಈ ತಂಡಗಳಿಗೆ ತಲಾ 12 ಲಕ್ಷ ರು. ಸಿಗಲಿದೆ.
ಜೂನ್ 24ರಿಂದ ಭಾರತದ ಅಭಿಯಾನ ಆರಂಭ
ಟೂರ್ನಿಯ ಅಭ್ಯಾಸ ಪಂದ್ಯಗಳು ಜೂನ್ 19ರಿಂದ ಆರಂಭಗೊಂಡಿವೆ. ಜೂನ್ 24ರಂದು ನಡೆಯಲಿರುವ ಉದ್ಘಾಟನಾ ಪಂದ್ಯದಲ್ಲಿ ನ್ಯೂಜಿಲೆಂಡ್ ಹಾಗೂ ಶ್ರೀಲಂಕಾ ತಂಡಗಳು ಸೆಣಸಲಿವೆ. ಮಿಥಾಲಿ ರಾಜ್ ಅವರ ನಾಯಕತ್ವದಲ್ಲಿ ಟೂರ್ನಿಗೆ ಕಾಲಿಟ್ಟಿರುವ ಭಾರತ ತಂಡ, ಜೂನ್ 24ರಂದು ನಡೆಯಲಿರುವ 2ನೇ ಪಂದ್ಯದಲ್ಲಿ ಆತಿಥೇಯ ಇಂಗ್ಲೆಂಡ್ ತಂಡದ ವಿರುದ್ಧ ತನ್ನ ಮೊದಲ ಪಂದ್ಯವನ್ನಾಡಲಿದೆ.
