ವಿಂಡೀಸ್ ವಿರುದ್ಧದ ಸರಣಿ ಕ್ಲೀನ್ ಸ್ವೀಪ್ ಆದ್ರೆ ಭಾರತ ನಂ.1

Posted By:
Subscribe to Oneindia Kannada

ಬೆಂಗಳೂರು, ಜುಲೈ 26: ವೆಸ್ಟ್ ಇಂಡೀಸ್ ವಿರುದ್ಧದ ಟೆಸ್ಟ್ ಸರಣಿಯ ಮೊದಲ ಪಂದ್ಯದಲ್ಲೇ ಟೀಂ ಇಂಡಿಯಾ ಭರ್ಜರಿ ಆರಂಭ ಮಾಡಿದೆ. ಈಗ ಐಸಿಸಿ ಟೆಸ್ಟ್ ಶ್ರೇಯಾಂಕದಲ್ಲಿ ನಂ. 1 ಸ್ಥಾನಕ್ಕೇರುವ ಅವಕಾಶ ಕೊಹ್ಲಿ ತಂಡಕ್ಕೆ ಒದಗಿ ಬಂದಿದೆ.

ಟೀಂ ಇಂಡಿಯಾ ಈ ಟೆಸ್ಟ್ ಸರಣಿಯಲ್ಲಿ 4-0 ಯಿಂದ ಕ್ಲೀನ್​ಸ್ವೀಪ್ ಸಾಧಿಸಿದರೆ, ಇಂಗ್ಲೆಂಡ್ ಹಾಗೂ ಪಾಕಿಸ್ತಾನ ಹಾಗೂ ಶ್ರೀಲಂಕಾ ಹಾಗೂ ಆಸ್ಟ್ರೇಲಿಯಾ ವಿರುದ್ಧದ ಸರಣಿಯ ಫಲಿತಾಂಶದ ಮೇಲೆ ಅವಲಂಬಿಸಿದೆ.[ಅನಿಲ್ ಕುಂಬ್ಳೆ ಮಾರ್ಗದರ್ಶನದಲ್ಲಿ ಗೆಲುವಿನ ನಗೆ]

ಜುಲೈ 25ರಂದು ಆಸ್ಟ್ರೇಲಿಯಾದ ಸ್ಟೀವ್ ಸ್ಮಿತ್ ಅವರು ಐಸಿಸಿ ಟೆಸ್ಟ್ ಚಾಂಪಿಯನ್ ಶಿಪ್ ರಾಜ ದಂಡ (mace) ಹಾಗೂ 1 ಮಿಲಿಯನ್ ಡಾಲರ್ ಬಹುಮಾನ ಮೊತ್ತ ಗಳಿಸಿದರು.

ಸದ್ಯ ಆಸ್ಟ್ರೇಲಿಯಾ (118), ಭಾರತ (112), ಪಾಕಿಸ್ತಾನ (111) ಮತ್ತು ಇಂಗ್ಲೆಂಡ್ (108) ನಡುವೆ ಸದ್ಯ 10 ಅಂಕಗಳ ಅಂತರ ಮಾತ್ರವಿದೆ. ನಂ. 1 ಸ್ಥಾನಕ್ಕೇರಲು ಈ ನಾಲ್ಕು ತಂಡಗಳ ನಡುವೆ ಪೈಪೋಟಿ ಇದೆ. ಈ ನಾಲ್ಕು ತಂಡಗಳಿಗೆ ಅಗ್ರಸ್ಥಾನಕ್ಕೇರಲು ಇರುವ ಸಾಧ್ಯಾಸಾಧ್ಯತೆ ಏನಿದೆ? ಮುಂದೆ ಓದಿ...

ಭಾರತ ನಂ.1 ಸ್ಥಾನಕ್ಕೇರಬಹುದು ಹೇಗೆ?

ಭಾರತ ನಂ.1 ಸ್ಥಾನಕ್ಕೇರಬಹುದು ಹೇಗೆ?

ವೆಸ್ಟ್ ಇಂಡೀಸ್ ವಿರುದ್ಧದ ನಾಲ್ಕು ಟೆಸ್ಟ್ ಸರಣಿಯನ್ನು ಭಾರತ ತಂಡ 4-0 ರಿಂದ ಗೆಲ್ಲಬೇಕು ಇದೇ ವೇಳೆ ಇಂಗ್ಲೆಂಡ್- ಪಾಕ್ ಸರಣಿ ಡ್ರಾನಲ್ಲಿ ಅಂತ್ಯಗೊಳ್ಳಬೇಕು. ಆಸ್ಟ್ರೇಲಿಯಾ ವಿರುದ್ಧ ಶ್ರೀಲಂಕಾ ತಂಡ 1-0 ಅಥವಾ ಅದಕ್ಕಿಂತ ಹೆಚ್ಚಿನ ಅಂತರದಲ್ಲಿ ಗೆದ್ದರೆ ಭಾರತ ನಂ. 1 ಸ್ಥಾನಕ್ಕೇರಬಹುದು. ಚಿತ್ರದಲ್ಲಿ: ಕೊಹ್ಲಿ ಹಾಗೂ ತಂಡ ಮೊದಲ ಟೆಸ್ಟ್ ಗೆಲುವಿನ ನಂತರ

ಇಂಗ್ಲೆಂಡ್ ತಂಡಕ್ಕೆ ಇರುವ ಸಾಧ್ಯತೆ

ಇಂಗ್ಲೆಂಡ್ ತಂಡಕ್ಕೆ ಇರುವ ಸಾಧ್ಯತೆ

ಪಾಕಿಸ್ತಾನ ವಿರುದ್ಧದ ಸರಣಿಯಲ್ಲಿ ಅತಿಥೇಯ ಇಂಗ್ಲೆಂಡ್ ತಂಡ ಉಳಿದ ಮೂರು ಟೆಸ್ಟ್ ಗೆದ್ದರೆ ಇಂಗ್ಲೆಂಡ್ ನಂ. 1 ಸ್ಥಾನಕ್ಕೇರಬಹುದು.

ಆದರೆ, ವೆಸ್ಟ್ ಇಂಡೀಸ್ ವಿರುದ್ಧ ಟೀಂ ಇಂಡಿಯಾ ಒಂದು ಟೆಸ್ಟ್ ಪಂದ್ಯವನ್ನಾದರೂ ಸೋಲಬೇಕು. ಶ್ರೀಲಂಕಾ ವಿರುದ್ಧ ಆಸ್ಟ್ರೇಲಿಯಾ ಸರಣಿ ಸೋಲು ಕಾಣಬೇಕು. ಚಿತ್ರದಲ್ಲಿ: ಇಂಗ್ಲೆಂಡ್ ತಂಡದ ಆಟಗಾರರು

ಆಸ್ಟ್ರೇಲಿಯಾ ಆಗ್ರಸ್ಥಾನ ಕಾಯ್ದುಕೊಳ್ಳಬಹುದೆ?

ಆಸ್ಟ್ರೇಲಿಯಾ ಆಗ್ರಸ್ಥಾನ ಕಾಯ್ದುಕೊಳ್ಳಬಹುದೆ?

ಆಸ್ಟ್ರೇಲಿಯಾ ತಂಡ ತನ್ನ ಅಗ್ರಸ್ಥಾನ ಉಳಿಸಿಕೊಳ್ಳಬೇಕಾದರೆ ಶ್ರೀಲಂಕಾ ವಿರುದ್ಧದ ಸರಣಿಯಲ್ಲಿ ಕನಿಷ್ಠ 1-0 ಅಂತರದಿಂದ ಗೆಲ್ಲಬೇಕಾಗುತ್ತದೆ. ಅತ್ತ ಪಾಕಿಸ್ತಾನದ ವಿರುದ್ಧ ಇಂಗ್ಲೆಂಡ್ ತಂಡ ಒಂದಾದರೂ ಟೆಸ್ಟ್ ಗೆಲ್ಲಬೇಕು.

ಪಾಕಿಸ್ತಾನಕ್ಕೆ ಏನು ಚಾನ್ಸ್ ಇದೆ

ಪಾಕಿಸ್ತಾನಕ್ಕೆ ಏನು ಚಾನ್ಸ್ ಇದೆ

ಇಂಗ್ಲೆಂಡ್ ವಿರುದ್ಧ ಸರಣಿ ಗೆದ್ದರೂ ಪಾಕಿಸ್ತಾನ ತಂಡ ಅಗ್ರಸ್ಥಾನಕ್ಕೇರಲು, ಆಸೀಸ್ ತಂಡ ಲಂಕಾ ವಿರುದ್ಧ ಸರಣಿ ಸೋಲಬೇಕು. ಇದು ಸಾಧ್ಯವಾದರೆ ಭಾರತ-ವಿಂಡೀಸ್ ಸರಣಿಯ ಫಲಿತಾಂಶ ಲೆಕ್ಕಕ್ಕೆ ಬರುವುದಿಲ್ಲ. ಚಿತ್ರದಲ್ಲಿ: ಪಾಕಿಸ್ತಾನದ ಯೂನಿಸ್ ಖಾನ್

English summary
Virat Kohli-led Team India can return to the top of the ICC Test Rankings if they whitewash West Indies 4-0 and other series results go in their favour.
Please Wait while comments are loading...