ಮಿಂಚಿದ ಜಹೀರ್-ಸಾಗರಿಕಾ ಜೋಡಿ
ನಿಶ್ಚಿತಾರ್ಥ ಸಮಾರಂಭಕ್ಕೂ ಮುನ್ನ ನಡೆದ ಫೋಟೋ ಸೆಷನ್ಸ್ ನಲ್ಲಿ ಈ ಯುವ ಜೋಡಿ ಕ್ಯಾಮೆರಾಗಳಿಗೆ ಪೋಸು ನೀಡಿದ್ದು ಹೀಗೆ. ಜಹೀರ್ ಖಾನ್ ಬೂದು ಬಣ್ಣದ ಸೂಟ್ ನಲ್ಲಿ ಕಾಣಿಸುತ್ತಿದ್ದರೆ, ಸಾಗರಿಕಾ ಹಸಿರು ಬಣ್ಣದ ದಿರಿಸಿನಲ್ಲಿ ಮಿಂಚುತ್ತಿದ್ದರು.
ಇವರ ನಿಶ್ಚಿತಾರ್ಥ ಯಾವಾಗ?
ಸಮಾರಂಭಕ್ಕೆ ನಟಿ ಅನುಷ್ಕಾ ಶರ್ಮಾ ಹಾಗೂ ಅವರ ಪ್ರಿಯಕರ ಮತ್ತು ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ ಆಗಮಿಸಿದ್ದರು. ಈ ಇಬ್ಬರ ಲವ್ ಸ್ಟೋರಿ ಶುರುವಾಗಿ ತುಂಬಾ ದಿನಗಳೇ ಕಳೆದಿವೆ. ಇವರಿಬ್ಬರ ನಿಶ್ಚಿತಾರ್ಥ ಅದ್ಯಾವಾಗ ನಡೆಯುವುದೋ ಏನೋ?
ರೋಹಿತ್ ಜೋಡಿ ಆಗಮನ
ಹಾಲಿ ಐಪಿಎಲ್ ಚಾಂಪಿಯನ್ ತಂಡ ಮುಂಬೈ ಇಂಡಿಯನ್ಸ್ ನ ನಾಯಕ ರೋಹಿತ್ ಶರ್ಮಾ, ತಮ್ಮ ಪತ್ನಿ ರಿತಿಕಾ ಜತೆ ಸಮಾರಂಭಕ್ಕೆ ಬಂದಿದ್ದು ಹೀಗೆ.
ಸಮಾರಂಭಕ್ಕೆ ವಿಶೇಷ ಮೆರುಗು
ಮಾಜಿ ಕ್ರಿಕೆಟಿಗ ಸಚಿನ್ ತೆಂಡೂಲ್ಕರ್ ಅವರು ತಮ್ಮ ಪತ್ನಿ ಅಂಜಲಿ ಜತೆಗೆ ಆಗಮಿಸಿ ಸಮಾರಂಭಕ್ಕೆ ಕಳೆ ತಂದರು. ಕಪ್ಪು ಬಣ್ಣದ ದಿರಿಸಿನಲ್ಲಿ ಮಿಂಚಿದ ಅವರ ಕಡೆಗೆ ತಿರುಗಿದ್ದ ಮಾಧ್ಯಮದ ಕಣ್ಣುಗಳು ತುಂಬಾ ಹೊತ್ತು ಬೇರೆಡೆಗೆ ಕದಲಲೇ ಇಲ್ಲ!
ಜೀನ್ಸ್ ನಲ್ಲಿ ಕಂಗೊಳಿಸಿದ ಕುಲಕರ್ಣಿ
ಧವಳ ಕುಲಕರ್ಣಿ ಅವರು ತಮ್ಮ ಪತ್ನಿ ಜತೆಗೆ ಸಮಾರಂಭದಲ್ಲಿ ಕಾಣಿಸಿಕೊಂಡಿದ್ದು ಹೀಗೆ. ಸಿಂಪಲ್ಲಾಗಿ ಜೀನ್ಸ್ ಪ್ಯಾಂಟ್ ಹಾಗೂ ಕ್ಯಾಶ್ಯುಯಲ್ ಶರ್ಟ್ ಧರಿಸಿ ಬಂದಿದ್ದ ಅವರು ವಿಭಿನ್ನವಾಗಿ ಕಂಡರು.
ಎಲ್ಲೆಲ್ಲೂ ಲವಲವಿಕೆ
ಭಾರತೀಯ ಕ್ರಿಕೆಟ್ ತಂಡದ ಹಿರಿಯ ಕ್ರಿಕೆಟಿಗ ಯುವರಾಜ್ ಸಿಂಗ್ ಅವರು ತಮ್ಮ ಮಿತ್ರರೊಡನೆ ಪಾರ್ಟಿಯಲ್ಲಿ ಕಾಣಿಸಿಕೊಂಡಿರು. ಯಾಕೋ ತುಂಬಾ ಸುಸ್ತಾದಂತೆ ಕಂಡರೂ ಅವರ ಲವಲವಿಕೆಯಲ್ಲಿ ಯಾವುದೇ ಕೊರತೆ ಕಂಡು ಬರಲಿಲ್ಲ.
ಜೀನ್ಸ್ ನಲ್ಲಿ ಕಂಗೊಳಿಸಿದ ವೇಗಿ
ಭಾರತೀಯ ಕ್ರಿಕೆಟ್ ರಂಗ ಕಂಡ ಮತ್ತೊಬ್ಬ ಪ್ರತಿಭೆ ಆಶೀಶ್ ನೆಹ್ರಾ ಅವರು ತಮ್ಮ ಪತ್ನಿ ರುಷ್ಮಾ ಜತೆಗೆ ಸಮಾರಂಭಕ್ಕೆ ಆಗಮಿಸಿದರು. ಅವರೂ ಅಷ್ಟೇ, ಸಿಂಪಲ್ಲಾಗಿ ಒಂದು ಜೀನ್ಸ್ ಪ್ಯಾಂಟ್ ಹಾಗೂ ಕಾಟನ್ ಶರ್ಟ್ ಧರಿಸಿದ್ದರು.
ಬೂದು ಬಣ್ಣದ ಸೂಟ್ ನಲ್ಲಿ ಮಿಂಚಿದ ರಾಯಲ್ ಕ್ರಿಕೆಟಿಗ
ಇನ್ನು, ತಮ್ಮ ಪತ್ನಿ ಆದಿತಿ ಜತೆಗೆ ಬಂದ ಮಾಜಿ ಕ್ರಿಕೆಟಿಗ ಅಜಯ್ ಜಡೇಜಾ, ಬೂದು ಬಣ್ಣದ ಸೂಟ್ ನಲ್ಲಿ ಮಿಂಚುತ್ತಿದ್ದರು. ಅವರ ಪತ್ನಿ ಸಹ ಟ್ರೆಂಡಿ ಉಡುಪಿನಲ್ಲಿ ಎಲ್ಲರ ಗಮನ ಸೆಳೆದರು.
ಮಾಜಿ, ಹಾಲಿ ಜುಗಲ್ ಬಂದಿ
ಮಾಜಿ ಕ್ರಿಕೆಟಿಗ ಮೊಹಮ್ಮದ್ ಕೈಫ್ ಹಾಗೂ ವಿಕೆಟ್ ಕೀಪರ್-ಕಂ- ಬ್ಯಾಟ್ಸ್ ಮನ್ ಪಾರ್ಥೀವ್ ಪಟೇಲ್ ಜತೆಗೆ ಕ್ಯಾಮೆರಾಕ್ಕೆ ಪೋಸು ನೀಡಿದರು.