ಲಂಡನ್ ಜೂನ್ 25: ಇಂಗ್ಲೆಂಡಿನ ಬ್ಯಾಟ್ಸ್ಮನ್ ಜೇಸನ್ ರಾಯ್ ಅವರು ದಕ್ಷಿಣ ಆಫ್ರಿಕಾ ವಿರುದ್ಧದ ಟ್ವೆಂಟಿ-20 ಪಂದ್ಯದಲ್ಲಿ ರನೌಟ್ ಆಗಿದ್ದು ಹೊಸ ದಾಖಲೆಯಾಗಿದೆ. ರನೌಟ್ ಗೆ ಸಂಬಂಧಿಸಿದ ಹೊಸ ನಿಯಯಕ್ಕೆ ಔಟಾದ ಮೊದಲ ಕ್ರಿಕೆಟರ್ ಎನಿಸಿಕೊಂಡಿದ್ದಾರೆ.
ಇಂಗ್ಲೆಂಡಿನ ಆರಂಭಿಕ ಆಟಗಾರ ರಾಯ್ ಫೀಲ್ಡಿಂಗಿಗೆ ಅಡ್ಡಿಪಡಿಸಿದ ಕಾರಣಕ್ಕೆ ಅಂಪೈರ್ ಗಳು ರನೌಟ್ ತೀರ್ಪು ನೀಡಿದರು. ಅಂತಾರಾಷ್ಟ್ರೀಯ ಟ್ವೆಂಟಿ-20 ಕ್ರಿಕೆಟ್ನಲ್ಲಿ ಬ್ಯಾಟ್ಸ್ಮನ್ವೊಬ್ಬ ಈ ರೀತಿ ರನೌಟ್ ಆಗಿದ್ದು ಇದೇ ಮೊದಲು.
So finally we have a batsman dismissed Obstructing the field in T20I history!#JasonRoy #ENGvSA
— Mohandas Menon (@mohanstatsman) June 23, 2017
ಆಗಿದ್ದೇನು? : ಇಂಗ್ಲೆಂಡಿನ ಇನಿಂಗ್ಸ್ ನ 16ನೇ ಓವರ್ ನಲ್ಲಿ ಈ ಘಟನೆ ನಡೆಯಿತು.ಲಿಯಾಮ್ ಲಿವಿಂಗ್ ಸ್ಟೋನ್ ಅವರು ಬ್ಯಾಕ್ವರ್ಡ್ ಪಾಯಿಂಟ್ನತ್ತ ಚೆಂಡನ್ನು ತಳ್ಳಿದಾಗ ನಾನ್ ಸ್ಟ್ರೈಕ್ ನಲ್ಲಿದ್ದ ರಾಯ್ ಅವರು ಒಂದು ರನ್ ಗಾಗಿ ಕರೆ ನೀಡಿದರು.
ಆದರೆ, ಲಿಯಾಮ್ ಅವರು ರಾಯ್ ಮನವಿ ಪುರಸ್ಕರಿಸದೆ ಕ್ರೀಸ್ ಗೆ ಹಿಂತಿರುಗಿದರು.
WICKET Roy out obstructing the field for 67 off 45 balls.
— England Cricket (@englandcricket) June 23, 2017
133-3 in the 16th #ENGvSA
Follow: https://t.co/JxdwNtG5cv pic.twitter.com/3yF7vRayDe
ಈ ಸಂದರ್ಭದಲ್ಲಿ ರಾಯ್ ಅವರನ್ನು ರನೌಟ್ ಮಾಡಲು ಎಸೆದ ಚೆಂಡನ್ನು ರಾಯ್ ಅವರು ಬೇಕಂತಲೆ ಬೂಟಿನಿಂದ ತಡೆದರು. ಇದನ್ನು ಕಂಡು ದಕ್ಷಿಣ ಅಫ್ರಿಕಾದ ಆಟಗಾರರು ರನೌಟ್ ಗಾಗಿ ಮನವಿ ಮಾಡಿದರು.
He's got between the fielder and the stumps. Deliberate or not, it's out.
— Dale Steyn (@DaleSteyn62) June 23, 2017
ಏಕದಿನ ಕ್ರಿಕೆಟ್ ಪಂದ್ಯದಲ್ಲಿ ಈ ರೀತಿ ರನೌಟ್ ಆದವರು:
* ರಮೀಜ್ ರಾಜ(ಪಾಕಿಸ್ತಾನ) ವಿರುದ್ಧ ಇಂಗ್ಲೆಂಡ್ 1987, ಕರಾಚಿ
* ಮೊಹಿಂದರ್ ಅಮರನಾಥ್ (ಭಾರತ) ವಿರುದ್ಧ ಶ್ರೀಲಂಕಾ, 1989, ಅಹಮದಾಬಾದ್
* ಇನ್ಜಾಮಾ ಉಲ್ ಹಕ್ (ಪಾಕಿಸ್ತಾನ) ವಿರುದ್ಧ ಭಾರತ, 2006 (ಪೇಶಾವರ್)
* ಮೊಹಮ್ಮದ್ ಹಫೀಜ್ (ಪಾಕಿಸ್ತಾನ) ವಿರುದ್ಧ ದಕ್ಷಿಣ ಆಫ್ರಿಕಾ, 2013 (ಡರ್ಬನ್)
* ಅನ್ವರ್ ಅಲಿ (ಪಾಕಿಸ್ತಾನ) ವಿರುದ್ಧ ದಕ್ಷಿಣ ಆಫ್ರಿಕಾ, 2013 (ಪೋರ್ಟ್ ಎಲಿಜಬತ್)
* ಬೆನ್ ಸ್ಟೋಕ್ಸ್ (ಇಂಗ್ಲೆಂಡ್) ವಿರುದ್ಧ ಆಸ್ಟ್ರೇಲಿಯಾ, 2015 (ಲಾರ್ಡ್ಸ್, ಲಂಡನ್)