ಪರ್ತ್, ಜ. 08: ಆಸ್ಟ್ರೇಲಿಯಾ ಪ್ರವಾಸದ ಮೊದಲ ಅಭ್ಯಾಸ ಪಂದ್ಯದಲ್ಲೇ ಟೀಂ ಇಂಡಿಯಾ ಆಟಗಾರರು ಉತ್ತಮ ಬ್ಯಾಟಿಂಗ್ ಅಭ್ಯಾಸ ಪಡೆದುಕೊಂಡಿದ್ದಾರೆ. ಪಶ್ಚಿಮ ಆಸ್ಟ್ರೇಲಿಯಾ ವಿರುದ್ಧ ತನ್ನ ಮೊದಲ ಟ್ವೆಂಟಿ 20 ಪಂದ್ಯವನ್ನು ಪ್ರವಾಸಿ ಭಾರತ ತಂಡ ಸುಲಭವಾಗಿ ಗೆದ್ದುಕೊಂಡಿದೆ.
ವಿರಾಟ್ ಕೊಹ್ಲಿ, ಶಿಖರ್ ಧವನ್ ತಲಾ 74ರನ್ ಸಿಡಿಸಿ ಭಾರತದ ಮೊತ್ತವನ್ನು 20 ಓವರ್ ಗಳಲ್ಲಿ 192/4 ಮೊತ್ತ ಗಳಿಸಿತು. ಬೃಹತ್ ಗುರಿ ಬೆನ್ನು ಹತ್ತಿದ ಸ್ಥಳೀಯ ತಂಡ 6/118 ಸ್ಕೋರ್ ಮಾಡಿ ಸೊಲೊಪ್ಪಿಕೊಂಡಿದೆ.
ಧವನ್ 8 ಬೌಂಡರಿ, 3 ಸಿಕ್ಸರ್ ಸಿಡಿಸಿದರೆ, ಕೊಹ್ಲಿ 7 ಬೌಂಡರಿ ಹಾಗೂ 3 ಸಿಕ್ಸ್ ಬಾರಿಸಿದರು. ನಾಯಕ ಧೋನಿ 14 ಎಸೆತಗಳಲ್ಲಿ 22 ರನ್ (1X4, 2X6) ಗಳಿಸಿ ಅಜೇಯವಾಗಿ ಉಳಿದರು.[2016ರ ಆಸ್ಟ್ರೇಲಿಯಾ vs ಟೀಂ ಇಂಡಿಯಾ ಸರಣಿ ವೇಳಾಪಟ್ಟಿ]
ಆರಂಭಿಕ ಆಟಗಾರ ರೋಹಿತ್ ಶರ್ಮ 6 ರನ್ ಗಳಿಸಿ ಪಂದ್ಯದ 3ನೇ ಓವರ್ ನಲ್ಲೇ ಔಟಾದರು. ನಂತರ 2ನೇ ವಿಕೆಟ್ ಗೆ ದೆಹಲಿಯ ಧವನ್ ಹಾಗೂ ಕೊಹ್ಲಿ 149ರನ್ ಜೊತೆಯಾಟ ನೀಡಿದರು.