ಲಂಡನ್, ಜೂನ್ 07: ಕ್ರಿಕೆಟ್ ದಿಗ್ಗಜರಾದ ಭಾರತದ ಸೌರವ್ ಗಂಗೂಲಿ ಹಾಗೂ ರಾಹುಲ್ ದ್ರಾವಿಡ್ ಅವರ ಅತ್ಯಧಿಕ ರನ್ ಜೊತೆಯಾಟದ ದಾಖಲೆಯನ್ನು ಕೌಂಟಿ ಕ್ರಿಕೆಟರ್ಸ್ ಜೋಡಿ ಮುರಿದಿದೆ.
ಇಂಗ್ಲೀಷ್ ಕೌಂಟಿಯ ರಾಯಲ್ ಲಂಡನ್ ಏಕದಿನ ಕಪ್ ಟೂರ್ನಿಯಲ್ಲಿ ನಾಟಿಂಗ್ಹ್ಯಾಮ್ ಶೈರ್ ತಂಡದ ರಿಕಿವೆಸ್ಲೆಸ್ ಹಾಗೂ ಮೈಕಲ್ ಲಂಬ್ ಈ ಸಾಧನೆ ಮಾಡಿದ್ದಾರೆ. [ದ್ರಾವಿಡ್ ಕೋಚಿಂಗ್ ಪಡೆದ ತಂಡದಿಂದ ಆಸೀಸ್ ಪ್ರವಾಸ]
ಈ ಜೋಡಿ 39.2 ಓವರ್ಗೆ 342ರನ್ಗಳ ಭರ್ಜರಿ ಜತೆಯಾಟ ಗಳಿಸಿದೆ. ಈ ಮೂಲಕ ಸೌರವ್ ಗಂಗೂಲಿ ಹಾಗೂ ರಾಹುಲ್ ದ್ರಾವಿಡ್ ಅವರ ದಾಖಲೆಯನ್ನು ಮುರಿದಿದ್ದಾರೆ.
ರಿಕಿವೆಸ್ಲೆಸ್ ಅವರು 97 ಎಸೆತದಲ್ಲಿ 146 ರನ್ ಗಳಿಸಿದರೆ, ಮೈಕಲ್ ಲಂಬ್ ದಾಖಲೆಯ 184 ರನ್ಚೆಚ್ಚಿದರು. ಇವರಿಬ್ಬರ ಆಟದ ನೆರವಿನಿಂದ ನಾಟಿಂಗ್ಹ್ಯಾಮ್ ಶೈರ್ ತಂಡ ಎಂಟು ವಿಕೆಟ್ ನಷ್ಟಕ್ಕೆ 445 ರನ್ ಗಳಿಸಿತು.
ಆದರೆ, ಲಿಸ್ಟ್ ಎ ಪಂದ್ಯಗಳ ಪೈಕಿ ಲಂಬ್ ಹಾಗೂ ವೆಸ್ಲೆಸ್ ಅವರ ದಾಖಲೆ ಜೊತೆಯಾಟ ಮೂರನೇ ಅತ್ಯಧಿಕ ಜೊತೆಯಾಟವಾಗಿದೆ. ಕ್ರಿಸ್ ಗೇಲ್ ಹಾಗೂ ಮರ್ಲಾನ್ ಸ್ಯಾಮುಯಲ್ಸ್ ಅವರು ವಿಶ್ವಕಪ್ 2015 ರಲ್ಲಿ ಜಿಂಬಾಬ್ವೆ ವಿರುದ್ಧ 372 ರನ್ ಗಳಿಸಿದ್ದರು. ಆದರೆ, ಅತ್ಯಧಿಕ ರನ್ ಜೊತೆಯಾಟ ಸರೆ(496/4) ಹಾಗೂ ಗೌಸೆಸ್ಟರ್ ಶೈರ್ ವಿರುದ್ಧ 2007ರಲ್ಲಿ ಕಂಡು ಬಂದಿತ್ತು. (ಒನ್ಇಂಡಿಯಾ ಸುದ್ದಿ)