ಮುಂಬೈ, ಜೂನ್ 05: ಟೀಂ ಇಂಡಿಯಾ ಕೋಚ್ ಹುದ್ದೆಗೆ ಮಾಜಿ ಕ್ರಿಕೆಟರ್ ಸಂದೀಪ್ ಪಾಟೀಲ್ ಅರ್ಜಿ ಹಾಕಿದ್ದಾರೆ. ಹಾಲಿ ರಾಷ್ಟ್ರೀಯ ಆಯ್ಕೆ ಸಮಿತಿಯ ಅಧ್ಯಕ್ಷರಾಗಿರುವ ಸಂದೀಪ್ ಪಾಟೀಲ್ ಅವರು ಕೋಚ್ ಹುದ್ದೆಗೆ ಅರ್ಜಿ ಸಲ್ಲಿಸಿರುವುದು ಹಲವರ ಹುಬ್ಬೇರಿಸಿದೆ.[ಕೊಹ್ಲಿ ಪಡೆಯಿಂದ 49 ದಿನಗಳ ಕಾಲ ವಿಂಡೀಸ್ ಟೂರ್]
ಒಂದು ವೇಳೆ ಕೋಚ್ ಆಗಿ ಆಯ್ಕೆಯಾದರೆ ಆಯ್ಕೆ ಸಮಿತಿ ಸ್ಥಾನವನ್ನು ತೊರೆಯಬೇಕಾಗುತ್ತದೆ. ಇಲ್ಲವೇ, ಆಯ್ಕೆ ಸಮಿತಿ ಸ್ಥಾನದ ಅವಧಿ ಮುಗಿದ ನಂತರ ಕೋಚ್ ಆಗುವ ಸಾಧ್ಯತೆ ಕಂಡು ಬಂದಿದೆ.[ಕೋಚ್ ಸ್ಥಾನಕ್ಕೇರಿದ ಸಂಜಯ್ ಬಂಗಾರ್]
1996ರಲ್ಲಿ ಭಾರತ ತಂಡದ ಹಂಗಾಮಿ ಕೋಚ್ ಆಗಿ ಸಂದೀಪ್ ಪಾಟೀಲ್ ಕಾರ್ಯ ನಿರ್ವಹಿಸಿದ್ದರು. ಕೀನ್ಯಾ ತಂಡದ ಕೋಚ್ ಆಗಿ 2003ರ ವಿಶ್ವಕಪ್ ಸೆಮಿಫೈನಲ್ಗೆ ಮುನ್ನಡೆಸಿದ್ದರು. ವೆಸ್ಟ್ ಇಂಡೀಸ್ ಪ್ರವಾಸದ ನಂತರ ಭಾರತ ತಂಡದ ಕೋಚ್ ಆಗಿ ಸಂದೀಪ್ ಅಯ್ಕೆಯಾಗುವ ಸಾಧ್ಯತೆ ಇದೆ.[ಕೊಹ್ಲಿ ನಾಯಕತ್ವದಲ್ಲಿ ಧೋನಿ ಆಡಿದರೆ ತಪ್ಪೇನಿಲ್ಲ: ಶಾಸ್ತ್ರಿ]
ಸಂದೀಪ್ ಪಾಟೀಲ್ ಅವರು 1980-86ರಲ್ಲಿ ಭಾರತ ಪರ 29 ಟೆಸ್ಟ್, 45 ಏಕದಿನ ಪಂದ್ಯ ಆಡಿದ್ದಾರೆ. 1983ರ ವಿಶ್ವಕಪ್ ವಿಜೇತ ತಂಡದ ಸದಸ್ಯರೂ ಆಗಿದ್ದಾರೆ. 2012ರ ಸೆಪ್ಟೆಂಬರ್ನಿಂದ ಆಯ್ಕೆ ಮಂಡಳಿ ಮುಖ್ಯಸ್ಥರಾಗಿದ್ದಾರೆ.