ಬೆಂಗಳೂರು, ನವೆಂಬರ್ 25 ಕ್ರಿಕೆಟ್ ದಿಗ್ಗಜರಾದ ಸಚಿನ್ ತೆಂಡೂಲ್ಕರ್, ಶೇನ್ ವಾರ್ನ್ ಅವರ ಕನಸಿನ ಕ್ರಿಕೆಟ್ ಟೂರ್ನಿ 'ಆಲ್ ಸ್ಟಾರ್ ಕ್ರಿಕೆಟ್ ಲೀಗ್' ಮತ್ತೆ ಆರಂಭಗೊಳ್ಳಲಿದೆ. ಅಮೆರಿಕನ್ನರಿಗೆ ಕ್ರಿಕೆಟ್ ಹುಚ್ಚು ಹಿಡಿಸಲು ಮತ್ತೊಮ್ಮೆ ಈ ಇಬ್ಬರು ದಿಗ್ಗಜರು ಸಜ್ಜಾಗಿದ್ದಾರೆ.
ಮೊದಲ ಬಾರಿ ನಡೆದ ಮೂರು ಟಿ20 ಪಂದ್ಯಗಳ ಸರಣಿಯಲ್ಲಿ ಸಚಿನ್ ಬ್ಲಾಸ್ಟರ್ಸ್ ತಂಡದ ವಿರುದ್ಧ ಶೇನ್ ವಾರ್ನ್ ವಾರಿಯರ್ಸ್ ತಂಡ 0-3 ಅಂತರದಿಂದ ಸೋಲಿಸಿತ್ತು.
ಈ ಬಾರಿ ಕಳೆದ ಲೀಗ್ ನಲ್ಲಿ ಆಡಿದ ಮಾಜಿ ಕ್ರಿಕೆಟರ್ ಗಳ ಜತೆಗೆ ಆಸ್ಟ್ರೇಲಿಯಾದ ಮಾಜಿ ನಾಯಕ ಮೈಕಲ್ ಕ್ಲಾರ್ಕ್, ಇಂಗ್ಲೆಂಡಿನ ಮಾಜಿ ನಾಯಕ ಕೆವಿನ್ ಪೀಟರ್ಸನ್, ನ್ಯೂಜಿಲೆಂಡ್ ನ ಮಾಜಿ ನಾಯಕ ಸ್ಟೀಫನ್ ಫ್ಲೆಮಿಂಗ್ ಅವರು ಈ ಬಾರಿ ಅಡುತ್ತಿರುವುದು ವಿಶೇಷ.
ಸೆಪ್ಟೆಂಬರ್/ ಅಕ್ಟೋಬರ್ 2017ರ ವೇಳೆಗೆ ಪಂದ್ಯವಾಳಿಗಳು ನಡೆಯುವ ಸಾಧ್ಯತೆಯಿದೆ. ಇಲ್ಲಿ ತನಕ ಈ ಲೀಗ್ ನಲ್ಲಿ ಆಡಲು ಒಪ್ಪಿರುವ ಆಟಗಾರರ ಪಟ್ಟಿ ಹೀಗಿದೆ.
* ಬ್ರಿಯಾನ್ ಲಾರಾ (ವೆಸ್ಟ್ ಇಂಡೀಸ್)
* ಶೇನ್ ವಾರ್ನ್ (ಆಸ್ಟ್ರೇಲಿಯಾ)
* ಜಾಕ್ ಕಾಲಿಸ್ (ದಕ್ಷಿಣ ಆಫ್ರಿಕಾ)
* ಕೆವಿನ್ ಪೀಟರ್ಸನ್ (ಇಂಗ್ಲೆಂಡ್)
* ಬ್ರೆಂಡನ್ ಮೆಕಲಮ್ (ನ್ಯೂಜಿಲೆಂಡ್)
* ವಾಸೀಂ ಅಕ್ರಮ್ (ಪಾಕಿಸ್ತಾನ)
* ರಿಕಿ ಪಾಂಟಿಂಗ್ (ಆಸ್ಟ್ರೇಲಿಯಾ)
* ಶೋಯಿಬ್ ಅಖ್ತರ್ (ಪಾಕಿಸ್ತಾನ)
* ಕುಮಾರ್ ಸಂಗಕ್ಕಾರ (ಶ್ರೀಲಂಕಾ)
* ಮಹೇಲ ಜಯವರ್ದನೆ( ಶ್ರೀಲಂಕಾ)