ಮುಂಬೈ, ಜುಲೈ 14: ಇಂಡಿಯನ್ ಪ್ರೀಮಿಯರ್ ಲೀಗ್ ನಲ್ಲಿ ಮುಂಬೈ ಇಂಡಿಯನ್ಸ್ ತಂಡದ ನಾಯಕ ರೋಹಿತ್ ಶರ್ಮಾ ಅವರಿಗೆ WWE ಕಡೆಯಿಂದ ವಿಶೇಷ ಉಡುಗೊರೆ ಬಂದಿದೆ. ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ(ಸಿಒಒ)ಯಾಗಿರುವ ಟ್ರಿಪಲ್ ಹೆಚ್ ಅವರು ರೋಹಿತ್ ಶರ್ಮ ಅವರಿಗೆ ಆತ್ಮೀಯ ಗಿಫ್ಟ್ ಸಿಕ್ಕಿದೆ. ಐಪಿಎಲ್ ನಲ್ಲಿ ದಾಖಲೆಯ ಮೂರನೇ ಬಾರಿಗೆ ಟ್ರೋಫಿ ಗೆದ್ದಿದ್ದಕ್ಕಾಗಿ ವಿಶೇಷವಾದ WWEನ ವಿಶೇಷ ಚಾಂಪಿಯನ್ ಶಿಪ್ ಬೆಲ್ಟ್ ಕಳಿಸಲಾಗಿದೆ. ಬೆಲ್ಟ್ ನಲ್ಲಿ ಮುಂಬೈ ಇಂಡಿಯನ್ಸ್ (ಎಂಐ) ಎಂದು ಬರೆಯಲಾಗಿದೆ. ಮುಂಬೈ ತಂಡ ಫೈನಲ್ ಗೆದ್ದ ದಿನದಂದೇ WWE ಚಾಂಪಿಯನ್ಸ್ ನಲ್ಲಿ ಭಾರತೀಯ ಮೂಲದ ಜಿಂದರ್ ಮಹಲ್ ಅವರು ಬೆಲ್ಟ್ ಗೆದ್ದುಕೊಂಡಿದ್ದರು.