ಅನಿಲ್ ಕುಂಬ್ಳೆಗೆ ನಿರಾಕರಿಸಿದ ವೇತನ ರವಿಶಾಸ್ತ್ರಿಗೆ?

Posted By:
Subscribe to Oneindia Kannada

ನವದೆಹಲಿ, ಜುಲೈ 16 : ಭಾರತ ಕ್ರಿಕೆಟ್ ತಂಡದ ಮುಖ್ಯ ಕೋಚ್ ಆಗಿ ಆಯ್ಕೆಯಾಗಿರುವ ರವಿಶಾಸ್ತ್ರಿ ಅವರು ವಾರ್ಷಿಕ 7 ರಿಂದ 7.5 ಕೋಟಿ ರು. ಸಂಭಾವನೆಯನ್ನು ಪಡೆಯಲಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

ಭಾರತೀಯ ಕ್ರಿಕೆಟ್ ಮಂಡಳಿ(ಬಿಸಿಸಿಐ) ರವಿಶಾಸ್ತ್ರಿ ಅವರಿಗೆ ವಾರ್ಷಿಕವಾಗಿ 7 ಕೋಟಿ ರು. ಅಧಿಕ ಸಂಭಾವನೆಯನ್ನು ನೀಡುವ ಭರವಸೆ ನೀಡಿದೆ. ಈ ಹಿಂದೆ ಅನಿಲ್ ಕುಂಬ್ಳೆ ಅವರು ಕೋಚ್ ಆಗಿದ್ದಾಗ ಮೇ ತಿಂಗಳಲ್ಲಿ 7.5 ಕೋಟಿ ರು. ನೀಡುವಂತೆ ಬಿಸಿಸಿಐಗೆ ಮನವಿ ಮಾಡಿದ್ದರು. ಬಿಸಿಸಿಐ ಅಷ್ಟೊಂದು ಸಂಭಾವನೆ ಕೊಡಲು ಆಗುವುದಿಲ್ಲವೆಂದು ಖಡಕ್ ಆಗಿ ಹೇಳಿತ್ತು.

ರವಿಶಾಸ್ತ್ರಿ ಟೀಂ ಇಂಡಿಯಾ ಮುಖ್ಯ ಕೋಚ್; ಜಹೀರ್ ಖಾನ್ ಬೌಲಿಂಗ್ ಕೋಚ್

Ravi Shastri may get over Rs 7 crore a year

ರವಿಶಾಸ್ತ್ರಿ ಅವರು ವೀಕ್ಷಕ ವಿವರಣೆ ಮತ್ತು ಕ್ರಿಕೆಟ್ ವಿಶ್ಲೇಷಕ ಜವಬ್ದಾರಿಗಳನ್ನು ಬಿಟ್ಟು ಕೋಚ್ ಹುದ್ದೆಯಲ್ಲಿ ಮುಂದುವರೆಯಲಿದ್ದಾರೆ. ಈ ಕಾರಣದಿಂದಾಗಿ ಸಹಜವಾಗಿ ಅವರಿಗೆ ವಾರ್ಷಿಕವಾಗಿ ಗರಿಷ್ಠ 7.5 ಕೋಟಿ ರು. ನೀಡುವ ಸಾಧ್ಯತೆ ಇದೆ ಎನ್ನಲಾಗಿದೆ.

ಈ ಹಿಂದೆ ಭಾರತ ಕ್ರಿಕೆಟ್ ತಂಡದ ನಿರ್ದೇಶಕರಾಗಿದ್ದಾಗ ರವಿಶಾಸ್ತ್ರಿ ಅವರು ವಾರ್ಷಿಕವಾಗಿ 7 ರಿಂದ 7.5 ಕೋಟಿ ರು. ವರೆಗೆ ಸಂಭಾವನೆ ಪಡೆದಿಕೊಂಡಿದ್ದರು.

ಟ್ವಿಟ್ಟರಿಗರ ಪಾಲಿಗೆ ಶಕುನಿ, ಎಂಎಂ ಸಿಂಗ್ ಆದ ರವಿಶಾಸ್ತ್ರಿ

ಇನ್ನು ಬ್ಯಾಟಿಂಗ್, ಬೌಲಿಂಗ್ ಹಾಗೂ ಫೀಲ್ಡಿಂಗ್ ಕೋಚ್ ಗಳಿಗೆ ವಾರ್ಷಿಕ 2 ಕೋಟಿ ಸಂಭಾವನೆ ದೊರೆಯುವ ಸಾಧ್ಯತೆ ಇದ್ದು, ಟೀಂ ಇಂಡಿಯಾದ ಎಲ್ಲಾ ವಿಭಾಗಗಳ ಕೋಚ್ ಗಳ ಒಪ್ಪಂದ ಪ್ರಕ್ರಿಯೆ ಪೂರ್ಣಗೊಂಡ ಬಳಿಕ ಸಂಪೂರ್ಣ ಮಾಹಿತಿ ದೊರೆಯಲಿದೆ.

Ravi Shastri selected as head coach for Indian cricket team | Oneindia Kannada
English summary
India's newly-appointed head coach Ravi Shastri is likely to be paid between Rs 7 cr to Rs 7.5 cr per year, according to sources.
Please Wait while comments are loading...