ರಣಜಿ ವೇಳಾಪಟ್ಟಿ ಪ್ರಕಟ, ಬೆಳಗಾವಿಯಲ್ಲೂ ಪಂದ್ಯ

ಮುಂಬೈ, ಸೆ. 04: ರಣಜಿ ಟ್ರೋಫಿ 2016-17ರ ಸಾಲಿನ ಕ್ರಿಕೆಟ್ ಟೂನಿ೯ಯ ವೇಳಾಪಟ್ಟಿಯನ್ನು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಪ್ರಕಟಿಸಿದೆ. ಈ ಬಾರಿ ಎಲ್ಲಾ ಪಂದ್ಯಗಳನ್ನು ತಟಸ್ಥ ಮೈದಾನಗಳಲ್ಲಿ ನಡೆಸಲು ಬಿಸಿಸಿಐ ನಿರ್ಧರಿಸಿದೆ.

ಬಿಸಿಸಿಐ ತಾಂತ್ರಿಕ ಸಮಿತಿಯ ಮುಖ್ಯಸ್ಥ ಸೌರವ್ ಗಂಗೂಲಿ ಅವರ ಸಲಹೆ ಮೇರೆಗೆ ಹಿರಿಯರ, ಕಿರಿಯರ ಹಾಗೂ ಮಹಿಳೆಯರ ವೇಳಾಪಟ್ಟಿಯನ್ನು ನಿಗದಿಪಡಿಸಲಾಗಿದೆ. ಅಕ್ಟೋಬರ್ 6ರಿಂದ ಪಂದ್ಯಗಳು ಆರಂಭಗೊಳ್ಳಲಿದ್ದು, ಛತ್ತೀಸ್ ಗಢ ಈ ಬಾರಿ ಪ್ರಥಮ ದರ್ಜೆ ಕ್ರಿಕೆಟ್ ಗೆ ಕಾಲಿಡುತ್ತಿದೆ. ಎ, ಬಿ ಹಾಗೂ ಸಿ ಗುಂಪುಗಳಿದ್ದು ಒಟ್ಟು 28 ತಂಡಗಳಿವೆ. ಆರಂಭಿಕ ಪಂದ್ಯದಲ್ಲಿ ರಾಂಚಿಯಲ್ಲಿ ತ್ರಿಪುರ ವಿರುದ್ಧ ಛತ್ತೀಸ್ ಗಢ ಆಡಲಿದೆ.

ಕರ್ನಾಟಕದಲ್ಲಿ ಪಂದ್ಯಗಳು: ಕರ್ನಾಟಕ ತಂಡ ಸಿ ಗುಂಪಿನಲ್ಲಿದೆ. ಕರ್ನಾಟಕದಲ್ಲಿ ಬೆಳಗಾವಿ ಹೊಸ ತಟಸ್ಥ ಮೈದಾನವಾಗಿ ಆಯ್ಕೆಯಾಗಿದೆ. ಬೆಳಗಾವಿಯಲ್ಲಿ ಎರಡು ಪಂದ್ಯಗಳು, ಮ್ಯೆಸೂರಿನಲ್ಲಿ 2 ಹಾಗೂ ಹುಬ್ಬಳ್ಳಿಯಲ್ಲಿ ಒಂದು ಪಂದ್ಯ ಸೇಿದಂತೆ ಕರ್ನಾಟಕದಲ್ಲಿ 5 ಪ೦ದ್ಯಗಳು ನಡೆಯಲಿವೆ. ಬೆಂಗಳೂರಿನ ಎಂ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ದುರಸ್ತಿ ಕಾರ್ಯ ನಡೆಯುತ್ತಿರುವುದರಿಂದ ಈ ಬಾರಿ ಪಂದ್ಯಗಳು ನಡೆಸಲಾಗುತ್ತಿಲ್ಲ.

ಕರ್ನಾಟಕದಲ್ಲಿ ನಡೆಯಲಿರುವ ಪಂದ್ಯಗಳು:

ನವೆಂಬರ್ 5-8: ಮುಂಬೈ vs ರೈಲ್ವೇಸ್, ಮ್ಯೆಸೂರು,
ನವೆಂಬರ್13-16: ಉತ್ತರ ಪ್ರದೇಶ vs ಮುಂಬೈ, ಬೆಳಗಾವಿ,
ನವೆಂಬರ್ 21-24: ಗುಜರಾತ್‍ vs ಮುಂಬೈ, ಹುಬ್ಬಳ್ಳಿ,
ನವೆಂಬರ್29-ಡಿಸೆಂಬರ್.2: ಗುಜರಾತ್‍ vs ಪಂಜಾಬ್, ಮ್ಯೆಸೂರು,

ಡಿಸೆಂಬರ್7-10: ತಮಿಳುನಾಡು vs ಗುಜರಾತ್, ಬೆಳಗಾವಿ.

ಕ್ವಾರ್ಟರ್ ಫೈನಲ್ : ಡಿಸೆಂಬರ್ 17-21

ಸೆಮಿಫೈನಲ್ : ಡಿಸೆಂಬರ್ 17-21
ಫೈನಲ್ : ಜನವರಿ 7 ರಿಂದ 11

ರಣಜಿ ಟ್ರೋಫಿ 2016-17ರ ಗುಂಪುಗಳು
ಎ ಗುಂಪು: ಮುಂಬೈ, ಬರೋಡಾ, ಪಂಜಾಬ್, ಮಧ್ಯಪ್ರದೇಶ, ಬೆಂಗಾಲ, ಗುಜರಾತ್, ತಮಿಳುನಾಡು, ರೈಲ್ವೇಸ್, ಉತ್ತರಪ್ರದೇಶ.

ಬಿ ಗುಂಪು: ಸೌರಾಷ್ಟ್ರ, ಒಡಿಶಾ, ದೆಹಲಿ, ಮಹಾರಾಷ್ಟ್ರ, ಅಸ್ಸಾಮ್, ವಿದರ್ಭ, ಕರ್ನಾಟಕ, ರಾಜಸ್ತಾನ, ಜಾರ್ಖಂಡ್

ಸಿ ಗುಂಪು: ಹೈದರಾಬಾದ್, ಹರ್ಯಾಣ, ಕೇರಳ, ಹಿಮಾಚಲ ಪ್ರದೇಶ, ತ್ರಿಪುರ, ಸರ್ವೀಸಸ್, ಗೋವಾ, ಜಮ್ಮು ಮತ್ತು ಕಾಶ್ಮೀರ, ಆಂಧ್ರ, ಛ್ತೀಸ್ ಗಢ. (ಪಿಟಿಐ)