ರಣಜಿ ಟ್ರೋಫಿ ಹೊಸ ಸೀಸನ್ ವೇಳಾಪಟ್ಟಿ, ಗೈಡ್

ಬೆಂಗಳೂರು, ಅಕ್ಟೋಬರ್ 01: ಹಾಲಿ ಚಾಂಪಿಯನ್ ಕರ್ನಾಟಕ ಸೇರಿದಂತೆ ವಿವಿಧ ರಾಜ್ಯಗಳು ರಣಜಿ ಟ್ರೋಫಿಗಾಗಿ ಗುರುವಾರದಿಂದ ಸ್ಪರ್ಧಿಸುತ್ತಿವೆ. ಸತತವಾಗಿ ಎರಡು ಬಾರಿ ಚಾಂಪಿಯನ್ ಆಗಿರುವ ವಿನಯ್ ಕುಮಾರ್ ಪಡೆ ಈ ಬಾರಿ ಹ್ಯಾಟ್ರಿಕ್ ಗೆಲುವಿನ ನಿರೀಕ್ಷೆಯಲ್ಲಿದೆ.

ಕರ್ನಾಟಕ ಈ ಬಾರಿ ಎ ಗುಂಪಿನಲ್ಲಿದ್ದು ಮೊದಲ ಪಂದ್ಯವನ್ನು ಗುವಾಹಟಿಯಲ್ಲಿ ಅಸ್ಸಾಂ ವಿರುದ್ಧ ಆಡುತ್ತಿದೆ. ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ(ಬಿಸಿಸಿಐ) ಆಯೋಜನೆಯ ಈ ಟೂರ್ನಿ ಹಲವಾರು ಯುವ ಪ್ರತಿಭೆಗಳಿಗೆ ಉತ್ತಮ ವೇದಿಕೆಯಾಗಿದೆ. 2015-16ರ ರಣಜಿ ಟ್ರೋಫಿಗೆ ಮಾರ್ಗದರ್ಶಿ ಇಲ್ಲಿದೆ: [ಕರ್ನಾಟಕಕ್ಕೆ ಮತ್ತೊಂದು ರಣಜಿ ತಂಡಕ್ಕಾಗಿ ಆಗ್ರಹ]

* ಗುಂಪುಗಳು: 3 ವಿಭಾಗಗಳಲ್ಲಿ 27 ತಂಡಗಳು
* ಎ ಗುಂಪು: ಕರ್ನಾಟಕ, ಬೆಂಗಾಲ, ಅಸ್ಸಾಂ, ಮಹಾರಾಷ್ಟ್ರ, ಹರ್ಯಾಣ, ರಾಜಸ್ಥಾನ, ದೆಹಲಿ, ಒಡಿಶಾ, ವಿದರ್ಭ.
* ಬಿ ಗುಂಪು: ಆಂಧ್ರಪ್ರದೇಶ, ಮುಂಬೈ, ಪಂಜಾಬ್, ರೈಲ್ವೇಸ್, ಬರೋಡಾ, ಗುಜರಾತ್, ತಮಿಳುನಾಡು, ಉತ್ತರಪ್ರದೇಶ, ಮಧ್ಯಪ್ರದೇಶ

* ಸಿ ಗುಂಪು: ಹೈದರಾಬಾದ್, ಗೋವಾ, ಹಿಮಾಚಲ ಪ್ರದೇಶ, ಜಮ್ಮು ಮತ್ತು ಕಾಶ್ಮೀರ, ಕೇರಳ, ಸೌರಾಷ್ಟ್ರ, ತ್ರಿಪುರ, ಸರ್ವೀಸಸ್, ಜಾರ್ಖಂಡ್. [ರಣಜಿ ಸಂಭಾವ್ಯ ತಂಡ: ಕುನಾಲ್, ಕೆಪಿ ಅಪ್ಪಣ್ಣ ಔಟ್]

* ಹಾಲಿ ಚಾಂಪಿಯನ್: ಕರ್ನಾಟಕ
* ರನ್ನರ್ ಅಪ್ ತಂಡ: ತಮಿಳುನಾಡು

* ಕಳೆದ ಬಾರಿಯ ಸೆಮಿಫೈನಲ್: ಕರ್ನಾಟಕ, ಮುಂಬೈ, ತಮಿಳುನಾಡು, ಮಹಾರಾಷ್ಟ್ರ.

* ಗೆಲುವಿಗೆ 6 ಅಂಕ, ಮೊದಲ ಇನ್ನಿಂಗ್ಸ್ ಗೆ 3 ಅಂಕ, ಡ್ರಾ/ಟೈ ಆದರೆ ತಲಾ 1 ಅಂಕ, 10 ವಿಕೆಟ್ ಜಯ ಸಿಕ್ಕರೆ 1 ಬೋನಸ್ ಅಂಕ,

1934-35ರಿಂದ ಇಲ್ಲಿ ತನಕ 81 ಫೈನಲ್ಸ್ ಆಡಲಾಗಿದೆ ಈ ಪೈಕಿ ಬಾಂಬೆ/ಮುಂಬೈ 40 ಬಾರಿ ಪ್ರಶಸ್ತಿ ಗೆದ್ದಿದೆ. ಮೈಸೂರು/ಕರ್ನಾಟಕ 8 ಬಾರಿ, ದೆಹಲಿ 7 ಬಾರಿ ನಂತರದ ಸ್ಥಾನದಲ್ಲಿದೆ.