ಅಭಿಮಾನಿಗಳ ಫೆವರಿಟ್ ಕ್ರಿಕೆಟರ್
ಪ್ರಸ್ತುತ ಅಂತಾರಾಷ್ಟ್ರೀಯ ಕ್ರಿಕೆಟಿಗರಲ್ಲಿ ಅತ್ಯಂತ ಜನಪ್ರಿಯ ಮತ್ತು ಪ್ರತಿಭಾವಂತ ಕ್ರಿಕೆಟ್ ಆಟಗಾರ. ಎಲ್ಲೇ ಹೋಗಲಿ ಅಭಿಮಾನಿಗಳು ಹೂವಿಗೆ ದುಂಬಿ ಮುತ್ತಿಕ್ಕಿದಂತೆ ಮುತ್ತಿಕ್ಕುತ್ತಾರೆ. ವಿರಾಟ್ ಕೂಡ ಬಿಗುಮಾನ ತೋರದೆ ಆಟೋಗ್ರಾಫ್ ನೀಡುವುದು ಅವರ ನಿಜವಾದ ಹೆಗ್ಗಳಿಕೆ.
ಟೆಸ್ಟ್ ಕ್ರಿಕೆಟ್ ನಲ್ಲಿ ನಂ.1
ಐಸಿಸಿ ಟೆಸ್ಟ್ ಶ್ರೇಯಾಂಕದಲ್ಲಿ ಭಾರತವನ್ನು ಮತ್ತೆ ನಂಬರ್ 1 ಸ್ಥಾನಕ್ಕೆ ತೆಗೆದುಕೊಂಡು ಹೋಗುವಲ್ಲಿ ವಿರಾಟ್ ಕೊಹ್ಲಿ ಕೊಡುಗೆ ದೊಡ್ಡದು. ನ್ಯೂಜಿಲೆಂಡ್ ತಂಡವನ್ನು 3-0ಯಿಂದ ಬಗ್ಗುಬಡಿದ ಭಾರತ ನಂ.1 ಸ್ಥಾನಕ್ಕೆ ಏರಿದೆ.
ಕ್ಯಾಪ್ಟನ್ ಗಳ ನಡುವಿನ ಸಾಮರಸ್ಯ
ಇಷ್ಟೆಲ್ಲಾ ಯಶಸ್ಸು ದಕ್ಕಿದರೂ ಏಕದಿನದ ತಂಡದ ಕ್ಯಾಪ್ಟನ್ ಧೋನಿ ಜೊತೆ ವಿರಾಟ್ ಉತ್ತಮ ಬಾಂಧವ್ಯ ಹೊಂದಿದ್ದಾರೆ. ಯಶಸ್ಸಿನ ನಶೆ ಕೊಹ್ಲಿ ಹೆಗಲಿಗೇರಿಲ್ಲ.ಕೊಹ್ಲಿ ಅವರ ನೈಪುಣ್ಯತೆಯನ್ನು ಮಹೇಂದ್ರ ಸಿಂಗ್ ಧೋನಿ ಜಾಣ್ಮೆಯಿಂದ ಬಳಸಿಕೊಳ್ಳುತ್ತಿದ್ದಾರೆ.
ತಂಡದ ಆಟಗಾರ
ಕಿರಿಯ ಆಟಗಾರರಿಗೆ ಟಿಪ್ಸ್ ನೀಡುವುದು, ಉತ್ಸಾಹ ಕುಗ್ಗಿದಾಗ ಹುರುದುಂಬಿಸುವುದನ್ನು ವಿರಾಟ್ ಮಾಡುತ್ತಲೇ ಇರುತ್ತಾರೆ. ಕಿರಿಯ ಕ್ರಿಕೆಟಿಗರು ಕೂಡ ಇಂಥ ಅವಕಾಶವನ್ನು ಬಳಸಿಕೊಂಡು ವಿರಾಟ್ ಅವರ ಯಶಸ್ಸಿಗೆ ಸಾಕಷ್ಟು ಕಾಣಿಕೆ ನೀಡುತ್ತಿದ್ದಾರೆ.
ಮೈದಾನದಲ್ಲಿ ಉತ್ಸಾಹದ ಬುಗ್ಗೆ
ಅದ್ಭುತ ಕ್ಯಾಚ್ ಹಿಡಿಯಲಿ, ಸೆಂಚುರಿ ಬಾರಿಸಲಿ, ಬೌಲರ್ ವಿಕೆಟ್ ಉರುಳಿಸಲಿ ಅಥವಾ ಮೈದಾನದಲ್ಲಿ ಯಾರೇ ಜೋಕ್ ಕತ್ತರಿಸಲಿ.... ವಿರಾಟ್ ಸಖತ್ತಾಗಿ ಎಂಜಾಯ್ ಮಾಡುವುದನ್ನು ಎಂದೂ ತಪ್ಪಿಸುವುದಿಲ್ಲ. ಮೈದಾನದಲ್ಲಿ ಅವರು ಯಾವತ್ತೂ ಉತ್ಸಾಹದ ಬುಗ್ಗೆಯೆ.
ಕೊಹ್ಲಿಯಲ್ಲೊಬ್ಬ ಕಲಾಕಾರ
ಕ್ರಿಕೆಟ್ ಆಡುವುದನ್ನು ಬಿಟ್ಟು, ಜಾಹೀರಾತುಗಳಲ್ಲಿ ನಟಿಸುವುದನ್ನು ಬಿಟ್ಟು ಕೊಹ್ಲಿಯಲ್ಲಿ ಮತ್ತೊಬ್ಬ ಕಲಾಕಾರನಿದ್ದಾನೆಯೆ? ಬೆಂಗಳೂರಿನ ನ್ಯಾಷನಲ್ ಕ್ರಿಕೆಟ್ ಅಕಾಡೆಮಿಯಲ್ಲಿ ಪಾಲ್ಗೊಂಡಿದ್ದಾಗ ವಿರಾಟ್ ಕೊಹ್ಲಿ ಡೋಲು ಬಾರಿಸುತ್ತಿರುವಲ್ಲಿ ನಿರತರಾಗಿದ್ದಾರೆ. ಕೊಹ್ಲಿಯಲ್ಲಿ ಒಬ್ಬ ನರ್ತಕನೂ ಇದ್ದಾನೆ.
ವಿವಿಯನ್ ಜೊತೆ ವಿರಾಟ್
ವೆಸ್ಟ್ ಇಂಡೀಸ್ ಪ್ರವಾಸ ಕೈಗೊಂಡಾಗ ಮಾಜಿ ಕ್ರಿಕೆಟ್ ಲೆಜೆಂಡ್ ವಿವಿಯನ್ ರಿಚರ್ಡ್ಸ್ ಜೊತೆ ಕೆಲ ಅವಿಸ್ಮರಣೀಯ ಘಳಿಗೆಯನ್ನು ವಿರಾಟ್ ಕಳೆದರು. ವಿರಾಟ್ ರನ್ನು ವಿವಿಯನ್ ಹಾಡಿ ಹೊಗಳಿದ್ದರು, ಆತ ಪ್ರಸ್ತುತ ಕ್ರಿಕೆಟಿಗರಲ್ಲಿ ಸೂಪರ್ ಸ್ಟಾರ್ ಬ್ಯಾಟ್ಸ್ ಮನ್ ಎಂದು ವಿವಿಯನ್ ಹೇಳಿದ್ದರು.
ಫಿಟ್ನೆಸ್ ವಿಷಯದಲ್ಲಿ ರಾಜಿಯೇ ಇಲ್ಲ
ಭಾರತ ತಂಡದ ಫಿಟೆಸ್ಟ್ ಆಟಗಾರರಲ್ಲಿ ವಿರಾಟ್ ಕೊಹ್ಲಿ ಕೂಡ ಒಬ್ಬರು. ತಮ್ಮ ದೇಹಸಾಮರ್ಥ್ಯವನ್ನು ಕಾಪಾಡಿಕೊಳ್ಳಲು ತರಹೇವಾಗಿ ವ್ಯಾಯಾಮ, ಯೋಗದಲ್ಲಿ ಅವರು ಯಾವಾಗಲೂ ನಿರತರಾಗಿರುತ್ತಾರೆ. ಜಿಮ್ ನಲ್ಲಿ ಕೂಡ ಕಾಲ ಕಳೆಯುವುದನ್ನು ಅವರು ಮರೆಯುವುದಿಲ್ಲ.