ವಿಶ್ವ ಚಾಂಪಿಯನ್ ಆಸ್ಟ್ರೇಲಿಯಾಕ್ಕೆ ತೀವ್ರ ಮುಖಭಂಗ

ಕೇಪ್ ಟೌನ್, ಅಕ್ಟೋಬರ್ 14: ವಿಶ್ವದ ನಂ.1 ತಂಡ, ವಿಶ್ವ ಚಾಂಪಿಯನ್ ಆಸ್ಟ್ರೇಲಿಯಾ ತಂಡ ತೀವ್ರ ಮುಖಭಂಗ ಅನುಭವಿಸಿದೆ. ದಕ್ಷಿಣ ಆಫ್ರಿಕಾ ವಿರುದ್ಧ 0-5 ಅಂತರದಲ್ಲಿ ಏಕದಿನ ಸರಣಿಯನ್ನು ಕಳೆದುಕೊಂಡಿದೆ. ಕಾಂಗರೂ ತಂಡಕ್ಕೆ ಇದು ಕ್ರಿಕೆಟ್ ಇತಿಹಾಸದಲ್ಲಿ ಮೊಟ್ಟ ಮೊದಲ ವೈಟ್ ವಾಶ್ ಎಂದರೆ ಆಘಾತದ ಬಗ್ಗೆ ನೀವು ಊಹಿಸಬಹುದು.


ಇಲ್ಲಿ ನಡೆದ 5ನೇ ಮತ್ತು ಅಂತಿಮ ಏಕದಿನ ಪಂದ್ಯದಲ್ಲಿ ಆತಿಥೇಯ ದಕ್ಷಿಣ ಆಫ್ರಿಕಾ 31 ರನ್​ಗಳಿಂದ ಆಸ್ಟ್ರೇಲಿಯಾ ತಂಡವನ್ನು ಮಣಿಸಿತು. ಎಬಿ ಡಿವಿಲಿಯರ್ಸ್ ಇಲ್ಲದ ದಕ್ಷಿಣ ಆಫ್ರಿಕಾ ತಂಡದ ಈ ಸಾಧನೆ ಮೆಚ್ಚಲೇಬೇಕು.

ಟಾಸ್ ಗೆದ್ದು ಬ್ಯಾಟಿಂಗ್ ಮಾಡೀದ ದಕ್ಷಿಣ ಆಫ್ರಿಕಾ, ರಿಲೀ ರೋಸೌ 122 ರನ್(118 ಎಸೆತ, 14X4, 2X6), ಜೆಪಿ ಡುಮಿನಿ 73 ರನ್(75 ಎಸೆತ, 8X4) ಆಕರ್ಷಕ ಅರ್ಧಶತಕದ ನೆರವಿನಿಂದ 8 ವಿಕೆಟ್​ಗೆ 327ರನ್ ಗಳಿಸಿತು. ರನ್ ಚೇಸ್ ಮಾಡಲು ತೊಡಗಿದ ಆಸೀಸ್ ಗೆ ಎಡಗೈ ಆರಂಭಿಕ ಡೇವಿಡ್ ವಾರ್ನರ್ ಆಸರೆಯಾದರು.

ವಾರ್ನರ್ 173 ರನ್(136 ಎಸೆತ, 24‍X4) ಏಕಾಂಗಿ ಹೋರಾಟ ನಡೆಸಿದ್ದು ಪ್ರಯೋಜನವಾಗಲಿಲ್ಲ. ಅಂತಿಮವಾಗಿ ಆಸ್ಟ್ರೇಲಿಯಾ 48.2 ಓವರ್​ಗಳಲ್ಲಿ 296 ರನ್​ಗೆ ಆಲೌಟ್ ಆಗಿ ಸೋಲು ಕಂಡಿತು.

ಸಂಕ್ಷಿಪ್ತ ಸ್ಕೋರ್:
ದಕ್ಷಿಣ ಆಫ್ರಿಕಾ: 8 ವಿಕೆಟ್​ಗೆ 327 (ರೋಸೌ 122, ಡುಮಿನಿ 73, ಆಮ್ಲ 25, ಡಿಕಾಕ್ 12, ಮ್ಯಾನಿ 49ಕ್ಕೆ 3, ಟ್ರೆಮೈನ್ 64ಕ್ಕೆ3), ಆಸ್ಟ್ರೇಲಿಯಾ: 48.2 ಓವರ್​ಗಳಲ್ಲಿ 296 (ವಾರ್ನರ್ 173, ಸ್ಟೀವನ್ ಸ್ಮಿತ್ 0, ಫಿಂಚ್ 19, ಮಿಚೆಲ್ ಮಾರ್ಷ್ 35, ಅಬೋಟ್ 48ಕ್ಕೆ 2, ರಬಡಾ 84ಕ್ಕೆ 2, ತಾಹಿರ್ 42ಕ್ಕೆ 2)

ಸುದ್ದಿಗೋಷ್ಠಿಯಲ್ಲಿ ಫಾಪ್ ಡುಪ್ಲೇಸಿಸ್

Faf on Imran Tahir & David Warner. #ProteaFire #SAvAUS pic.twitter.com/jOgA0VjLRR

— Cricket South Africa (@OfficialCSA) October 12, 2016

ದಕ್ಷಿಣ ಆಫ್ರಿಕಾ ತಂಡದ ಸಂಭ್ರಮಾಚರಣೆ

There they are! #ProteaFire pic.twitter.com/tnPQKvv8NV

— Cricket South Africa (@OfficialCSA) October 12, 2016

It's been a tough series, we've been outplayed - Steve Smith #SAvAUS pic.twitter.com/iHg3skhJES

— Cricket South Africa (@OfficialCSA) October 12, 2016

(ಒನ್ ಇಂಡಿಯಾ ಸುದ್ದಿ)