ಕಟಕ್, ಜನವರಿ 19: ಇಂಗ್ಲೆಂಡ್ ವಿರುದ್ಧದ ಮೂರು ಏಕದಿನ ಪಂದ್ಯಗಳ ಸರಣಿಯನ್ನು ಟೀಂ ಇಂಡಿಯಾ 2-0 ಅಂತರದಿಂದ ಗೆದ್ದುಕೊಂಡಿದೆ. ಎರಡನೇ ಪಂದ್ಯದಲ್ಲಿ ಯುವರಾಜ್ ರಂತೆ ಧೋನಿ ಕೂಡಾ ಭರ್ಜರಿಯಾಗಿ ಬ್ಯಾಟ್ ಬೀಸಿದರು. ಆದರೆ, ಪಂದ್ಯದ ಮುಖ್ಯಾಂಶ ನೋಡುವಾಗ ಧೋನಿ ಬಾರಿಸಿದ ಒಂದು ಸಿಕ್ಸರ್ ನೋಡಿದರೆ ಅಭಿಮಾನಿಗಳಿಗೆ ನಿರಾಸೆಯಾಗುತ್ತದೆ. ಏಕೆ? ಮುಂದೆ ಓದಿ..
ಟೀಂ ಇಂಡಿಯಾದ ಬ್ಯಾಟಿಂಗ್ ಇನ್ನಿಂಗ್ಸ್ ವೇಳೆ 43ನೇ ಓವರ ನಲ್ಲಿ ಇಂಗ್ಲೆಂಡಿನ ವೇಗಿ ವೋಕ್ಸ್ ಎಸೆದ ಚೆಂಡನ್ನು ಮಿಡ್ ವಿಕೆಟ್ ಮೇಲೆ ಭರ್ಜರಿಯಾಗಿ ಸಿಕ್ಸ್ ಎತ್ತಿದ ಧೋನಿಗೆ ಅಚ್ಚರಿ ಕಾದಿತ್ತು. [ಸಚಿನ್ ಸಾಲಿನಲ್ಲಿ ನಿಂತ ಶತಕ ವೀರ ಎಂಎಸ್ ಧೋನಿ]
ಕಾರಣ ಇಷ್ಟೇ, ಧೋನಿ ಹೊಡೆದ ಚೆಂಚು ಸ್ಪೈಡರ್ ಕ್ಯಾಮೆರಾಗೆ ಬಡಿದಿದ್ದು ಅಂಪೈರ್ ಕಣ್ಣಿಗೆ ಹೇಗೋ ಬಿದ್ದಿದೆ. ತಕ್ಷಣವೇ ಎಸೆತವನ್ನು ಡೆಡ್ ಬಾಲ್ ಎಂದು ಘೋಷಿಸಿದ್ದಾರೆ. [ಇಂಗ್ಲೆಂಡ್ ವಿರುದ್ಧ ಭಾರತಕ್ಕೆ 2-0 ರಲ್ಲಿ ಸರಣಿ ಜಯ]
ಇದರಿಂದ ಸಹಜವಾಗಿ ಧೋನಿಗೂ ಕಿರಿಕಿರಿ ಎನಿಸಿರಬಹುದು. ಮುಂದಿನ ಎಸೆತವನ್ನು 100 ಮೀಟರ್ ಗೂ ಅಧಿಕ ದೂರಕ್ಕೆ ಅಟ್ಟಿ, ಸಿಕ್ಸರ್ ಎತ್ತಿದರು. ಬಿಸಿಸಿಐ ಈ ವಿಡಿಯೋ ಹಂಚಿಕೊಂಡಿದ್ದು, ಇಲ್ಲಿ ನೋಡಿ
ಕೊನೆಗೆ 10 ಬೌಂಡರಿ, ಅರ್ಧ ಡಜನ್ ಸಿಕ್ಸರ್ ಸಿಡಿಸಿ ತಮ್ಮ ವೃತ್ತಿ ಬದುಕಿನ 10ನೇ ಶತಕ ಸಿಡಿಸಿದರು. 2013ರಲ್ಲಿ ಮೊಹಾಲಿಯಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಶತಕ ಸಿಡಿಸಿದ್ದ ಧೋನಿ ಮತ್ತೊಮ್ಮೆ ಆರ್ಭಟಿಸಿದರು. ನಾಯಕತ್ವ ತೊರೆದ ಬಳಿಕ ಧೋನಿ ಬಾರಿಸಿದ ಮೊದಲ ಶತಕ ಇದಾಗಿದೆ.