#1 ಎಂಎಸ್ ಧೋನಿ
2005 ರಿಂದ 2016ರ ಅವಧಿಯಲ್ಲಿ ವಿಕೆಟ್ ಕೀಪರ್ ಬ್ಯಾಟ್ಸ್ ಮನ್ ಧೋನಿ ಅವರು ಅವರು ರನ್ ಚೇಸಿಂಗ್ ನಲ್ಲಿ 88 ಏಕದಿನ ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ 62 ಇನ್ನಿಂಗ್ಸ್ ಆಡಿ 2428ರನ್ ಕಲೆ ಹಾಕಿದ್ದಾರೆ.
ಅಜೇಯ 183 ರನ್ ಗರಿಷ್ಠ ಮೊತ್ತದ ಜತೆಗೆ 101.86 ರನ್ ಸರಾಸರಿ ಹೊಂದಿದ್ದಾರೆ. ರನ್ ಚೇಸಿಂಗ್ ವೇಳೆ 16 ಅರ್ಧ ಶತಕ ಹಾಗೂ 2 ಶತಕ ಸಂಪಾದಿಸಿದ್ದಾರೆ.
#2 ವಿರಾಟ್ ಕೊಹ್ಲಿ
27 ವರ್ಷ ವಯಸ್ಸಿನ ವಿರಾಟ್ ಕೊಹ್ಲಿಅವರು 26 ಏಕದಿನ ಕ್ರಿಕೆಟ್ ಶತಕಗಳನ್ನು ಕೇವಲ 174 ಪಂದ್ಯಗಳಲ್ಲಿ ಗಳಿಸಿದ್ದು ದಾಖಲೆಯಾಗಿದೆ. ರನ್ ಚೇಸ್ ವೇಳೆ 14 ಶತಕ ಬಾರಿಸಿದ್ದಾರೆ.
2008ರಿಂದ 2016ರ ತನಕ 62 ಪಂದ್ಯಗಳಲ್ಲಿ 3,514ರನ್ 59 ಇನ್ನಿಂಗ್ಸ್ ಗಳಲ್ಲಿ ಬಂದಿದೆ. ರನ್ ಸರಾಸರಿ 90.10. ಒಟ್ಟು 15 ಅರ್ಧಶತಕಗಳನ್ನು ಕೊಹ್ಲಿ ಬಾರಿಸಿದ್ದಾರೆ.
#3 ಎಬಿ ಡಿ ವಿಲಿಯರ್ಸ್
ದಕ್ಷಿಣ ಆಫ್ರಿಕಾದ ಏಕದಿನ ಕ್ರಿಕೆಟ್ ತಂಡದ ನಾಯಕ ಎಬಿ ಡಿ ವಿಲಿಯರ್ಸ್ ಅವರು 2005 ರಿಂದ 2016ರ ಅವಧಿಯಲ್ಲಿ 57 ಪಂದ್ಯಗಳಲ್ಲಿ 53 ಇನ್ನಿಂಗ್ಸ್ ಗಳಲ್ಲಿ 2,363ರನ್ ಕಲೆ ಹಾಕಿದ್ದು, 81.48ರನ್ ಸರಾಸರಿ ಹೊಂದಿದ್ದಾರೆ. ಅಜೇಯ 136 ರನ್ ಗರಿಷ್ಠ ಮೊತ್ತದೊಂದಿಗೆ 5 ಶತಕ ಗಳಿಸಿದ್ದಾರೆ.
#4 ಮೈಕಲ್ ಕ್ಲಾರ್ಕ್
ಆಸ್ಟ್ರೇಲಿಯಾದ ಮಾಜಿ ನಾಯಕ ಮೈಕಲ್ ಕ್ಲಾರ್ಕ್ ಅವರು 2003 ರಿಂದ 2015ರ ಅವಧಿಯಲ್ಲಿ 2,142ರನ್ ಗಳನ್ನು 53 ಇನ್ನಿಂಗ್ಸ್ ಗಳಲ್ಲಿ ಕಲೆ ಹಾಕಿದ್ದಾರೆ. 73.86ರನ್ ಸರಾಸರಿ ಹೊಂದಿದ್ದು 17 ಅರ್ಧಶತಕ ಹಾಗೂ 3 ಶತಕ ಬಾರಿಸಿದ್ದಾರೆ. ರನ್ ಚೇಸ್ ವೇಳೆ ಅಜೇಯ 105 ಇವರ ಗರಿಷ್ಠ ಮೊತ್ತ.
#5 ಅರ್ಜುನ ರಣತುಂಗ
ಶ್ರೀಲಂಕಾಕ್ಕೆ ವಿಶ್ವಕಪ್ ಗೆಲ್ಲಿಸಿಕೊಟ್ಟ ಮಾಜಿ ನಾಯಕ ಅರ್ಜುನ ರಣತುಂಗ ಅವರು ಟಾಪ್ 5 ರನ್ ಸರಾಸರಿಯಲ್ಲಿ ಐದನೇ ಸ್ಥಾನದಲ್ಲಿದ್ದಾರೆ. 1982 ರಿಂದ 1999 ರ ತನಕದ ಅವಧಿಯಲ್ಲಿ 62ಪಂದ್ಯಗಳನ್ನಾಡಿದ್ದು, ಎಡಗೈ ಬ್ಯಾಟ್ಸ್ ಮನ್ 56 ಇನ್ನಿಂಗ್ಸ್ ಗಳಿಂದ 2007ರನ್ ಗಳಿಸಿದ್ದಾರೆ. ಅಜೇಯ 131ರನ್ ಇವರ ಗರಿಷ್ಠ ಮೊತ್ತ. ರನ್ ಸರಾಸರಿ 69.20. ಒಂದು ಶತಕ ಹಾಗೂ 13 ಅರ್ಧಶತಕ ಬಾರಿಸಿದ್ದಾರೆ.