ಕಟಕ್, ಜನವರಿ 19: ಇಂಗ್ಲೆಂಡ್ ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲಿ ಭರ್ಜರಿ ಶತಕ ಸಿಡಿಸುವುದಕ್ಕೂ ಮುನ್ನವೇ ಮಾಜಿ ನಾಯಕ ಎಂಎಸ್ ಧೋನಿ ಅವರು ದಾಖಲೆಯೊಂದನ್ನು ಮುರಿದು, ಸಚಿನ್ ತೆಂಡೂಲ್ಕರ್ ಅವರ ಸಾಲಿನಲ್ಲಿ ನಿಂತಿದ್ದಾರೆ.
ಎಂಎಸ್ ಧೋನಿ ಅವರು ಭಾರತದಲ್ಲಿ 4,000 ರನ್ ಗಳಿಸಿದ್ದು, ಸಚಿನ್ ತೆಂಡೂಲ್ಕರ್ ನಂತರ ಈ ಸಾಧನೆ ಮಾಡಿದ ಎರಡನೇ ಭಾರತೀಯ ಆಟಗಾರ ಎನಿಸಿಕೊಂಡಿದ್ದಾರೆ.
284 ಏಕದಿನ ಪಂದ್ಯಗಳಿಂದ 9,216 ಪ್ಲಸ್ ರನ್ ಗಳಿಸಿರುವ ಧೋನಿ ಅವರಿಗಿಂತ ತೆಂಡೂಲ್ಕರ್ (18,426 ರನ್), ಸೌರವ್ ಗಂಗೂಲಿ(11,221), ದ್ರಾವಿಡ್ (10,768), ಮೊಹಮ್ಮದ್ ಅಜರುದ್ದೀನ್ (9378) ಮುಂದಿದ್ದಾರೆ.(ಒನ್ಇಂಡಿಯಾ ಸುದ್ದಿ)