ಆಕ್ಲೆಂಡ್, ಮಾ.14: ವಿಶ್ವಕಪ್ ನಲ್ಲಿ ಟೀಂ ಇಂಡಿಯಾ ನಾಯಕನಾಗಿ ಅತಿ ಹೆಚ್ಚು ಪಂದ್ಯ ಗೆಲ್ಲಿಸಿದ ದಾಖಲೆ ಹೊಂದಿರುವ ಧೋನಿ ಅವರು ಕೊನೆ ಲೀಗ್ ಪಂದ್ಯದಲ್ಲಿ ಮತ್ತೊಂದು ದಾಖಲೆ ಬರೆದಿದ್ದಾರೆ. ವೆಸ್ಟ್ ಇಂಡೀಸ್ ದಿಗ್ಗಜ ಕ್ಲೈವ್ ಲಾಯ್ಡ್ ಅವರ ದಾಖಲೆಯನ್ನು ಧೋನಿ ಮುರಿದಿದ್ದಾರೆ.
ಲೀಗ್ ಹಂತದ ಕೊನೆ ಪಂದ್ಯದಲ್ಲಿ ಜಿಂಬಾಬ್ವೆ ವಿರುದ್ಧ ಟೀಂ ಇಂಡಿಯಾ ಗೆಲುವು ಸಾಧಿಸುವ ಮೂಲಕ ವಿಶ್ವಕಪ್ ನಲ್ಲಿ ಸತತ ಆರನೇ ಗೆಲುವು ಸಾಧಿಸಿದೆ. ಈ ಮೂಲಕ ವೆಸ್ಟ್ ಇಂಡೀಸ್ ನ ದಶಕಗಳ ಹಳೆ ದಾಖಲೆ ಧೂಳಿಪಟ ಮಾಡಿದೆ.ಒಟ್ಟಾರೆ ವಿಶ್ವಕಪ್ ನಲ್ಲಿ 9 ಸತತ ಗೆಲುವು ದಾಖಲಿಸಿದ ವೆಸ್ಟ್ ಇಂಡೀಸ್ ದಾಖಲೆ (1975 ರಿಂದ 1979) ಯನ್ನು ಟೀಂ ಇಂಡಿಯಾ ಸರಿಗಟ್ಟಿದೆ.
1975 ಹಾಗೂ 1979ರ ವಿಶ್ವಕಪ್ ಟೂರ್ನಿಯಲ್ಲಿ ಸತತ 9 ಗೆಲುವು ಸಾಧಿಸಿ ಹೊಸ ದಾಖಲೆ ನಿರ್ಮಿಸಿದ್ದ ಲಾಯ್ಡ್ ಅವರನ್ನು ಧೋನಿ ಹಿಂದಿಕ್ಕಿದ್ದಾರೆ. ಧೋನಿ ಈಗ ವಿಶ್ವಕಪ್ ನಲ್ಲಿ 9 ಜಯ(2011, 2015) ಸಾಧಿಸಿ ಎರಡನೇ ಸ್ಥಾನಕ್ಕೇರಿದ್ದಾರೆ. ಮೊದಲ ಸ್ಥಾನದಲ್ಲಿ ಆಸ್ಟ್ರೇಲಿಯಾದ ರಿಕಿ ಪಾಂಟಿಂಗ್ ಇದ್ದು ವಿಶ್ವಕಪ್ ನಲ್ಲಿ 24 ಸತತ ಗೆಲುವು ದಾಖಲಿಸಿದ್ದಾರೆ.
| ವೇಳಾಪಟ್ಟಿ | ಫಲಿತಾಂಶ" title="ವಿಶ್ವಕಪ್ ಕ್ರಿಕೆಟ್ 2015: ಅಂಕ ಪಟ್ಟಿ | ವೇಳಾಪಟ್ಟಿ | ಫಲಿತಾಂಶ" />ವಿಶ್ವಕಪ್ ಕ್ರಿಕೆಟ್ 2015: ಅಂಕ ಪಟ್ಟಿ | ವೇಳಾಪಟ್ಟಿ | ಫಲಿತಾಂಶ
ಮಾ.14, 2015ರಂತೆ ವಿಶ್ವಕಪ್ ನಲ್ಲಿ ಟೀಂ ಇಂಡಿಯಾ ನಾಯಕನ ದಾಖಲೆ :
* 13 (15 ಪಂದ್ಯ, 1 ಸೋಲು, 1 ಟೈ)- ಎಂಎಸ್ ಧೋನಿ (2011,2015)
* 11 (15 ಪಂದ್ಯ, 4 ಸೋಲು)- ಕಪಿಲ್ ದೇವ್ (1983,1987)
* 10 (23 ಪಂದ್ಯ, 12 ಸೋಲು, 1 ಫಲಿತಾಂಶವಿಲ್ಲ)- ಮಹಮ್ಮದ್ ಅಜರುದ್ದೀನ್ (1992,1996,1999)
* 9 (11 ಪಂದ್ಯ, 2 ಸೋಲು- ಸೌರವ್ ಗಂಗೂಲಿ (2003)
ಒನ್ ಇಂಡಿಯಾ ಸುದ್ದಿ