ಕೊಹ್ಲಿ ಪಾಲಿಗೆ ಅಡಿಲೇಡ್ ಓವಲ್ ಅದೃಷ್ಟದ ಮೈದಾನ
ಇದೇ ಮೈದಾನದಲ್ಲಿ 27ವರ್ಷ ವಯಸ್ಸಿನ ಕೊಹ್ಲಿ ಅವರು 3 ಟೆಸ್ಟ್ ಶತಕಗಳನ್ನು ಬಾರಿಸಿದ್ದಾರೆ. ಒಂದೇ ಪಂದ್ಯದ ಎರಡೂ ಇನಿಂಗ್ಸ್ನಲ್ಲಿ(115 ಹಾಗೂ 141) ಶತಕ ಬಾರಿಸಿದ್ದ ದೆಹಲಿ ಬ್ಯಾಟ್ಸ್ಮನ್ 2012ರಲ್ಲಿ 116ರನ್ ಗಳಿಸಿದ್ದರು. ಕಳೆದ ಐಸಿಸಿ ವಿಶ್ವಕಪ್ ಟೂರ್ನಿಯಲ್ಲಿ ಪಾಕಿಸ್ತಾನ ವಿರುದ್ಧ ಉದ್ಘಾಟನಾ ಪಂದ್ಯದಲ್ಲಿ ಶತಕ(107 ರನ್) ಬಾರಿಸಿ ಗೆಲುವಿಗೆ ಕಾರಣರಾಗಿದ್ದರು.
ಅಡಿಲೇಡ್ ಬಗ್ಗೆ ಕೊಹ್ಲಿ ಹೇಳಿದ್ದು ಹೀಗೆ
ನಾನು ಎಲ್ಲಿ ಹೋದರೂ ಈ ಮೈದಾನದ ನೆನಪು ನನ್ನ ಜೊತೆಗಿರುತ್ತದೆ. ಇಲ್ಲಿ ಮತ್ತೆ ಮತ್ತೆ ಆಟವಾಡಲು ಮನಸ್ಸು ಹಾತೊರೆಯುತ್ತದೆ. ಇಲ್ಲಿನ ಅಭಿಮಾನಿಗಳ ಶುಭ ಹಾರೈಕೆಯಿಂದ ನನ್ನ ಹೃದಯ ತುಂಬಿ ಬಂದಿದೆ. ನನ್ನ ಫೇವರೀಟ್ ಮೈದಾನಗಳ ಪೈಕಿ ಅಡಿಲೇಡ್ ಅಗ್ರಸ್ಥಾನದಲ್ಲಿ ಇರುತ್ತದೆ ಎಂದು ಪಂದ್ಯದ ನಂತರ ವಿರಾಟ್ ಕೊಹ್ಲಿ ಹೇಳಿದರು.
ಮೈದಾನದಲ್ಲಿ ಉತ್ಸಾಹ ತುಂಬಿದ ಕೊಹ್ಲಿ
ಮೈದಾನದಲ್ಲಿ ಇತರೆ ಆಟಗಾರರಿಗೆ ಉತ್ಸಾಹ ತುಂಬಿದ ಕೊಹ್ಲಿ ಅವರು ಯುವ ಆಟಗಾರರಿಗೆ ಪದೇ ಪದೇ ಸಲಹೆ ನೀಡುತ್ತಿದ್ದರು. ಜಡೇಜ ಹಾಗೂ ಅಶ್ವಿನ್ ಅವರು ಕೂಡಾ ಉತ್ತಮ ಬೌಲಿಂಗ್ ಮೂಲಕ ಮನಸೆಳೆದರು.
ಕೊಹ್ಲಿ ಸೆಲ್ಫಿ ಮೋಹ
ಅಡಿಲೇಡ್ ಮೈದಾನದಲ್ಲಿ ಕೊಹ್ಲಿ ಅಭ್ಯಾಸ ನಡೆಸುತ್ತಿದ್ದಾಗ ಅವರೊಂದಿಗೆ ಸೆಲ್ಪಿ ತೆಗೆಸಿಕೊಳ್ಳಲು ಮಹಿಳಾ ಅಭಿಮಾನಿಗಳ ದಂಡು ನೆರದಿತ್ತು.ಆದರೆ, ಇವರೆಲ್ಲ ಅಭಿಮಾನಿಗಳಲ್ಲದೆ ಮಹಿಳಾ ಟಿ20 ತಂಡದ ಸದಸ್ಯರಾಗಿದ್ದರು. ಆಸ್ಟ್ರೇಲಿಯಾದ ಪಿಚ್ಗಳ ಬಗ್ಗೆ ಕೊಹ್ಲಿ ಮತ್ತು ಇತರ ಆಟಗಾರರಿಂದ ಮಾಹಿತಿಯನ್ನೂ ಪಡೆದುಕೊಂಡಿದ್ದರು. ನಂತರ ಆಸ್ಟ್ರೇಲಿಯಾದ ಮಹಿಳಾ ತಂಡವನ್ನು ಬಗ್ಗುಬಡಿದರು
|
ಅಡಿಲೇಡ್ ಪಿಚ್ ಬಗ್ಗೆ ಕೊಹ್ಲಿ ಟ್ವೀಟ್
ಅಡಿಲೇಡ್ ಪಿಚ್ ಬಗ್ಗೆ ಕೊಹ್ಲಿ ಟ್ವೀಟ್ ಮಾಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ದು ಹೀಗೆ...