ಬೆಂಗಳೂರು, ಸೆ. 28: ಬೆಳಗಾವಿ ಮೂಲದ ಬೆಡಗಿ ಲಕ್ಷ್ಮಿ ರೈ ಅವರು ಕ್ರಿಕೆಟರ್ ಧೋನಿ ಅವರ ಜೀವನ ಆಧಾರಿತ ಸಿನಿಮಾದ ಬಗ್ಗೆ ಮಾತನಾಡಿದ್ದಾರೆ. ಧೋನಿ ಜತೆ ಆಪ್ತವಾಗಿದ್ದ ಕಾಲವನ್ನು ಸ್ಮರಿಸಿದ ಲಕ್ಷ್ಮಿ, ಈ ಬಗ್ಗೆ ಅತಿ ರಂಜಿತವಾಗಿ ಚಿತ್ರದಲ್ಲಿ ತೋರಿಸದಿದ್ದರೆ ಸಾಕು ಎಂದಿದ್ದಾರೆ.
ಐಪಿಎಲ್ ನ ಉದ್ಘಾಟನಾ ಸರಣಿ 2008ರಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ನಾಯಕ ಹಾಗೂ ತಂಡದ ಪರ ರಾಯಭಾರಿಯಾಗಿದ್ದ ಲಕ್ಷ್ಮಿ ರೈ ನಡುವೆ ಆಪ್ತತೆ ಬೆಳೆದಿತ್ತು. ಇಬ್ಬರ ನಡುವಿನ್ ಗೆಳೆತನ ಇನ್ನೇನು ಪ್ರೇಮ ಪ್ರಕರಣವಾಗಲಿದೆ ಎಂದು ಮಾಧ್ಯಮಗಳಲ್ಲಿ ವರದಿಯಾಗುವ ವೇಳೆಗೆ ಇಬ್ಬರು ಈ ಬಗ್ಗೆ ಸ್ಪಷ್ಟನೆ ನೀಡಿ ದೂರಾಗಿದ್ದರು. [ ಎಂಎಸ್ ಧೋನಿ ವಿರುದ್ಧ ಮತ್ತೆ ಕಿಡಿಕಾರಿದ ಗೌತಮ್]
ಧೋನಿ ಅವರ ಸಿನಿಮಾದಿಂದ ಅನೇಕರಿಗೆ ಕಿರಿಕಿರಿ ಉಂಟಾಗುವ ಸಾಧ್ಯತೆಯಿದೆ ಎಂಬ ವರದಿಗಳು ಕೇಳಿ ಬರುತ್ತಿವೆ. ಬಯೋ ಪಿಕ್ ಬಗ್ಗೆ ಭಯಪಡುತ್ತಿರುವ ಪೈಕಿ ಲಕ್ಷ್ಮಿ ರೈ ಕೂಡಾ ಇದ್ದಾರೆ. [ಲಕ್ಷ್ಮಿ ರೈ ಬಾಳಿಗೆ ಮಗ್ಗುಲಮುಳ್ಳಾದರೆ ಧೋನಿ?]
ದಕ್ಷಿಣ ಭಾರತ ಸಿನಿಮಾರಂಗದಲ್ಲಿ 50ಕ್ಕೂ ಅಧಿಕ ಸಿನಿಮಾಗಳಲ್ಲಿ ನಟಿಸಿರುವ ಲಕ್ಷ್ಮಿ ರೈಗೆ ಈ ಚಿತ್ರದಲ್ಲಿ ತನ್ನ ವೃತ್ತಿಗೆ ಮಾರಕವಾಗುವ ಅಂಶಗಳು ಇಲ್ಲ ಎಂಬ ನಂಬಿಕೆ ಇದೆ.
ಧೋನಿಗೆ ಮದುವೆಯಾಗಿ ಮಗು ಇದೆ. ಈಗ ಎಲ್ಲರೂ ನನ್ನನ್ನು ಹಳೆ ಸಂಬಂಧದ ಬಗ್ಗೆ ಕೇಳುತ್ತಿರುವುದೇಕೆ? ಎಂದು ಮರು ಪ್ರಶ್ನೆ ಹಾಕಿದ್ದಾರೆ.
M S Dhoni - the Untold Story? ಖಂಡಿತವಾಗಿ ನೋಡುತ್ತೇನೆ. ಆದರೆ, ಸಮಯ ಸಿಕ್ಕಾಗ ಮಾತ್ರ. ಇದು ಮನರಂಜನೆಗಾಗಿ ಮಾತ್ರ ಎಂದಿದ್ದಾರೆ. ಜೂಲಿ 2 ಬಾಲಿವುಡ್ ಸಿನಿಮಾದಲ್ಲಿ ಕಾಣಿಸಿಕೊಂಡಿರುವ ಲಕ್ಷ್ಮಿ ರೈ ಅವರ ಅಕಿರಾ ಚಿತ್ರದಲ್ಲಿನ ಪಾತ್ರಕ್ಕ ಉತ್ತಮ ಪ್ರತಿಕ್ರಿಯೆ ಬಂದಿದೆ.