ಹುಬ್ಬಳ್ಳಿ, ಸೆ. 22: ಇಲ್ಲಿನ ರಾಜನಗರದಲ್ಲಿ ನಡೆಯುತ್ತಿರುವ ಕೆಪಿಎಲ್ 5ನೇ ಆವೃತ್ತಿಯ ಗುರುವಾರದ ಪಂದ್ಯದಲ್ಲಿ ಬೆಳಗಾವಿ ಪ್ಯಾಂಥರ್ಸ್ ವಿರುದ್ಧ ಹುಬ್ಬಳ್ಳಿ ಟೈಗರ್ಸ್ ತಂಡವು 4 ವಿಕೆಟ್ ಗಳ ರೋಚಕ ಜಯ ಸಾಧಿಸಿದೆ.
ಮಳೆಯ ಕಾರಣದಿಂದ ಅರ್ಧ ಗಂಟೆ ತಡವಾಗಿ ಆರಂಭವಾದ ಪಂದ್ಯದಲ್ಲಿ ಹುಬ್ಬಳ್ಳಿ ಟೈಗರ್ಸ್ ತಂಡವು ಟಾಸ್ ಗೆದ್ದು ಫೀಲ್ಡಿಂಗ್ ಆಯ್ದುಕೊಂಡಿತು.
20 ಓವರ್ ಗಳಲ್ಲಿ 5 ವಿಕೆಟ್ ಕಳೆದುಕೊಂಡು 77 ರನ್ ಗಳಿಸಿದ ಬೆಳಗಾವಿ ಪ್ಯಾಂಥರ್ಸ್ ತಂಡದ ಗುರಿ ಬೆನ್ನತ್ತಿದ ಹುಬ್ಬಳ್ಳಿ ಟೈಗರ್ಸ್ ತಂಡವು 19.5 ಓವರ್ ಗಳಲ್ಲಿ 6 ವಿಕೆಟ್ ಕಳೆದುಕೊಂಡು 179 ರನ್ ಗಳಿಸಿ ಗೆಲುವಿನ ನಗೆ ಬೀರಿತು.[ಕರ್ನಾಟಕ ಪ್ರೀಮಿಯರ್ ಲೀಗ್]
ಬೆಳಗಾವಿ ಪ್ಯಾಂಥರ್ಸ್ ಪರ ನಾಯಕ ವಿನಯ್ ಬೌಲಿಂಗ್ ನಲ್ಲಿ ಮಿಂಚಲಿಲ್ಲ. ಆದರೆ, ನಾಯಕ ವಿನಯ್ ಅವರು ಬ್ಯಾಟಿಂಗ್ ನಲ್ಲಿ ಮಿಂಚಿ 70ರನ್ ಗಳಿಸಿದರು. ಮಾಯಾಂಕ್ ಆಗರವಾಲ್ 42ರನ್ ಗಳಿಸಿದರೆ, ಕೆ ಅಬ್ಬಾಸ್ 40ರನ್ ಹೊಡೆದು ತಂಡದ ಮೊತ್ತ 177/5 ಸ್ಕೋರ್ ಮಾಡಿತು.
ಹುಬ್ಬಳ್ಳಿ ಟೈಗರ್ಸ್ 19.5 ಓವರ್ಸ್ ಗಳಲ್ಲಿ 179/6 ಸ್ಕೋರ್ ಮಾಡಿ 4 ವಿಕೆಟ್ ಗಳಿಂದ ಜಯ ಗಳಿಸಿತು. ಹುಬ್ಳಿ ಪರ ದಿಕ್ಷಾಂಶು ನೇಗಿ ಅಜೇಯ 57. ಮೊಹಮ್ಮದ್ ತಾಹ 43 ರನ್ ಗಳಿಸಿದರೆ ಬೆಳಗಾವಿ ಪರ ಪ್ರವೀಣ್ ದುಬೇ 3/24 ವಿಕೆಟ್ ಪಡೆದರು.