ವಿಶ್ವ ಟಿ20: ಕಿವೀಸ್ ತಂಡಕ್ಕೆ ವಿಲಿಯಮ್ಸನ್ ಕ್ಯಾಪ್ಟನ್

Posted By:
Subscribe to Oneindia Kannada

ವೆಲ್ಲಿಂಗ್ಟನ್, ಫೆ.02: ಭಾರತದಲ್ಲಿ ನಡೆಯಲಿರುವ ಐಸಿಸಿ ವಿಶ್ವಟಿ20 ಟೂರ್ನಿಗೆ ನ್ಯೂಜಿಲೆಂಡ್ ತಂಡವನ್ನು ಪ್ರಕಟಿಸಲಾಗಿದೆ. ಸ್ಪಿನ್ ಪಿಚ್​ಗಳ ಲಾಭ ಪಡೆಯಲು 15 ಮಂದಿಯ ತಂಡದಲ್ಲಿ ಮೂವರು ಸ್ಪಿನ್ನರ್​ಗಳಿಗೆ ಅವಕಾಶ ನೀಡಲಾಗಿದೆ. ಕೇನ್ ವಿಲಿಯಮ್ಸನ್ ನಾಯಕರಾಗಿದ್ದಾರೆ.

ಅನುಭವಿ ಆಲ್ ರೌಂಡರ್ ನಥಾನ್ ಮೆಕ್ಕಲಂ, ಮಿಚೆಲ್ ಸ್ಯಾಂಟ್ನರ್ ಹಾಗೂ ಲೆಗ್ ಸ್ಪಿನ್ನರ್ ಇಶ್ ಸೋಧಿ ತಂಡದಲ್ಲಿರುವ ಮೂವರು ಸ್ಪಿನ್ನರ್​ಗಳಾಗಿದ್ದಾರೆ. ಗ್ರಾಂಟ್ ಎಲಿಯೋಟ್ ಹಾಗೂ ಕಾಲಿನ್ ಮುನ್ರೋ ಕೂಡಾ ಬೌಲಿಂಗ್ ವಿಭಾಗಕ್ಕೆ ನೆರವಾಗಬಲ್ಲರು.

Kane Williamson

ಟ್ರೆಂಟ್ ಬೌಲ್ಟ್, ಟಿಮ್ ಸೌಥಿ, ಆಡಂ ಮಿಲ್ನೆ ಹಾಗೂ ಮಿಚ್ ಮೆಕ್ ಕ್ಲೆನಾಘನ್ ಅಲ್ಲದೆ ಕೋರೆ ಆಂಡರ್ಸನ್ ಅವರು ವೇಗಿಗಳಾಗಿ ಕಣಕ್ಕಿಳಿಯಲಿದ್ದಾರೆ.[ಅಮಾನತಾಗಿರುವ ಸುನಿಲ್ ಗೆ ವಿಂಡೀಸ್ ತಂಡದಲ್ಲಿ ಸ್ಥಾನ!]

ಭಾರತ, ಆಸ್ಟ್ರೇಲಿಯಾ, ಪಾಕಿಸ್ತಾನ ಹಾಗೂ ಅರ್ಹತಾ ತಂಡವಿರುವ ಗುಂಪಿನಲ್ಲಿ ನ್ಯೂಜಿಲೆಂಡ್ ಇದೆ. ಮಾರ್ಚ್ 3ಕ್ಕೆ ದುಬೈಗೆ ತೆರಳಿ ತಯಾರಿ ನಡೆಸಲಿರುವ ನ್ಯೂಜಿಲೆಂಡ್ ತಂಡ ಮೇಲ್ನೋಟಕ್ಕೆ ಸಮರ್ಥವಾಗಿದ್ದರೂ ಗಾಯಾಳು ಸಮಸ್ಯೆಯಿಂದ ಬಳಲುತ್ತಿದೆ. [ಭಾರತ ಪ್ರವಾಸಕ್ಕೆ ಶ್ರೀಲಂಕಾ ತಂಡ ಪ್ರಕಟ, ಮಾಲಿಂಗ ಇಲ್ಲ]

ನ್ಯೂಜಿಲೆಂಡ್ ತಂಡ: ಕೇನ್ ವಿಲಿಯಮ್ಸನ್ (ನಾಯಕ), ಕೋರಿ ಆಂಡರ್​ಸನ್, ಟ್ರೆಂಟ್ ಬೌಲ್ಟ್, ಗ್ರಾಂಟ್ ಎಲಿಯಟ್, ಮಾರ್ಟಿನ್ ಗುಪ್ಟಿಲ್, ಆಡಂ ಮಿಲ್ನೆ, ಮಿಚೆಲ್ ಮೆಕ್ಲೀನಘನ್, ಕಾಲಿನ್ ಮುನ್ರೋ, ನಥಾನ್ ಮೆಕ್ಕಲಂ, ಹೆನ್ರಿ ನಿಕೋಲಾಸ್, ಲ್ಯೂಕ್ ರಾಂಚಿ, ಮಿಚೆಲ್ ಸ್ಯಾಂಟ್ನೆರ್, ಇಶ್ ಸೋಧಿ, ಟಿಮ್ ಸೌಥಿ, ರಾಸ್ ಟೇಲರ್. (ಎಪಿ)

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
New Zealand have named untested batsman Henry Nicholls and three spinners in its 15-man squad for next month's World Twenty20 tournament in India.
Please Wait while comments are loading...