ಆಕ್ಲೆಂಡ್, ಮಾ.24: ಗ್ರಾಂಟ್ ಡೇವಿಡ್ ಎಲಿಯಟ್ ನ್ಯೂಜಿಲೆಂಡ್ ನ ಹೊಸ ಕ್ರಿಕೆಟ್ ಹೀರೋ ಆಗಿದ್ದಾರೆ. ಬಲಗೈ ಬ್ಯಾಟ್ಸ್ ಮನ್ ಎಡನ್ ಪಾರ್ಕ್ ನಲ್ಲಿ ವಿರೋಚಿತ ಆಟವಾಡಿ ತಮ್ಮ ತಂಡವನ್ನು ವಿಶ್ವಕಪ್ 2015 ಫೈನಲ್ ಗೆ ಮುಟ್ಟಿಸಿದ್ದು ಈಗ ಇತಿಹಾಸ.
ಅಂದ ಹಾಗೆ ನ್ಯೂಜಿಲೆಂಡ್ ನಿವಾಸಿ ಎಲಿಯಟ್ ಹುಟ್ಟಿದ್ದು ದಕ್ಷಿಣ ಆಫ್ರಿಕಾದ ಜೋಹಾನ್ಸ್ ಬರ್ಗ್ ನಲ್ಲಿ ಎಂಬುದು ವಿಶೇಷ. ಸೆಮಿಫೈನಲ್ ಪಂದ್ಯದಲ್ಲಿ ವಿಶ್ವದ ಅಗ್ರಗಣ್ಯ ವೇಗಿ ಡೇಲ್ ಸ್ಟೇನ್ ಐದನೇ ಎಸೆತವನ್ನು ಸಿಕ್ಸರ್ ಎತ್ತುವ ಮೂಲಕ ವಿಜಯೋತ್ಸವ ಅಚರಿಸಿದರು. ಈ ಮೂಲಕ ಫೈನಲ್ ತಲುಪುವ ಕನಸು ಹೊತ್ತಿದ್ದ ದಕ್ಷಿಣ ಆಫ್ರಿಕಾ ಕಣ್ಣೀರ ಕೋಡಿ ಹರಿಸುವಂತೆ ಮಾಡಿದರು.[ಚಿತ್ರಗಳಲ್ಲಿ: ಕಣ್ಣೀರು ಹರಿಸಿದ ಹರಿಣಗಳು, ಕೇಕೆ ಹಾಕಿದ ಕಿವಿಗಳು]
ಮಳೆ ಪೀಡಿತ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ಒಡ್ಡಿದ್ದ 43 ಓವರ್ ಗಳಲ್ಲಿ 298 ರನ್ ಟಾರ್ಗೆಟ್ ಅನ್ನು ನ್ಯೂಜಿಲೆಂಡ್ ಬ್ಯಾಟ್ಸ್ ಮನ್ ಗಳು 1 ಎಸೆತ ಬಾಕಿ ಇರುವಂತೆ ಚೇಸ್ ಮಾಡಿದರು. ಬ್ರೆಂಡನ್ ಮೆಕಲಮ್ ಕೊಟ್ಟ ಉತ್ತಮ ಆರಂಭದ ಲಾಭ ಪಡೆದ ಎಲಿಯಟ್ ಎಚ್ಚರಿಕೆಯ ಆಟವಾಡಿ ತಾಳ್ಮೆ ಕಾಯ್ದುಕೊಂಡು ಜಯದ ನಗೆ ಬೀರಿದರು. [ಟ್ವೀಟ್ಸ್ ಸುರಿಮಳೆ: ಹರಿಣಗಳ ರೋದನೆ, ಕಿವೀಸ್ ಸಾಧನೆ]
ವಿಶ್ವಕಪ್ 2015 ವಿಶೇಷ ಪುಟ
ಧೋನಿ ನೆನಪಿಸಿದ ಎಲಿಯಟ್: 36 ವರ್ಷದ ಎಲಿಯಟ್ ಸಿಕ್ಸ್ ಎತ್ತಿ ಗೆಲ್ಲಿಸಿದ್ದು, ಧೋನಿ ಅಟವನ್ನು ನೆನಪಿಸಿತು. 2 ಎಸೆತ 5 ರನ್ ಬೇಕಿದ್ದಾಗ ಸೆಮಿಫೈನಲ್ ಪಂದ್ಯದ ರೋಚಕ ಕ್ಷಣದಲ್ಲಿ ಸಹನೆಯುಕ್ತ ಆಟವಾಡಿ ಅಂತ್ಯದಲ್ಲಿ ಸಿಕ್ಸ್ ಎತ್ತುವ ಮೂಲಕ ತಂಡವನ್ನು ಫೈನಲ್ ಹಂತ ತಲುಪಿಸಿದರು.
When NZ beat Aus at Eden Park, Elliott made a golden duck and didn't bowl a ball. I wondered what he brought to the team. Now I know #nzvsa
— Brydon Coverdale (@brydoncoverdale) March 24, 2015
2011ರ ವಿಶ್ವಕಪ್ ನಲ್ಲಿ ವಾಂಖೆಡೇ ಸ್ಟೇಡಿಯಂನಲ್ಲಿ ಸಿಕ್ಸ್ ಎತ್ತಿ ಕಪ್ ಎತ್ತಿ ಹಿಡಿದ ಧೋನಿ ಅವರು ಎಲಿಯಟ್ ನ ಈ ಸಿಕ್ಸ್ ನೋಡಿದ್ದರೆ ಮೆಚ್ಚದೆ ಇರಲಾರರು.
elliot hadn't played a single ODI in 2014…was recalled at almost 36 years old..sometimes selectors are unsung heroes #NZvSA
— Gaurav Kalra (@gauravkalra75) March 24, 2015
RT @plalor: Best World Cup pic? Perfect image from great game. pic.twitter.com/79tLUMT2Yg
— Kevin McCallum (@KevinMcCallum) March 24, 2015
ವಿಶ್ವಕಪ್ ನಲ್ಲಿ ಸತತ 8 ಪಂದ್ಯಗಳನ್ನು ಗೆದ್ದು ಅಜೇಯವಾಗಿ ಉಳಿದಿರುವ ನ್ಯೂಜಿಲೆಂಡ್ ಮ.29ರಂದು ಮೆಲ್ಬೋರ್ನ್ ಕ್ರಿಕೆಟ್ ಮೈದಾನ (ಎಂಸಿಜಿ)ದಲ್ಲಿ ಭಾರತ ಅಥವಾ ಆಸ್ಟ್ರೇಲಿಯಾ ತಂಡವನ್ನು ಎದುರಿಸಲಿದೆ.
ಒನ್ ಇಂಡಿಯಾ ಸುದ್ದಿ