ಮುಂಬೈ, ಮಾರ್ಚ್ 21: ಇಂಡಿಯನ್ ಪ್ರಿಮಿಯರ್ ಲೀಗ್ (ಐಪಿಎಲ್) ನ ಪ್ರಮುಖ ತಂಡ ಮುಂಬೈ ಇಂಡಿಯನ್ಸ್ ಮಾಲೀಕ ಮುಖೇಶ್ ಅಂಬಾನಿ ಅವರ ಪುತ್ರ ಅನಂತ್ ಸಕತ್ ಸ್ಲಿಮ್ ಆಗಿದ್ದಾರೆ. ದಢೂತಿ ದೇಹ ಹೊತ್ತುಕೊಂಡು ಮೈದಾನದಲ್ಲಿ ಎಲ್ಲರ ಗಮನಸೆಳೆಯುತ್ತಿದ್ದ ಅನಂತ್ ಸ್ಲಿಮ್ ಅಂಡ್ ಟ್ರಿಮ್ ಆಗಿದ್ದಾರೆ.
ಅನಂತ್ ಅಂಬಾನಿ ಅವರು ಸರಿ ಸುಮಾರು 70 ಕೆಜಿ ತನ್ನ ತೂಕವನ್ನು ಇಳಿಸಿಕೊಳ್ಳುವ ಮೂಲಕ ಎಲ್ಲರನ್ನು ಅಚ್ಚರಿಗೆ ದೂಡಿದ್ದಾರೆ. ಗುಜರಾತಿನ ಸೋಮನಾಥ ದೇವಾಲಯಕ್ಕೆ ಆಗಮಿಸಿದ್ದ ಅನಂತ್ ಅಂಬಾನಿಯನ್ನು ಕಂಡು ಎಲ್ಲರೂ ಬೆರಗಾದರಂತೆ. ನಂತರ ಇವರೇ ದಢೂತಿ ದೇಹದ ಅನಂತ್ ಎಂದು ತಿಳಿದ ಮೇಲೆ ಎಲ್ಲರೂ ಅವಕ್ಕಾಗಿದ್ದಾರೆ.[ಐಪಿಎಲ್ 2016 ಸಂಪೂರ್ಣ ವೇಳಾಪಟ್ಟಿ]
ಅನಂತ್ ಅವರು ಸ್ಥೂಲಕಾಯ ಸಮಸ್ಯೆ (hypothyroidism) ಯಿಂದ ಬಳಲುತ್ತಿದ್ದು ಇದಕ್ಕಾಗಿ ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದಾರೆ. ಮುಖೇಶ್ ಹಾಗೂ ನೀತಾ ಅಂಬಾನಿಗೆ ಅನಂತ್, ಅಕಾಶ್ ಹಾಗೂ ಈಶಾ ಎಂಬ ಮಕ್ಕಳಿದ್ದಾರೆ.