ಅಹಮದಾಬಾದ್, ಮೇ 16 : ಪುತ್ರಿ ಗ್ರೇಸಿಯಾಳ ಮೊದಲ ಹುಟ್ಟುಹಬ್ಬದಕ್ಕೆ ಗುಜರಾತ್ ಲಯನ್ಸ್ ನಾಯಕ ಸುರೇಶ್ ರೈನಾ ಮತ್ತು ಅವರ ಪತ್ನಿ ಪ್ರಿಯಾಂಕಾ ಅವರು ವಿಶಿಷ್ಟ ಕೊಡುಗೆ ನೀಡಿದ್ದಾರೆ.
ಸಂಕಷ್ಟಕ್ಕೆ ಒಳಗಾದ ತಾಯಂದಿರಿಗೆ ನೆರವು ನೀಡುವುದಕ್ಕಾಗಿ ಮಗಳ ಹೆಸರಿನಲ್ಲಿ ಪ್ರತಿಷ್ಠಾನವನ್ನು ರೈನಾ ಆರಂಭಿಸಿದ್ದಾರೆ. ಗ್ರೇಸಿಯಾ ರೈನಾ ಫೌಂಡೇಶನ್ ಮೂಲಕ ಅನಾಥ, ನಿರ್ಗತಿಕ ತಾಯಿ ಹಾಗೂ ಮಕ್ಕಳ ಪಾಲನೆ, ಪೋಷಣೆ ಹಾಗೂ ಜಾಗೃತಿ ಮೂಡಿಸುವ ಕಾರ್ಯವನ್ನು ಕೈಗೊಳ್ಳಲಾಗಿದೆ. ದೈಹಿಕ ಹಾಗೂ ಮಾನಸಿಕ ಆರೋಗ್ಯದ ಸ್ಥಿತಿಗತಿ ಅವಲೋಕನ ಹಾಗೂ ರಕ್ಷಣೆ ಫೌಂಡೇಶನ್ ನ ಜವಾಬ್ದಾರಿಯಾಗಿರುತ್ತದೆ.
ನನಗೆ ಹಾಗೂ ನನ್ನ ಪತ್ನಿ ಪ್ರಿಯಾಂಕಾಗೆ ನಮ್ಮ ಪುತ್ರಿ ಗ್ರೇಸಿಯಾಳ ಮೊದಲ ಹುಟ್ಟುಹಬ್ಬವನ್ನು ವಿಶಿಷ್ಟವಾಗಿ ಆಚರಿಸಬೇಕು. ಆಕೆಗೆ ವಿಶಿಷ್ಟ ಉಡುಗೊರೆ ನೀಡುವ ಮೂಲಕ ಹುಟ್ಟುಹಬ್ಬವನ್ನು ಆಚರಿಸಲಾಗಿದೆ ಎಂದು ರೈನಾ ಹೇಳಿದ್ದಾರೆ.
#HappyBirthdayGracia
— Gracia Raina Fndn. (@grfCare) May 15, 2017
Announcing the Gracia Raina Foundation - dedicated to the #MentalWellness of #MotherandChild!#GRF #GraciaTurns1 pic.twitter.com/S4FsnDZLYq
223 ಏಕದಿನ ಅಂತಾರಾಷ್ಟ್ರೀಯ ಕ್ರಿಕೆಟ್ ಪಂದ್ಯಗಳನ್ನಾಡಿರುವ ರೈನಾ ಅವರು ಕ್ರಿಕೆಟ್ ಬಿಟ್ಟರೆ ಫೌಂಡೇಶನ್ ಕೆಲಸದಲ್ಲಿ ಹೆಚ್ಚು ಕಾಲ ಕಳೆಯುವುದಾಗಿ ಹೇಳಿದ್ದಾರೆ.