ಟಿ20 ದಾಖಲೆ ಬರೆದ ಮುಂಬೈ
ಟ್ವೆಂಟಿ20 ಮಾದರಿಯಲ್ಲಿ ಮೊಟ್ಟ ಮೊದಲ ಬಾರಿಗೆ 100 ಪಂದ್ಯಗಳನ್ನು ಗೆದ್ದಿರುವ ಭಾರತದ ಮೊದಲ ತಂಡ.
|
10 ಸೀಸನ್ ಆಡಿರುವ ಮುಂಬೈ
2008ರಿಂದ 2017ರ ತನಕ ಇಂಡಿಯನ್ ಪ್ರೀಮಿಯರ್ ಲೀಗ್ ನ 10 ಆವೃತ್ತಿ ಹಾಗೂ ಚಾಂಪಿಯನ್ಸ್ ಲೀಗ್ ಟಿ20 ಆಡಿರುವ ಮುಂಬೈ ತಂಡ 100 ಗೆಲುವು ಸಾಧಿಸಿದೆ. ಚೆನ್ನೈ ಸೂಪರ್ ಕಿಂಗ್ಸ್ ತಂಡ 8 ಸೀಸನ್ ನಲ್ಲೇ 94 ಗೆಲುವು ಸಾಧಿಸಿತ್ತು. ಆದರೆ, ಅಮಾನತುಗೊಂಡಿರುವುದರಿಂದ ದಾಖಲೆ ಮಾಡಲು ಸಾಧ್ಯವಾಗಲಿಲ್ಲ.
10 ಸೀಸನ್ ನಲ್ಲಿ ಮುಂಬೈ
ಮುಂಬೈ ತಂಡ ತನ್ನ ಮೊದಲ ಟಿ20 ಪಂದ್ಯವನ್ನು ರಾಯಲ್ ಚಾಲೆಂಜರ್ಸ್ ಬೆಂಗಳೂರು(ಆರ್ ಸಿಬಿ) ವಿರುದ್ಧ ಆಡಿತ್ತು. ಈ ಪಂದ್ಯದಲ್ಲಿ 5 ವಿಕೆಟ್ ಗಳಿಂದ ಮುಂಬೈ ಸೋಲು ಕಂಡಿತ್ತು. ಮೊದಲ ಗೆಲುವನ್ನು ಏಪ್ರಿಲ್ 29, 2008ರಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ ಕಂಡಿತು. ಕೆಕೆಆರ್ ವಿರುದ್ಧ 7 ವಿಕೆಟ್ ಗಳ ಗೆಲುವು ಮೊದಲ ಗೆಲುವು.
ಮುಂಬೈನ ನೆಚ್ಚಿನ ಎದುರಾಳಿ ಕೆಕೆಆರ್
ಕಳೆದ 10 ಸೀಸನ್ ನಲ್ಲಿ ಅನೇಕ ತಂಡಗಳ ವಿರುದ್ಧ ಆಡಿ ಗೆದ್ದು, ಸೋತಿರುವ ಮುಂಬೈ ಇಂಡಿಯನ್ಸ್ ತಂಡಕ್ಕೆ ಕೋಲ್ಕತ್ತಾ ನೈಟ್ ರೈಡರ್ಸ್ ನೆಚ್ಚಿನ ಎದುರಾಳಿಯಾಗಿದೆ. ಕೆಕೆಆರ್ ವಿರುದ್ಧ 2008ರಲ್ಲಿ ಮೊದಲ ಗೆಲುವು ಸಾಧಿಸಿದ್ದಲ್ಲದೆ 100ನೇ ಗೆಲುವನ್ನು ಮೇ 13, 2017ರಲ್ಲಿ ಕೆಕೆಆರ್ ವಿರುದ್ಧವೇ ಗಳಿಸಿದ್ದು ಮುಂಬೈನ ಸಾಧನೆ. ಒಟ್ಟಾರೆ, 20 ಬಾರಿ ಈ ಎರಡು ಬಲಿಷ್ಠ ತಂಡಗಳು ಸೆಣೆಸಿದ್ದು, 15 ಬಾರಿ ಮುಂಬೈ ತಂಡವೇ ಜಯಭೇರಿ ಬಾರಿಸಿದೆ.
2 ಬಾರಿ ಚಾಂಪಿಯನ್
2011ರಲ್ಲಿ ಮುಂಬೈ ತಂಡ ಮೊದಲ ಬಾರಿಗೆ ಪ್ರತಿಷ್ಠಿತ ಟಿ20 ಕಪ್ ಗೆದ್ದುಕೊಂಡಿತು. ಚಾಂಪಿಯನ್ಸ್ ಲೀಗ್ ಟಿ20 ಗೆದ್ದ ಮುಂಬೈ ತಂಡ, ನಂತರ 2013 ಹಾಗೂ 2015ರಲ್ಲಿ ಐಪಿಎಲ್ ಟ್ರೋಫಿಯನ್ನು ರೋಹಿತ್ ಶರ್ಮ ಪಡೆ ತನ್ನದಾಗಿಸಿಕೊಂಡಿತು. ಐಪಿಎಲ್ 10ರಲ್ಲಿ ಸನ್ ರೈಸರ್ಸ್ ಹೈದರಾಬಾದ್ ಅಥವಾ ರೈಸಿಂಗ್ ಪುಣೆ ಸೂಪರ್ ಜೈಂಟ್ (ಪಂಜಾಬ್ ಸೋಲಿಸಿದರೆ) ವಿರುದ್ಧ ಕ್ವಾಲಿಫೈಯರ್ ನಲ್ಲಿ ಆಡಲಿದೆ.