ಹೈದರಾಬಾದ್ ಗರ್ವಭಂಗ ಮಾಡಿದ ಮುಂಬೈ ಇಂಡಿಯನ್ಸ್

ಮುಂಬೈ, ಏಪ್ರಿಲ್ 12: ಐಪಿಎಲ್ 10ರ 10ನೇ ಪಂದ್ಯದಲ್ಲಿ ಹೈದರಾಬಾದ್ ತಂಡವನ್ನು 158/8 ಸ್ಕೋರಿಗೆ ಮುಂಬೈ ಇಂಡಿಯನ್ಸ್ ನಿಯಂತ್ರಿಸಿ, ಗುರಿಯನ್ನು 18.4 ಓವರ್ ಗಳಲ್ಲಿ ತಲುಪಿ ಅರ್ಹ ಜಯ ದಾಖಲಿಸಿದೆ. ಅಂಕಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದ ಹೈದರಾಬಾದ್ ತಂಡದ ಗರ್ವವನ್ನು ಮುಂಬೈ ಮುರಿದಿದೆ. [ಅಂಕಪಟ್ಟಿ]

ಮುಂಬೈ ಪರ ರನ್ ಚೇಸ್ ನಲ್ಲಿಎಡಗೈ ಆರಂಭಿಕ ಬ್ಯಾಟ್ಸ್ ಮನ್ ಪಾರ್ಥೀವ್ ಪಟೇಲ್ 39 ರನ್(24 ಎಸೆತ, 7 ಬೌಂಡರಿ), ಮಧ್ಯಮ ಕ್ರಮಾಂಕದ ಬ್ಯಾಟ್ಸ್ ಮನ್ ಗಳಾದ ನಿತೀಶ್ ರಾಣಾ 45 ರನ್(36 ಎಸೆತ, 3 ಬೌಂಡರಿ, 2 ಸಿಕ್ಸರ್) ಹಾಗೂ ಕೃನಾಲ್ ಪಾಂಡ್ಯ 37 ರನ್(20 ಎಸೆತ, 3 ಬೌಂಡರಿ, 3 ಸಿಕ್ಸರ್) ಅವರ ಸಮಯೋಚಿತ ಬ್ಯಾಟಿಂಗ್ ನೆರವಿನಿಂದ ಮುಂಬೈ ಜಯ ದಾಖಲಿಸಿತು.[ಸ್ಕೋರ್ ಕಾರ್ಡ್ ನೋಡಿ]

ಹೈದರಾಬಾದ್ ಇನ್ನಿಂಗ್ಸ್ : ನಾಯಕ ಡೇವಿಡ್ ವಾರ್ನರ್ 49 ಹಾಗೂ ಶಿಖರ್ ಧವನ್ 48 ರನ್ ಉತ್ತಮ ಆರಂಭ ನೀಡಿದರೂ ಲಾಭ ಪಡೆದ ಕಾರಣ ಹೈದರಾಬಾದ್ ಉತ್ತಮ ಮೊತ್ತ ಪೇರಿಸಲು ಸಾಧ್ಯವಾಗಲಿಲ್ಲ.

Well done @ImRo45 and Lasith Malinga. Today they play their 💯match for @mipaltan #IPL #MIvSRH pic.twitter.com/reC5DgGKt7

— IndianPremierLeague (@IPL) April 12, 2017

10.2 ಓವರ್ ಗಳಲ್ಲಿ 81 ರನ್ ಗಳಿಸಿ ಉತ್ತಮ ಅಡಿಪಾಯ ಹಾಕಿಕೊಟ್ಟಿದ್ದರು. ಮಧ್ಯಮ ಕ್ರಮಾಂಕದಲ್ಲಿ ಕಟಿಂಗ್ 20 ರನ್ 10 ಎಸೆತ, 4 ಬೌಂಡರಿ ಬಾರಿಸಿದ್ದು ಬಿಟ್ಟರೆ ಯುವರಾಜ್ ಸೇರಿದಂತೆ ಮಿಕ್ಕವರು ಎರಡಂಕಿ ದಾಟದೆ ಪೆವಿಲಿಯನ್ ಸೇರಿದರು.

#IPL Match 10 - Here are the Playing XIs for @mipaltan vs @SunRisers #MIvSRH pic.twitter.com/JCh4nt4jVM

— IndianPremierLeague (@IPL) April 12, 2017

ತಂಡದ ಬದಲಾವಣೆ: ಮುಂಬೈ ಕಳೆದ ಪಂದ್ಯದಲ್ಲಿ ಆಡಿದ ತಂಡವನ್ನೇ ಕಣಕ್ಕಿಳಿಸಿತ್ತು. ಸನ್ ರೈಸರ್ಸ್ ಹೈದರಾಬಾದ್ ತಂಡದಲ್ಲಿ ಮೊಯಿಸ್ ಹೆನ್ರಿಕ್ಯೂಸ್ ಅನಾರೋಗ್ಯದಿಂದ ಪಂದ್ಯದಿಂದ ಹೊರಗುಳಿದಿದ್ದು, ಬಾಂಗ್ಲಾದ ವೇಗಿ ಮುಸ್ತಫಿಝುರ್ ರೆಹ್ಮಾನ್ ಆಡಿದರು. ಬಿಪುಲ್ ಶರ್ಮ ಬದಲಿಗೆ ವಿಜಯ್ ಶಂಕರ್ ಆಡಿದರು.(ಒನ್ಇಂಡಿಯಾ ಸುದ್ದಿ)