ಬೆಂಗಳೂರು, ಏಪ್ರಿಲ್ 19: ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್ ಸಿಬಿ) ತಂಡದ ಸ್ಫೋಟಕ ಆರಂಭಿಕ ಬ್ಯಾಟ್ಸ್ ಮನ್ ಕ್ರಿಸ್ ಗೇಲ್ ಅವರು ವೆಸ್ಟ್ ಇಂಡೀಸ್ ಗೆ ಮರಳಿದ್ದಾರೆ. ಐಪಿಎಲ್ 2016ರಿಂದ ಸದ್ಯಕ್ಕೆ ತಾತ್ಕಾಲಿಕ ಬ್ರೇಕ್ ತೆಗೆದುಕೊಂಡಿದ್ದು ಜಮೈಕಾಕ್ಕೆ ಹಾರಿದ್ದಾರೆ. ಗೇಲ್ ಅವರು ಅವರು ಸಿಹಿ ಸುದ್ದಿ ನಿರೀಕ್ಷೆಯಲ್ಲಿದ್ದಾರೆ.
ಕ್ರಿಸ್ ಗೇಲ್ ಅವರು ತಮ್ಮ ಸಂಗಾತಿ ನಟಾಶಾ ಬೆರಿಡ್ಜ್ ಅವರಿಂದ ಮೊದಲ ಮಗು ನಿರೀಕ್ಷೆಯಲ್ಲಿದ್ದಾರೆ. ಹೀಗಾಗಿ ಏಪ್ರಿಲ್ 20 ಹಾಗೂ ಏಪ್ರಿಲ್ 22ರ ಪಂದ್ಯಗಳನ್ನು ಮಿಸ್ ಮಾಡಿಕೊಳ್ಳಲಿದ್ದಾರೆ.
Thanks @qatarairways for the lovely service and cake 😋😊. #Champion 👍🏿 pic.twitter.com/yqjCasTdrD
— Chris Gayle (@henrygayle) April 18, 2016
I'm on my way, Baby. 😊 https://t.co/cNdgCaSvxW
— Chris Gayle (@henrygayle) April 18, 2016
ವಿಶ್ವ ಟ್ವೆಂಟಿ20 ಆರಂಭ ಪಂದ್ಯದಲ್ಲೇ ಶತಕ ಬಾರಿಸಿದ್ದ ಕ್ರಿಸ್ ಗೇಲ್ ಅವರು ಐಪಿಎಲ್ 9ರಲ್ಲಿ ಇನ್ನೂ ಮಿಂಚಬೇಕಿದೆ. ಸದ್ಯ ಎರಡು ಪಂದ್ಯವನ್ನಾಡಿದ್ದು, ಸನ್ ರೈಸರ್ಸ್ ಹೈದರಾಬಾದ್ ವಿರುದ್ಧ 1 ರನ್ ಹಾಗೂ ಡೆಲ್ಲಿ ಡೇರ್ ಡೆವಿಲ್ಸ್ ವಿರುದ್ಧ 3 ಎಸೆತಗಳನ್ನು ಎದುರಿಸಿ ಶೂನ್ಯ ಸುತ್ತಿದ್ದರು. ಹೈದ್ರಾಬಾದ್ ವಿರುದ್ಧ ಆರ್ ಸಿಬಿ ಗೆದ್ದರೆ, ಡೆಲ್ಲಿ ವಿರುದ್ಧ ಸೋಲು ಕಂಡಿದೆ.
ಗೇಲ್ ಅವರು ಮತ್ತೆ ಲಯಕ್ಕೆ ಮರಳುತ್ತಾರೆ. ಅವರ ಆಟದ ಬಗ್ಗೆ ಚಿಂತೆ ಬೇಡ ಎಂದು ನಾಯಕ ವಿರಾಟ್ ಕೊಹ್ಲಿ ಅವರು ಪ್ರತಿಕ್ರಿಯಿಸಿದ್ದರು.