ಕೋಲ್ಕತ್ತಾ, ಏಪ್ರಿಲ್ 11: ಹೊಸ ಮ್ಯಾನೇಜ್ಮೆಂಟ್, ರಾಹುಲ್ ದ್ರಾವಿಡ್ ರಂಥ ದಿಗ್ಗಜರ ಮಾರ್ಗದರ್ಶನ ಇದ್ದರೂ ಡೆಲ್ಲಿ ಡೇರ್ ಡೆವಿಲ್ಸ್ ತಂಡ ಯಾವುದೇ ವಿಭಾಗದಲ್ಲಿ ಮಿಂಚಲು ಸಾಧ್ಯವಾಗಲಿಲ್ಲ. ಐಪಿಎಲ್ 9ನೇ ಆವೃತ್ತಿನ ತನ್ನ ಮೊದಲ ಪಂದ್ಯದಲ್ಲಿ ಕೋಲ್ಕತ ನೈಟ್ರೈಡರ್ಸ್ ತಂಡ ಉತ್ತಮ ಪ್ರದರ್ಶನ ನೀಡಿ ಭಾನುವಾರ ರಾತ್ರಿ ಡೆಲ್ಲಿ ವಿರುದ್ಧ ಸುಲಭ ಜಯ ದಾಖಲಿಸಿದೆ.
ಐಪಿಎಲ್ 2016: ವೇಳಾಪಟ್ಟಿ | ಯಾವ ತಂಡದಲ್ಲಿ ಯಾವ ಆಟಗಾರರು | ಗ್ಯಾಲರಿ
ಕೋಲ್ಕತ್ತಾ ನೈಟ್ರೈಡರ್ಸ್ ಪರ ಆಂಡ್ರೆ ರಸೆಲ್ (24ಕ್ಕೆ 3) ಹಾಗೂ ಹಿರಿಯ ಸ್ಪಿನ್ನರ್ ಬ್ರಾಡ್ ಹಾಗ್ (19ಕ್ಕೆ 3) ಬೌಲಿಂಗ್ ದಾಳಿಗೆ ಸಿಲುಕಿದ ಡೆಲ್ಲಿ ಆಟಗಾರರು 17.4 ಓವರ್ಗಳಲ್ಲಿ ಕೇವಲ 98 ರನ್ ಗಳಿಸುವಷ್ಟರಲ್ಲಿ ಸುಸ್ತಾದರು.
ಲಯ ಕಳೆದುಕೊಂಡ ಜಹೀರ್ : ರಾಬಿನ್ ಹಾಗೂ ಗೌತಮ್ ಮೊದಲ ವಿಕೆಟ್ಗೆ ಈ ಜೋಡಿ 9.4 ಓವರ್ಗಳಲ್ಲಿ 69 ರನ್ ಸೇರಿಸಿ ಭದ್ರ ಬುನಾದಿ ಹಾಕಲು ಜಹೀರ್ ಕೆಟ್ಟ ಬೌಲಿಂಗ್ ಕೂಡಾ ಕಾರಣವಾಯಿತು. ಅಮಿತ್ ಮಿಶ್ರಾ ಓವರ್ನಲ್ಲಿ ಉತ್ತಪ್ಪ ಕ್ಯಾಚಿತ್ತು ನಿರ್ಗಮಿಸಿದ ಮೇಲೆ ಕರ್ನಾಟಕದ ಮನೀಶ್ ಪಾಂಡೆ ಬೌಂಡರಿಗಳನ್ನು ಬಾರಿಸುತ್ತಾ ಅಜೇಯ 15ರನ್ ಗಳಿಸಿ ನಾಯಕ ಗೌತಮ್ ಜೊತೆಗೆ ಗೆಲುವಿನ ಗುರಿ ಮುಟ್ಟಿಸಿದರು.