ಕೋಲ್ಕತ್ತಾ, ಮೇ 23: ತಿಂಗಳ ಕಾಲ ಕ್ರೀಡಾ ಪ್ರೇಮಿಗಳನ್ನು ರಂಜಿಸಿದ ಐಪಿಎಲ್ ಪಂದ್ಯಾವಳಿ ಅಂತಿಮ ಘಟ್ಟಕ್ಕೆ ಬಂದು ತಲುಪಿದೆ. ಎಂಎಸ್ ಧೋನಿ ನೇತೃತ್ವದ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ರೋಹಿತ್ ಶರ್ಮಾ ನಾಯಕತ್ವದ ಮುಂಬೈ ಇಂಡಿಯನ್ಸ್ ನಡುವೆ ಪ್ರಶಸ್ತಿಗಾಗಿ ಕಾದಾಟ ನಡೆಯಲಿದೆ.
ಅಂಕಪಟ್ಟಿಯಲ್ಲಿ ಟಾಪ್ 2 ಸ್ಥಾನಗಳಿಸಿದ್ದ ತಂಡಗಳೇ ಫೈನಲ್ ಗೆ ಜಿಗಿದಿವೆ. ಇದೇ ತಂಡಗಳು 2010 ಮತ್ತು 2013 ರ ಐಪಿಎಲ್ ಫೈನಲ್ ನಲ್ಲೂ ಮುಖಾಮುಖಿಯಾಗಿದ್ದವು. ಚೆನ್ನೈ 2010ರಲ್ಲಿ ಪ್ರಶಸ್ತಿ ಜಯಿಸಿದ್ದರೆ, ಮುಂಬೈ 2013 ರಲ್ಲಿ ವಿಜಯಿಯಾಗಿತ್ತು.[ಐಪಿಎಲ್ ಫೈನಲ್ ಗೆ ಮಳೆ ಬಂದರೆ ಏನು ಕತೆ?]
ಇಲ್ಲಿಯವರೆಗೆ ಒಟ್ಟು 8 ಐಪಿಎಲ್ ಆವೃತ್ತಿ ನಡೆದಂಥಾಗಿದ್ದು ಚೆನ್ನೈ ತಂಡ 6 ನೇ ಬಾರಿ ಫೈನಲ್ ಪ್ರವೇಶ ಮಾಡಿದೆ. 2010, 2011 ರಲ್ಲಿ ಪ್ರಶಸ್ತಿ ಜಯಿಸಿರುವ ತಂಡ ಮೂರನೇ ಬಾರಿ ಸಾಧನೆ ಮಾಡುವ ನಿರೀಕ್ಷೆಯಲ್ಲಿದೆ.
ಮುಂಬೈಗೆ ಇದು ಮೂರನೇ ಫೈನಲ್ ಆಗಿದ್ದು ಎರಡನೇ ಪ್ರಶಸ್ತಿ ಗೆದ್ದು ಕೋಲ್ಕತ್ತಾ ಮತ್ತು ಚೆನ್ನೈ ಸಾಲಿಗೆ ಸೇರುವ ತವಕದಲ್ಲಿದೆ.[ಲಯ ತಪ್ಪಿದ ವಿರಾಟ್ ತಂತ್ರ, ಧೋನಿ ಹುಡುಗರು ಫೈನಲ್ ಗೆ]
ಐದು ಫೈನಲ್ ಆಡಿರುವ ಚೆನ್ನೈಗೆ ಸಮರ್ಥ ನಾಯಕತ್ವವಿದೆ. ಬ್ರಾವೋ ಮಾರಕ ಬೌಲಿಂಗ್, ನೆಹ್ರಾ ಫಾರ್ಮ್, ಅಪತ್ ಕಾಲದಲ್ಲಿ ಮಿಂಚುವ ಸುರೇಶ್ ರೈನಾ, ಮರಳಿ ಲಯ ಕಂಡುಕೊಂಡಿರುವ ಮೈಕಲ್ ಹಸ್ಸೆ, ಅದ್ಭುತ ಕ್ಷೇತ್ರರಕ್ಷಣೆ ಚೆನ್ನೈ ಶಕ್ತಿ.
ಆರಂಭದಲ್ಲಿ ಎಡವಿದ್ದರೂ ನಂತರ ಗೆಲುವಿನ ಅಭಿಯಾನದಲ್ಲೇ ಮುಂದುವರಿದಿರುವ ಮುಂಬೈ ಗೆ ಮಾಲಿಂಗ ಬೌಲಿಂಗ್ ಶಕ್ತಿಯಿದೆ. ಸಂಘಟಿತ ಹೋರಾಟ ನಡೆಸಿಕೊಂಡು ಬಂದಿರುವ ಮುಂಬೈ ಪಂದ್ಯದ ಲೆಕ್ಕಾಚಾರವನ್ನು ತಲೆಕೆಳಗೆ ಮಾಡಬಹುದು.[ನಂ.2 ಪವರ್: ಮುಂಬೈಗೆ ಐಪಿಎಲ್ 2015 ಕಪ್?]
* ಪಂದ್ಯ ಎಲ್ಲಿ: ಈಡನ್ ಗಾರ್ಡನ್, ಕೋಲ್ಕತ್ತಾ, 24 ಮೇ. ರಾತ್ರಿ 8 ಗಂಟೆಗೆ ಆರಂಭ
* ನೇರಪ್ರಸಾರ: ಸೋನಿಮ್ಯಾಕ್ಸ್, ಸಿಕ್ಸ್, ಕಿಕ್ಸ್, ಅಥ್ಥಾ
* ಹೆಡ್ ಟು ಹೆಡ್
ಮುಂಬೈ 11
ಚೆನ್ನೈ 10
* 2015 ರಲ್ಲಿ
ಮುಂಬೈ 2
ಚೆನ್ನೈ 1(ಒನ್ ಇಂಡಿಯಾ ನ್ಯೂಸ್)