ಇಂದೋರ್, ಅಕ್ಟೋಬರ್ 08: ಪ್ರವಾಸಿ ನ್ಯೂಜಿಲೆಂಡ್ ವಿರುದ್ಧದ ಮೂರನೇ ಹಾಗೂ ಅಂತಿಮ ಟೆಸ್ಟ್ ಪಂದ್ಯದಲ್ಲಿ ಟಾಸ್ ಗೆದ್ದ ವಿರಾಟ್ ಕೊಹ್ಲಿ ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿದ್ದನ್ನು ಶತಕ ಬಾರಿಸುವ ಮೂಲಕ ಸಮರ್ಥಿಸಿಕೊಂಡಿದ್ದಾರೆ. ನಾಯಕ ಕೊಹ್ಲಿ 184 ಎಸೆತಗಳಲ್ಲಿ ಆಕರ್ಷಕ ಶತಕ ಬಾರಿಸಿ ತಂಡದ ಮೊತ್ತವನ್ನು 260ಕ್ಕೇರಿಸಿದ್ದಾರೆ.
ನಾಯಕ ಕೊಹ್ಲಿ 103ರನ್ ಗಳಿಸಿ ಆಡುತ್ತಿದ್ದು, 10 ಬೌಂಡರಿ ಬಾರಿಸಿದ್ದಾರೆ. ಕೊಹ್ಲಿ ಸಾಥ್ ನೀಡಿರುವ ರಹಾನೆ 79ರನ್ ಗಳಿಸಿದ್ದಾರೆ. ಈ ಸಮಯಕ್ಕೆ 90 ಓವರ್ ಗಳಲ್ಲಿ 3 ವಿಕೆಟ್ ನಷ್ಟಕ್ಕೆ 267ರನ್ ಸ್ಕೋರ್ ಮಾಡಿದೆ.