ಆದರೆ, ಶತಕದ ಜತೆಯಾಟ
ದಿನದಾಟದಲ್ಲಿ ಆಸ್ಟ್ರೇಲಿಯಾ ತಂಡ ತನ್ನ ಇನಿಂಗ್ಸ್ ಮೊತ್ತ ಕೇವಲ 10 ರನ್ ಆಗಿದ್ದಾಗ ಆರಂಭಿಕ ರೆನ್ಶಾ ಅವರನ್ನು ಬೇಗನೇ ಕಳೆದುಕೊಂಡರೂ, ಮತ್ತೊಬ್ಬ ಆರಂಭಿಕ ಡೇವಿಡ್ ವಾರ್ನರ್ ಹಾಗೂ ಮೂರನೇ ಕ್ರಮಾಂಕದಲ್ಲಿ ಆಡಲಿಳಿದಿದ್ದ ನಾಯಕ ಸ್ಟೀವನ್ ಸ್ಮಿತ್ ಅವರ ಅಮೋಘ ಶತಕದ ಜತೆಯಾಟದಿಂದ ಚೇತರಿಕೆ ಕಂಡಿತ್ತು. ಈ ಇಬ್ಬರೂ ಎರಡನೇ ವಿಕೆಟ್ ಗೆ ಭರ್ಜರಿ 134 ರನ್ ಜತೆಯಾಟ ನೀಡಿದರು.
ವಾರ್ನರ್-ಸ್ಮಿತ್ ಮಾತುಕತೆ
ಮಧ್ಯಾಹ್ನ ಭೋಜನ ವಿರಾಮದ ವೇಳೆಯಲ್ಲಿ ಪೆವಿಲಿಯನ್ ಕಡೆಗೆ ಹೆಜ್ಜೆ ಹಾಕುತ್ತಿದ್ದ ಆಸ್ಟ್ರೇಲಿಯಾ ಕ್ರಿಕೆಟ್ ತಂಡದ ಆರಂಭಿಕ ಡೇವಿಡ್ ವಾರ್ನರ್ ಹಾಗೂ ನಾಯಕ ಸ್ಟೀವನ್ ಸ್ಮಿತ್ ಅವರು ಏನೋ ಚರ್ಚೆಯಲ್ಲಿ ತೊಡಗಿರುವುದು.
ಸುಸ್ತಾದ ಕ್ರಿಕೆಟ್ ಕಲಿಗಳು
ಧರ್ಮಾಶಾಲಾ ಕ್ರೀಡಾಂಗಣವು ಹಿಮಾಚಲ ಪ್ರದೇಶದಲ್ಲಿದ್ದರೂ ಅಲ್ಲಿ ತಾಪಮಾನ ಹೆಚ್ಚಾಗಿಯೇ ಇದೆ. ಉಸ್ಸಪ್ಪಾ ಎನ್ನುವಂಥ ಬಿಸಿಲ ಬೇಗೆಯ ನಡುವೆ ಆಸ್ಟ್ರೇಲಿಯಾದ ಇನಿಂಗ್ಸ್ ಕಟ್ಟುವಲ್ಲಿ ನಿರತರಾಗಿದ್ದ ಡೇವಿಡ್ ವಾರ್ನರ್ ಹಾಗೂ ಸ್ಟೀವನ್ ಸ್ಮಿತ್, ಡ್ರಿಂಕ್ಸ್ ಬ್ರೇಕ್ ನಲ್ಲಿ ಕಂಡಿದ್ದು ಹೀಗೆ.
ಪಾನೀಯ ತಂದ ಕೊಹ್ಲಿ
ಅರೆರೆ... ಕೊಹ್ಲಿ! ಗಾಯದ ಸಮಸ್ಯೆಯಿಂದಾಗಿ ಈ ಪಂದ್ಯದಿಂದ ದೂರ ಉಳಿದಿರುವ ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ, ದಿನದಾಟದ ಡ್ರಿಂಕ್ಸ್ ಬ್ರೇಕ್ ನಲ್ಲೊಮ್ಮೆ ತಮ್ಮ ತಂಡದ ಆಟಗಾರರಿಗೆ ಪಾನೀಯ ತಂದುಕೊಟ್ಟು ಪ್ರೇಕ್ಷಕರಿಗೆ ದರುಶನ ಕೊಟ್ಟರು. ಅವರನ್ನು ಕಂಡಕೂಡಲೇ ಇಡೀ ಕ್ರೀಡಾಂಗಣದಲ್ಲಿ ಕೋಲಾಹಲವೆದ್ದಿತು.
ಹಿರಿಯ ಆಟಗಾರನ ಅರ್ಧಶತಕ
ದಿನದಾಟದಲ್ಲಿ ಉತ್ತಮ ಪ್ರದರ್ಶನ ತೋರಿದ ಆಸ್ಟ್ರೇಲಿಯಾದ ಆರಂಭಿಕ ಆಟಗಾರ ಡೇವಿಡ್ ವಾರ್ನರ್ ಅವರು, ತಮ್ಮ ಅರ್ಧಶತಕ ದಾಖಲಿಸಿದಾಗ ಪ್ರೇಕ್ಷಕರತ್ತ ಬ್ಯಾಟ್ ಎತ್ತಿ ಸಂಭ್ರಮ ವ್ಯಕ್ತಪಡಿಸಿದರು.