ನವದೆಹಲಿ, ಮಾರ್ಚ್, 11:ಐಸಿಸಿ ಟಿ-20 ವಿಶ್ವಕಪ್ ಹಿನ್ನಲೆಯಲ್ಲಿ ಎಲ್ಲ ಆಟಗಾರರಿಗೆ ಡೋಪಿಂಗ್ ಟೆಸ್ಟ್ ಮಾಡಲಾಗುತ್ತಿದೆ ಎಂದು ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ ತಿಳಿಸಿದೆ.
ನಿರಂತರವಾಗಿ ಉದ್ದೀಪನ ಮದ್ದು ಸೇವನೆ ಪರೀಕ್ಷೆಗೆ ಆಟಗಾರರನ್ನು ಒಳಪಡಿಸಲಾಗುತ್ತಿದೆ. ಇದನ್ನು ಈ ವಿಶ್ವಕಪ್ ವೇಳೆ ಮತ್ತಷ್ಟು ಕಟ್ಟುನಿಟ್ಟಾಗಿ ಜಾರಿ ಮಾಡಲಾಗಿದೆ ಎಂದು ಪಂದ್ಯಾವಳಿಯ ನಿರ್ದೇಶಕ ಎಂ ವಿ ಶ್ರೀಧರ್ ತಿಳಿಸಿದ್ದಾರೆ.[ಪಾಕಿಸ್ತಾನ ಕೋಲ್ಕತಾಗೆ ಬಂದ್ರೆ ಈಡನ್ಗೆ 'ಗುದ್ದಲಿ' ಪೂಜೆ!]
ವಿಶ್ವ ಟಿ20: ತಂಡಗಳು | ವೇಳಾಪಟ್ಟಿ | ಗ್ಯಾಲರಿ
ಐಸಿಸಿ ಅಂತಾರಾಷ್ಟ್ರೀಯ ಉದ್ದೀಪನ ಮದ್ದು ಪರೀಕ್ಷಾ ಕೇಂದ್ರದ ಭಾಗವಲ್ಲ. ಆದರೂ ಆಟಗಾರರನ್ನು ಪರೀಕ್ಷೆಗೆ ಒಳಪಡಿಸಲಾಗುತ್ತಿದೆ ಎಂದು ಅವರು ತಿಳಿಸಿದ್ದಾರೆ.2011 ರ ವಿಶ್ವಕಪ್ ನಂತರ ಕಟ್ಟುನಿಟ್ಟಾಗಿ ಪರೀಕ್ಷೆ ಮಾಡಿಕೊಂಡು ಬರಲಾಗುತ್ತಿದೆ. 2012,2014 ರ ಟಿ-20 ವಿಶ್ವಕಪ್ ನಲ್ಲಿಯೂ ಮದ್ದು ಪರೀಕ್ಷೆ ಕೈಗೊಳ್ಳಾಗಿತ್ತು ಎಂದು ತಿಳಿಸಿದರು.[ಡ್ರಗ್ಸ್ ಸೇವನೆ: ಟೆನಿಸ್ ಆಟಗಾರ್ತಿ ಮರಿಯಾ ಶರಪೋವಾಗೆ ನಿಷೇಧ]
ಖ್ಯಾತ ಟೆನಿಸ್ ತಾರೆ ಮರಿಯಾ ಶರಪೋವಾ ಉದ್ದೀಪನ ಮದ್ದು ಸೇವನೆ ಪರೀಕ್ಷೆಯಲ್ಲಿ ವಿಫಲರಾಗಿದ್ದು ಇತ್ತೀಚೆಗೆ ಸುದ್ದಿಯಾಗಿತ್ತು. ಅಲ್ಲದೇ ಅನೇಕ ಸಂಸ್ಥೆಗಳು ಅವರೊಂದಿಗೆ ಇದ್ದ ಒಪ್ಪಂದವನ್ನು ಕೈ ಬಿಟ್ಟಿದ್ದವು.