ಮುಂಬೈ, ಜ.05: ಸರಿ ಸುಮಾರು 116 ವರ್ಷಗಳ ಹಿಂದಿನ ದಾಖಲೆಯೊಂದನ್ನು ಧ್ವಂಸಗೊಳಿಸಿದ ಬ್ಯಾಟ್ಸ್ ಮನ್ ಪ್ರಣವ್ ಧನವಾಡೆ ಅವರು ಹೊಸ ಇತಿಹಾಸ ನಿರ್ಮಿಸಿದ್ದಾರೆ. 652ರನ್ ಗಳಿಸಿ ವಿಶ್ವದಾಖಲೆ ಬರೆದ ಪ್ರಣವ್ ಈಗಷ್ಟೇ(ಜನವರಿ 5) 1,000 ವೈಯಕ್ತಿಕ ರನ್ ಪೂರೈಸಿದ್ದಾರೆ.
ಸೋಮವಾರ ಶಾಲಾ ಟೂರ್ನಿಯೊಂದರಲ್ಲಿ 199 ಎಸೆತಗಳಲ್ಲಿ 652ರನ್ ದಾಖಲಿಸಿದ್ದರು. ಈಗ 1,000ರನ್ ಗಳಿಸಿ ಆಡುತ್ತಿದ್ದಾರೆ. ಇಲ್ಲಿ ತನಕ ಯಾರೊಬ್ಬರೂ ಸಾವಿರ ರನ್ ವೈಯಕ್ತಿಕ ಮೊತ್ತ ದಾಖಲಿಸಿದ ಉದಾಹರಣೆಗಳಿಲ್ಲ.
ಕೊನೆಗೆ ಒಂದೇ ಇನ್ನಿಂಗ್ಸ್ ನಲ್ಲಿ 1009 ರನ್ ಬಾರಿಸಿ ನಾಟೌಟ್ ಆಗಿ ಉಳಿದರು. (323 ಎಸೆತಗಳು, 395 ನಿಮಿಷಗಳು, 129X4, 59X6) 312.38 ಸ್ಟ್ರೈಕ್ ರೇಟ್.ಪ್ರಣವ್ ಸಾಧನೆಯಿಂದ ಶ್ರೀಮತಿ ಕೆಸಿ ಗಾಂಧಿ ಹೈಸ್ಕೂಲ್ 1,465 ರನ್ ಗಳಿಸಿ ಡಿಕ್ಲೇರ್ ಮಾಡಿಕೊಂಡಿದೆ. [652ರನ್ ಚೆಚ್ಚಿ ವಿಶ್ವ ದಾಖಲೆ ಬರೆದ ರಿಕ್ಷಾ ಚಾಲಕನ ಮಗ!]
ಆಟೋರಿಕ್ಷಾ ಚಾಲಕರೊಬ್ಬರ ಮಗನಾಗಿರುವ 15 ವರ್ಷ ವಯಸ್ಸಿನ ಪ್ರಣವ್ ಅವರು ಅತ್ಯಧಿಕ ವೈಯಕ್ತಿಕ ಮೊತ್ತ ದಾಖಲಿಸಿದ ಸಾಧನೆ ಮಾಡಿದ್ದಾರೆ. 1899ರಲ್ಲಿ ಎಇಜೆ ಕಾಲಿನ್ಸ್ ಅವರ ಹೆಸರಿನಲ್ಲಿ ಈ ದಾಖಲೆ ಇತ್ತು. ಕಾಲಿನ್ಸ್ ಅವರು ಔಟಾಗದೆ 628 ರನ್ ಗಳಿಸಿದ್ದರು.
Pranav Dhanawade now on 1002* 😱.
🙏👍✌👌
— Mohandas Menon (@mohanstatsman) ಜನವರಿ 5, 2016
ಮುಂಬೈನ ಕಲ್ಯಾಣ್ ಪ್ರದೇಶದಲ್ಲಿರುವ ಶ್ರೀಮತಿ ಕೆಸಿ ಗಾಂಧಿ ಹೈಸ್ಕೂಲ್ ಪರ ಆಡಿದ ಪ್ರಣವ್ ಅವರು 72 ಬೌಂಡರಿ, 28 ಸಿಕ್ಸರ್ ಸಿಡಿಸಿ ತಮ್ಮ ಹೆಸರನ್ನು ವಿಶ್ವದಾಖಲೆ ಪುಟದಲ್ಲಿ ಕೆತ್ತಿದರು. ಭಂಡಾರಿ ಕಪ್ ಅಂತರ್ ಶಾಲಾ ಪಂದ್ಯಾವಳಿಯಲ್ಲಿ ಆರ್ಯ ಗುರುಕುಲ ಶಾಲೆ ವಿರುದ್ಧ ಈ ದಾಖಲೆ ಮೊತ್ತ ಪೇರಿಸಿದರು.
ಪ್ರಶಾಂತ್ ಅವರ ಪ್ರತಿಕ್ರಿಯೆ: ಪ್ರಣವ್ 300ರನ್ ಬಾರಿಸಿದಾಗ ಅವರ ತಂದೆ ಪ್ರಶಾಂತ್ ಅವರು ಮೈದಾನಕ್ಕೆ ಬಂದರು. ಮಗನ ಆಟವನ್ನು ಕಣ್ತುಂಬಿಸಿಕೊಂಡಿದ್ದಾರೆ.11 ವರ್ಷಗಳ ಪರಿಶ್ರಮದ ಫಲವಾಗಿ ಈ ಸಾಧನೆ ಹೊರ ಬಂದಿದೆ.
Pranav Dhanawade....
Runs - 1009*
Balls - 323
Mins - 395
S/R - 312.38
Sixes - 59
Fours - 129
His school KC Gandhi HS declared @ 1465
— Mohandas Menon (@mohanstatsman) ಜನವರಿ 5, 2016