ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
For Quick Alerts
ALLOW NOTIFICATIONS  
For Daily Alerts
 

ಮೋದಿ ಕನಸಿನ ಕ್ರಿಕೆಟ್ ಸ್ಟೇಡಿಯಂ ನಿರ್ಮಾಣಕ್ಕೆ 700 ಕೋಟಿ ರು!

ಪ್ರಧಾನಿ ನರೇಂದ್ರ ಮೋದಿ ಅವರ ಕನಸಿನ ಯೋಜನೆಯಾದ ವಿಶ್ವದ ಅತಿದೊಡ್ಡ ಕ್ರಿಕೆಟ್ ಕ್ರೀಡಾಂಗಣದ ಮೊಟೆರಾದಲ್ಲಿ ನಿರ್ಮಾಣವಾಗಲಿದೆ. ಸುಮಾರು 700 ಕೋಟಿ ರೂ. ವೆಚ್ಚದ ಮಹಾಯೋಜನೆ ಇದಾಗಿದೆ.

By Mahesh

ಅಹಮದಾಬಾದ್, ಜನವರಿ 18: ಪ್ರಧಾನಿ ನರೇಂದ್ರ ಮೋದಿ ಅವರ ಕನಸಿನ ಯೋಜನೆಯಾದ ವಿಶ್ವದ ಅತಿದೊಡ್ಡ ಕ್ರಿಕೆಟ್ ಕ್ರೀಡಾಂಗಣದ ನಿರ್ಮಾಣಕ್ಕೆ ಇತ್ತೀಚೆಗೆ ಗುಜರಾತ್ ಕ್ರಿಕೆಟ್ ಮಂಡಳಿ ಅಡಿಗಲ್ಲು ಹಾಕಿದೆ. ಸುಮಾರು 700 ಕೋಟಿ ರೂ. ವೆಚ್ಚದ ಮಹಾಯೋಜನೆ ಇದಾಗಿದ್ದು, 2 ವರ್ಷಗಳಲ್ಲಿ ಮೊಟೆರಾದ ಕ್ರೀಡಾಂಗಣ ಸಜ್ಜಾಗುವ ನಿರೀಕ್ಷೆ ಇದೆ.

ಮೊಟೆರಾದ ಸರ್ದಾರ್ ಪಟೇಲ್ ಕ್ರೀಡಾಂಗಣವನ್ನು ಸಂಪೂರ್ಣವಾಗಿ ನೆಲಸಮಗೊಳಿಸಲಾಗುತ್ತದೆ. ಸುಮಾರು 49 ಸಾವಿರ ಪ್ರೇಕ್ಷಕರ ಸಾಮರ್ಥ್ಯ ಹೊಂದಿದ್ದ ಕ್ರೀಡಾಂಗಣ ಇನ್ಮುಂದೆ 1.10 ಲಕ್ಷ ಪ್ರೇಕ್ಷಕರ ಸಾಮರ್ಥ್ಯದ ಸ್ಟೇಡಿಯಂ ಆಗಿ ಪರಿವರ್ತನೆಗೊಳ್ಳಲಿದೆ.

Gujarat's Motera to become 'world's biggest cricket stadium', foundation stone laid

ಸದ್ಯ ಅತಿದೊಡ್ಡ ಕ್ರಿಕೆಟ್ ಕ್ರೀಡಾಂಗಣವೆನಿಸಿರುವ ಮೆಲ್ಬೋರ್ನ್​ನ ಎಂಸಿಜಿಗಿಂತ (90 ಸಾವಿರ ಪ್ರೇಕ್ಷಕ ಸಾಮರ್ಥ್ಯ) ದೊಡ್ಡ ಸ್ಟೇಡಿಯಂ ಎಂದೆನಿಸಿಕೊಳ್ಳಲಿದೆ.

ಹೊಸ ಸ್ಟೇಡಿಯಂನಲ್ಲಿ 76 ಕಾಪೋರೇಟ್ ಬಾಕ್ಸ್​ಗಳು ಇರಲಿವೆ. 3 ಅಭ್ಯಾಸ ಮೈದಾನ, 4 ಡ್ರೆಸ್ಸಿಂಗ್ ರೂಮ್ 50-55 ರೂಮ್ ಒಳಗೊಂಡ ಕ್ಲಬ್​ಹೌಸ್, ಈಜುಕೊಳ ಮತ್ತು ಒಳಾಂಗಣ ಕ್ರಿಕೆಟ್ ಅಕಾಡೆಮಿ ಇರಲಿದೆ. ಒಟ್ಟಾರೆ 63 ಎಕರೆ ವಿಸ್ತೀರ್ಣದ ಕ್ರಿಕೆಟ್ ಕ್ಯಾಂಪಸ್ ಇದಾಗಿರುತ್ತದೆ. 3 ಸಾವಿರ ಕಾರುಗಳು ಮತ್ತು 10 ಸಾವಿರ ದ್ವಿಚಕ್ರ ವಾಹನಗಳಿಗೆ ರ್ಪಾಂಗ್ ವ್ಯವಸ್ಥೆಯೂ ಇರಲಿದೆ.

ಮೋದಿ ಗುಜರಾತ್ ಕ್ರಿಕೆಟ್ ಸಂಸ್ಥೆ (ಜಿಸಿಎ) ಅಧ್ಯಕ್ಷರಾಗಿದ್ದಾಗ ಈ ಕ್ರೀಡಾಂಗಣದ ನೀಲನಕ್ಷೆಯನ್ನು ರೂಪಿಸಲಾಗಿತ್ತು. ಹಾಲಿ ಅಧ್ಯಕ್ಷ ಅಮಿತ್ ಷಾ ಈ ಕ್ರೀಡಾಂಗಣ ನಿರ್ವಣದ ಉಸ್ತುವಾರಿ ನೋಡಿಕೊಳ್ಳುತ್ತಿದ್ದಾರೆ. ಮೆಲ್ಬೋರ್ನ್ ಕ್ರೀಡಾಂಗಣದ ವಾಸ್ತುವಿನ್ಯಾಸ ರೂಪಿಸಿದ್ದ 'ಪಾಪ್ಯುಲಸ್' ಸಂಸ್ಥೆಯೇ ಈ ಕ್ರೀಡಾಂಗಣದ ವಿನ್ಯಾಸಕನಾಗಿದೆ. ಲಾರ್ಸನ್ ಆಂಡ್ ಟಬೋ ಕಂಪನಿ ಕಾಮಗಾರಿ ವಹಿಸಿಕೊಂಡಿದೆ

Story first published: Wednesday, January 3, 2018, 10:04 [IST]
Other articles published on Jan 3, 2018
POLLS
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Yes No
Settings X