ಧೋನಿ ಸಿಕ್ಸ್ ಮೂಲಕ ಗೆಲುವು ಸಾಧನೆ
ಏಕದಿನ ವಿಶ್ವಕಪ್ ಫೈನಲ್ ನಲ್ಲೂ ಕುಲಶೇಖರ ಎಸೆತವನ್ನು ಸಿಕ್ಸರ್'ಗೆ ಅಟ್ಟಿ ವಿಶ್ವಕಪ್ ಗೆದ್ದಿರುವ ಇತಿಹಾಸ ನಿಮಗೆ ನೆನಪಿರಬಹುದು. ಪಂದ್ಯದ ಕೊನೆಗಳಿಗೆಯಲ್ಲಿ ಬೌಲ್ ಗಿಂತ ರನ್ ಗಳು ಡಬ್ಬಲ್ ಇದ್ದರೇ ಅದರಲ್ಲೂ ಧೋನಿ ಕ್ರೀಸ್ ನಲ್ಲಿದ್ದರೇ ಸಾಕು ಎಂಬ ಭಾವನೆ ಅಭಿಮಾನಿಗಳಲ್ಲಿ ಮೂಡಿದೆ.
2016 ಏಷ್ಯಕಪ್ ಫೈನಲ್ ಪಂದ್ಯ ಬಾಂಗ್ಲಾ ವಿರುದ್ದ
ಬಾಂಗ್ಲಾದೇಶ ವಿರುದ್ಧ ಏಷ್ಯಕಪ್ ಫೈನಲ್ ನಲ್ಲಿ ಭಾರತಕ್ಕೆ ಬೇಕಿದ್ದ 14 ಎಸೆತಗಳಲ್ಲಿ 22 ರನ್ ಗಳನ್ನು ದೋನಿ ಕೇವಲ 6 ಎಸೆತಗಳಲ್ಲಿಯೇ ಪಂದ್ಯವನ್ನು ಮುಗಿಸಿದರು. ಧೋನಿ ಇನ್ನು ಏಳು ಎಸೆತಗಳು ಬಾಕಿ ಇರುವಾಗಲೇ ತಂಡವನ್ನು ಗೆಲ್ಲಿಸಿ ಏಷ್ಯಕಪ್ ಚಾಂಪಿಯನ್ ಆದರು.
ಪೋರ್ಟ್ ಆಫ್ ಸ್ಪೇನ್ 2013, ಶ್ರೀಲಂಕಾ ವಿರುದ್ಧ
ಶ್ರೀಲಂಕಾ ನೀಡಿದ್ದ 202 ರನ್ ಟಾರ್ಗೆಟ್ ನ್ನು ಬೆನ್ನಟಿದ ಭಾರತಕ್ಕೆ ಕೊನೆಯ ಓವರ್ ನಲ್ಲಿ 15 ರನ್ ಗಳು ಬೇಕಾಗಿತ್ತು. ಅದರಲ್ಲಿ ಧೋನಿ ಮೊದಲ ಎಸೆತವನ್ನು ಮಿಸ್ ಮಾಡಿ ಕೊನೆ ಐದು ಎಸೆತಗಳಲ್ಲಿ 1&2 ನೇ ಎಸೆತದಲ್ಲಿ ಒಂದು ಬೌಂಡರಿ ಹಾಗೂ ಸಿಕ್ಸರ್ ಬಾರಿಸಿ ಪಂದ್ಯವನ್ನು ಫಿನಿಷ್ ಮಾಡಿದರು.
ಅಡಿಲೇಡ್ 2012, ಆಸ್ಟ್ರೇಲಿಯಾ ವಿರುದ್ಧ
ಸಿಬಿ ಸರಣಿಯಲ್ಲಿ ಆಸ್ಟ್ರೇಲಿಯ ವಿರುದ್ದದ 3ನೇ ಪಂದ್ಯದಲ್ಲಿ ಕೊನೆ 4 ಬೌಲ್ ಗಳಲ್ಲಿ 12 ರನ್ ಬೇಕಾಗಿದ್ದಾಗ ಧೋನಿ ನಂತರದ ಎಸೆತದಲ್ಲಿ 112 ಮೀಟರ್ ಸಿಕ್ಸ್ ಬಾರಿಸಿದರು. ಇನ್ನೇನು 3 ಎಸೆತಗಳಲ್ಲಿ 6 ರನ್ ಗಳಷ್ಟೇ ಬಾಕಿರುವಾಗ ಫುಲ್ ಟಾಸ್ ಆಗಿಬಂದ ಬೌಲ್ ಕ್ಯಾಚ್ ನೀಡಿದರು. ಆದರೆ ಅದು ನೋಬಾಲ್ ಎಂದು ಅಂಪೈರ್ ಸೂಚಿಸಿದರು. ಆ ಎಸೆತದಲ್ಲಿ 3 ರನ್ ಗಳು ಬಂದವು. ಕೊನೆಯಲ್ಲಿ ಧೋನಿ ಸ್ಕೈರ್ ಲೆಗ್ ನಲ್ಲಿ ಹೊಡೆದು ತಂಡವನ್ನು 4 ವಿಕೆಟ್ ಗಳ ಅಂತರದಲ್ಲಿ ಗೆಲ್ಲಿಸಿಕೊಂಡು ಬಂದರು.
ಐಪಿಎಲ್ 9 ನಲ್ಲಿ ಪಂಜಾಬ್ ವಿರುದ್ಧದ ಪಂದ್ಯದಲ್ಲಿ.
ಇನಿಂಗ್ಸ್ನ ಕೊನೆಯ ಓವರ್ನಲ್ಲಿ ಪುಣೆ ತಂಡಕ್ಕೆ ಗೆಲ್ಲಲು 22 ರನ್ಗಳ ಅವಶ್ಯಕತೆ ಇತ್ತು. ಅಕ್ಷರ್ ಪಟೇಲ್ ಬೌಲಿಂಗ್ ನಲ್ಲಿ ಮೊದಲ ಎಸೆತದಲ್ಲಿ ಒಂದೂ ರನ್ ಸಿಗಲಿಲ್ಲ. ಎರಡನೇ ಎಸೆತವು ವೈಡ್ ಆಯಿತು. ನಂತರದ ಎಸೆತದಲ್ಲಿ ಲಾಂಗ್ ಆನ್ಗೆ ದೋನಿ ಸಿಕ್ಸರ್ ಎತ್ತಿದರು. ನಾಲ್ಕನೇ ಎಸೆತದಲ್ಲಿ ಬೌಂಡರಿ ಹೊಡೆದರು. ಕೊನೆಯ ಎರಡು ಎಸೆತಗಳಲ್ಲಿ 12 ರನ್ಗಳ ಅಗತ್ಯವಿತ್ತು. ಧೋನಿ ಎರಡೂ ಎಸೆತಗಳನ್ನು ಸಿಕ್ಸರ್ ಎತ್ತಿ ಗೆಲುವಿನ ನಗೆ ಬೀರಿದರು.
ಪಂಜಾಬ್ ವಿರುದ್ಧ ಐಪಿಎಲ್ (2010)
2010 ರ ಪಂಜಾಬ್ ವಿರುದ್ಧದ ಪಂದ್ಯದ ಇರ್ಫಾನ್ ಪಠಾಣ್ ಬೌಲಿಂಗ್ ನಲ್ಲಿ ಕೊನೆಯ 4 ಎಸೆತಗಳಲ್ಲಿ ಬರೋಬ್ಬರಿ 18 ರನ್ ಸಿಡಿಸಿ ಚೆನೈ ಸೂಪರ್ ಕಿಂಗ್ಸ್ ತಂಡದ ಗೆಲುವಿನ ರೂವಾರಿಯಾದರು.