ಮುಂಬೈ, ಜೂ.10: ಇಂಡಿಯನ್ ಪ್ರಿಮಿಯರ್ ಲೀಗ್(ಐಪಿಎಲ್) ನಲ್ಲಿ ಸಾಕಷ್ಟು ಏರಿಳಿತ ಕಂಡಿರುವ ಕಿಂಗ್ ಖಾನ್ ಶಾರುಖ್ ಅವರು ಈಗ ಕೆರಿಬಿಯನ್ ಪ್ರಿಮಿಯರ್ ಲೀಗ್ ನತ್ತ ಮುಖ ಮಾಡಿದ್ದಾರೆ. ಕೋಲ್ಕತ್ತಾ ನೈಟ್ ರೈಡರ್ಸ್ ನಂತರ ಶಾರುಖ್ ಖಾನ್ ಮತ್ತೊಂದು ಟ್ವೆಂಟಿ 20 ಕ್ರಿಕೆಟ್ ತಂಡ ಖರೀದಿಸಿದ್ದಾರೆ.
ಐಪಿಎಲ್ ಮಾದರಿಯಲ್ಲೇ ಆರಂಭವಾಗಿ ತಕ್ಕಮಟ್ಟಿನ ಯಶಸ್ಸುಗಳಿಸಿರುವ ವೆಸ್ಟ್ ಇಂಡೀಸ್ ನ ಕೆರಿಬಿಯನ್ ಪ್ರೀಮಿಯರ್ ಲೀಗ್ನಲ್ಲಿರುವ (ಸಿಪಿಎಲ್) ಟ್ರಿನಿಡಾಡ್ ಮತ್ತು ಟೊಬ್ಯಾಗೋ ತಂಡಕ್ಕೆ ಶಾರುಖ್ ಹಣ ಹೂಡಿದ್ದಾರೆ.[ಸಚಿನ್- ವಾರ್ನ್ ಆಲ್ ಸ್ಟಾರ್ ಲೀಗ್]
ಮೂರನೇ ಆವೃತ್ತಿಯ ಸಿಪಿಎಲ್ ಟೂರ್ನಿ ಜೂ.20 ರಿಂದ ಜುಲೈ 26 ರ ತನಕ ನಡೆಯಲಿದೆ. ಕ್ರಿಸ್ ಗೇಲ್, ಕಿರಾಣ್ ಪೊಲ್ಲಾರ್ಡ್, ಡ್ವಾಯ್ನೆ ಬ್ರಾವೋ ಮುಂತಾದ ಆಟಗಾರರನ್ನು ನೋಡುವ ಭಾಗ್ಯ ಸಿಗಲಿದೆ.
ಶಾರುಖ್ ಖಾನ್ ಒಡೆನದ ರೆಡ್ ಚಿಲ್ಲೀಸ್ ಎಂಟರ್ಟೇನ್ಮೆಂಟ್ ಪ್ರೈವೇಟ್ ಲಿಮಿಟೆಡ್ ಕಂಪನಿ, ಕೆಕೆಆರ್ ಸಹ ಮಾಲೀಕತ್ವ ಹೊಂದಿರುವ ಜೂಹಿ ಚಾವ್ಲಾ ಹಾಗೂ ಆಕೆ ಪತಿ ಜೇ ಮೆಹ್ತಾ ಅವರು ಟ್ರಿನಿಡಾಡ್ ಮತ್ತು ಟೊಬ್ಯಾಗೋ ತಂಡದ ಫ್ರಾಂಚೈಸ್ ಅನ್ನು ತಮ್ಮದಾಗಿಸಿಕೊಂಡಿದ್ದಾರೆ.
We have a new title sponsor! Welcome to the 2015 Hero Caribbean Premier League! http://t.co/hItBM3ZmIO #CPL15 pic.twitter.com/XSWs1UhDqW
— CPL T20 (@CPL) June 9, 2015