ಬೆಂಗಳೂರು, ಜ. 28: ಸಾಂಪ್ರದಾಯಿಕ ಎದುರಾಳಿಗಳಾದ ಭಾರತ ಹಾಗೂ ಪಾಕಿಸ್ತಾನ ನಡುವೆ ಟಿ20 ಸಮರಕ್ಕೆ ವೇದಿಕೆ ಒದಗಿಸಿರುವ ಈ ಬಾರಿಯ ಏಷ್ಯಾ ಕಪ್ 2016ರ ಸಂಪೂರ್ಣ ವೇಳಾಪಟ್ಟಿ ಇಲ್ಲಿದೆ.
ಈ ಬಾರಿಯ ಏಷ್ಯಾಕಪ್ ಕೂಡಾ ಟ್ವೆಂಟಿ20 ಮಾದರಿಯಲ್ಲಿ ನಡೆಯಲಿದೆ. ಭಾರತ ಹಾಗೂ ಪಾಕಿಸ್ತಾನ ನಡುವಿನ ಪಂದ್ಯ ಢಾಕಾದಲ್ಲಿ ಫೆಬ್ರವರಿ 27 (ಶನಿವಾರ) ನಡೆಯಲಿದೆ. ಈ ಟೂರ್ನಿಯ ನಂತರ ಐಸಿಸಿ ವಿಶ್ವಟಿ20ಯಲ್ಲಿ ಮಾರ್ಚ್ 19ರಂದು ಸೆಣಸಾಡಲಿವೆ. ಸೂಪರ್ 10 ಸ್ಟೇಜ್ ತನಕ ಎರಡು ತಂಡಗಳು ಬಿ ಗುಂಪಿನಲ್ಲಿರುವುದರಿಂದ ಲೀಗ್ ಹಂತದಲ್ಲಿ ಪರಸ್ಪರ ಕಾದಾಡಬೇಕಿದೆ.
ಏಷ್ಯಾ ಕಪ್ ಈ ಬಾರಿ ಬಾಂಗ್ಲಾದೇಶದಲ್ಲಿ ಆಯೋಜನೆಗೊಂಡಿದ್ದು 5 ತಂಡಗಳು ಕಣದಲ್ಲಿವೆ. ಫೆಬ್ರವರಿ 24ರಂದು ಆರಂಭವಾಗುವ ಸರಣಿ ಮಾರ್ಚ್ 6 (ಭಾನುವಾರ) ಕೊನೆಗೊಳ್ಳಲಿದೆ. ಎಲ್ಲಾ ಪಂದ್ಯಗಳು ಮೀರ್ ಪುರದ ಶೇರ್ ಇ ಬಾಂಗ್ಲಾ ನ್ಯಾಷನಲ್ ಸ್ಟೇಡಿಯಂನಲ್ಲಿ ನಡೆಯಲಿದ್ದು, 7 PM IST ಗೆ ಆರಂಭವಾಗಲಿದೆ.