ರೈನಾ ಅವರ ಬಾಲ್ಯದ ಗೆಳತಿ ಪ್ರಿಯಾಂಕಾ
ಸುರೇಶ್ ರೈನಾ ಹಾಗೂ ಪ್ರಿಯಾಂಕಾ ಚೌಧುರಿ ಇಬ್ಬರು ಬಾಲ್ಯದಿಂದಲೂ ಉತ್ತಮ ಗೆಳೆತನ ಹೊಂದಿದ್ದಾರೆ. ಗೆಳೆತನ ಈಗ ಮದುವೆ ಬಂಧನಕ್ಕೆ ನಾಂದಿ ಹಾಡಿದೆ.
ರೈನಾ ಅವರ ತಾಯಿ ಜೊತೆ ಪ್ರಿಯಾಂಕಾ
ರೈನಾ ಅವರ ತಾಯಿ ಜೊತೆ ನವವಧು ಪ್ರಿಯಾಂಕಾ. ರೈನಾ ಅವರ ತಾಯಿ ಹಾಗೂ ಪ್ರಿಯಾಂಕಾ ತಾಯಿ ಇಬ್ಬರು ಗೆಳೆತಿಯರು. ರೈನಾ ಅಪ್ಪ ಹಾಗೂ ಪ್ರಿಯಾಂಕಾ ಅಪ್ಪ ಕೂಡಾ ಮುರಾದ್ನಗರ್ ಆರ್ಡನನ್ಸ್ ಫ್ಯಾಕ್ಟರಿಯಲ್ಲಿ ಒಟ್ಟಿಗೆ ಕಾರ್ಯ ನಿರ್ವಹಿಸುತ್ತಿದ್ದರು.
ಪ್ರಿಯಾಂಕಾ ವೃತ್ತಿಯಿಂದ ಬ್ಯಾಂಕರ್
ರೈನಾ ಅವರ ಮನದನ್ನೆ ಪ್ರಿಯಾಂಕಾ ವೃತ್ತಿಯಿಂದ ಬ್ಯಾಂಕರ್ ಆಗಿದ್ದು, ಸದ್ಯ ನೆದರ್ಲೆಂಡ್ ನಲ್ಲಿ ಕಾರ್ಯನಿರ್ವಹಿಸುತ್ತಿದ್ದಾರೆ.
ಪ್ರಿಯಾಂಕಾ ಫ್ಯಾಮಿಲಿ ಫ್ರೆಂಡ್
ಪ್ರಿಯಾಂಕಾ ಅವರ ಕುಟುಂಬ ಮೂಲತಃ ಉತ್ತರಪ್ರದೇಶದ ಬರೂತ್ ನವರು. ಸದ್ಯ ಮೀರತ್ ನಲ್ಲಿ ನೆಲೆಸಿದ್ದಾರೆ.
ರೋಕಾ ಸಮಾರಂಭದಲ್ಲಿ ಪ್ರಿಯಾಂಕಾ
ರೋಕಾ ಸಮಾರಂಭದಲ್ಲಿ ಪ್ರಿಯಾಂಕಾ ಅವರು ಕೆಂಪು ಬಣ್ಣದ ವಸ್ತ್ರ ಧರಿಸಿದ್ದರು. ಪ್ರಿಯಾಂಕಾ ಅವರಿಗೆ ಇಬ್ಬರು ಸೋದರರಿದ್ದು, ಇಬ್ಬರೂ ಇಂಜಿನಿಯರ್ ಆಗಿದ್ದಾರೆ.
ಏನಿದು ರೋಕಾ ಸಮಾರಂಭ
ಸಾಂಪ್ರದಾಯಿಕ ಪಂಜಾಬಿ ಮದುವೆಗಳು ರೋಕಾ ಸಮಾರಂಭದ ಮೂಲಕ ಆರಂಭಗೊಳ್ಳುತ್ತವೆ. ವರನ ಮನೆ ಕಡೆಯವರು ವಧುವಿನ ಮನೆಗೆ ತೆರಳಿ ಉಡುಗೊರೆ, ವಸ್ತ್ರ, ಆಭರಣ, ಸಿಹಿ ತಿನಿಸುಗಳನ್ನು ನೀಡುತ್ತಾರೆ. ಎರಡು ಕಡೆಯವರು ಒಟ್ಟಿಗೆ ಪ್ರಾರ್ಥನೆ ಸಲ್ಲಿಸುತ್ತಾರೆ. ಇದಾದ ಮೇಲೆ ಥಾಕಾ ಸಮಾರಂಭ ನಡೆಯಲಿದೆ. ವಿವಾಹಕ್ಕೆ ಮುನ್ನ ಪ್ರಮುಖ ಧಾರ್ಮಿಕ ವಿಧಿ ವಿಧಾನವಾಗಿದೆ.
ಪಂಜಾಬಿ ಸಂಪ್ರದಾಯದಂತೆ ಮದುವೆ
ಪಂಜಾಬಿ ಸಂಪ್ರದಾಯದಂತೆ ಮದುವೆ ರೈನಾ- ಪ್ರಿಯಾಂಕಾ ಮದುವೆ ನಡೆಯಲಿದೆ. ರೋಕಾ, ಥಾಕಾ ನಂತರ ಕುರ್ಮಾಯಿ, ಛುನ್ನಿ ಸಮಾರಂಭಗಳು ನಡೆಯಲಿವೆ.
ಐಪಿಎಲ್ ಗೂ ಮುನ್ನ ಮದುವೆ
ಐಪಿಎಲ್ ಏ.8ರಿಂದ ಆರಂಭಗೊಳ್ಳಲಿದ್ದು ಏ.3ರಂದು ದೆಹಲಿಯ ಲೀಲಾ ಪ್ಯಾಲೇಸ್ ನಲ್ಲಿ ಸುರೇಶ್ ರೈನಾ ಅವರು ಪ್ರಿಯಾಂಕಾರನ್ನು ವರಿಸಲಿದ್ದಾರೆ.