ರಾಂಚಿ, ಮಾರ್ಚ್ 20: ಅಸ್ಟ್ರೇಲಿಯಾ ವಿರುದ್ಧದ ಮೂರನೇ ಟೆಸ್ಟ್ ಪಂದ್ಯದಲ್ಲಿ ದ್ವಿಶತಕ ದಾಖಲಿಸಿ ಮ್ಯಾರಥಾನ್ ಇನ್ನಿಂಗ್ಸ್ ಆಡಿದ ಚೇತೇಶ್ವರ್ ಪೂಜಾರ ಅವರು ಕ್ರಿಕೆಟ್ ದಿಗ್ಗಜ ರಾಹುಲ್ ದ್ರಾವಿಡ್ ಅವರ ದಾಖಲೆ ಮುರಿದಿದ್ದಾರೆ.
ಪೂಜಾರ 4ನೇ ದಿನದಾಟದಲ್ಲಿ 525 ಎಸೆತಗಳನ್ನು ಎದುರಿಸಿ 202 ರನ್(21 ಬೌಂಡರಿ) ಬಾರಿಸುವ ಮೂಲಕ ಪಾಕ್ ವಿರುದ್ಧ ದ್ರಾವಿಡ್ ನಿರ್ಮಿಸಿದ್ದ ದಾಖಲೆಯನ್ನು ಮುರಿದಿದ್ದಾರೆ. [ಗ್ಯಾಲರಿ: ಆಸೀಸ್ ಗೆ ಭಾರತದಿಂದ ದಿಟ್ಟ ಉತ್ತರ]
2004ರಲ್ಲಿ ರಾಹುಲ್ ದ್ರಾವಿಡ್ ಅವರು ಪಾಕಿಸ್ತಾನ ವಿರುದ್ಧ ರಾವಲ್ಪಿಂಡಿಯಲ್ಲಿ ನಡೆದ ಮೂರನೇ ಟೆಸ್ಟ್ ನ ಮೊದಲನೇ ಇನ್ನಿಂಗ್ಸ್ ನಲ್ಲಿ 270 ರನ್(495 ಎಸೆತ, 34 ಬೌಂಡರಿ, 1 ಸಿಕ್ಸರ್) ಬಾರಿಸಿದ್ದರು. ದ್ರಾವಿಡ್ ದ್ವಿಶತಕ ಸಾಧನೆಯಿಂದಾಗಿ ಭಾರತ ಈ ಪಂದ್ಯವನ್ನು ಇನ್ನಿಂಗ್ಸ್ ಮತ್ತು 131 ರನ್ಗಳಿಂದ ಗೆದ್ದುಕೊಂಡಿತ್ತು.
ಆಟಗಾರ | ಗಳಿಸಿದ ರನ್ | ಎಸೆತಗಳು | ಎದುರಾಳಿ | ವರ್ಷ |
ಚೇತೇಶ್ವರ್ ಪೂಜಾರ | 202 | 525 | Aus | 2017 |
ರಾಹುಲ್ ದ್ರಾವಿಡ್ | 270 | 495 | Pak | 2004 |
ನವಜ್ಯೋತ್ ಸಿಧು | 201 | 491 | WI | 1997 |
ರವಿಶಾಸ್ತ್ರಿ | 206 | 477 | Aus | 1992 |
ಸುನಿಲ್ ಗವಾಸ್ಕರ್ | 172 | 472 | Eng | 1981 |
ಆಸೀಸ್ ವಿರುದ್ಧ ದ್ವಿಶತಕ: ಪೂಜಾರ ಅವರು ಆಸೀಸ್ ವಿರುದ್ಧ ಒಟ್ಟು ಎರಡು ದ್ವಿಶತಕ ಸಿಡಿಸಿದ್ದಾರೆ. ಪೂಜಾರ ಅವರಿಗೂ ಮೊದಲು ಸಚಿನ್ ತೆಂಡೂಲ್ಕರ್ ಹಾಗು ವಿವಿಎಸ್ ಲಕ್ಷ್ಮಣ್ ಅವರು ಈ ಸಾಧನೆ ಮಾಡಿದ್ದಾರೆ. (ಒನ್ಇಂಡಿಯಾ ಸುದ್ದಿ)