ಲಂಡನ್, ಮೇ 27: ಇಂಗ್ಲೆಂಡ್ ಕೌಂಟಿ ಚಾಂಪಿಯನ್ ಶಿಪ್ ಡಿವಿಷನ್-2 ಕ್ರಿಕೆಟ್ ಟೂರ್ನಿಯಲ್ಲಿ ಇದೇ ಮೊದಲ ಬಾರಿಗೆ ಆಡುತ್ತಿರುವ ಭಾರತದ ಅಗ್ರಗಣ್ಯ ಬ್ಯಾಟ್ಸ್ ಮನ್ ಚೇತೇಶ್ವರ್ ಪೂಜಾರಾ ಅವರು ಚೊಚ್ಚಲ (112 ರನ್) ಶತಕ ಬಾರಿಸಿದ್ದಾರೆ. ನಾಟಿಂಗ್ಹ್ಯಾಮ್ ಶೈರ್ ತಂಡದ ಪರವಾಗಿ ಶತಕ ಬಾರಿಸಿದ ಪೂಜಾರಾ ಅವರು 39ನೇ ಪ್ರಥಮದರ್ಜೆ ಶತಕ ಪೂರೈಸಿದರು.
ಭಾರತದ ಆಟಗಾರ ಪೂಜಾರ ಅವರು ಶುಕ್ರವಾರದಂದು ಗ್ಲೌಸೆಸ್ಟರ್ಶೈರ್ ವಿರುದ್ಧ ಗ್ಲೌಸೆಸ್ಟರ್ ಶೈರ್ ವಿರುದ್ಧ ನಾಟಿಂಗ್ ಹ್ಯಾಮ್ ಶೈರ್ ತಂಡದ ಪರವಾಗಿ ಶತಕ ಗಳಿಸಿದರು. 174 ಎಸೆತಗಳಲ್ಲಿ 100ರನ್ ಗಡಿ ದಾಟಿದ ಪೂಜಾರ ಅವರು ಒಟ್ಟು 13 ಬೌಂಡರಿಗಳನ್ನು ಬಾರಿಸಿದರು. ಪ್ರಥಮ ದರ್ಜೆ ಕ್ರಿಕೆಟ್ನಲ್ಲಿ ಇದು ಅವರ 39ನೇ ಶತಕವಾಗಿದೆ.