ಮೊಹಾಲಿ, ಮಾರ್ಚ್ 24: ಆಸ್ಟ್ರೇಲಿಯಾ ಆಲ್ ರೌಂಡರ್ ಶೇನ್ ವಾಟ್ಸನ್ ಅವರು ಐಸಿಸಿ ವಿಶ್ವ ಟ್ವೆಂಟಿ20 ಟೂರ್ನಮೆಂಟ್ ನಂತರ ಅಂತಾರಾಷ್ಟ್ರೀಯ ಕ್ರಿಕೆಟ್ ಗೆ ಗುಡ್ ಬೈ ಹೇಳಲಿದ್ದಾರೆ. ಆದರೆ, ದೇಶಿ ಟ್ವೆಂಟಿ20 ಹಾಗೂ ಇಂಡಿಯನ್ ಪ್ರಿಮಿಯರ್ ಲೀಗ್ (ಐಪಿಎಲ್) ನಲ್ಲಿ ಆಡುವುದಾಗಿ ಘೋಷಿಸಿದ್ದಾರೆ.
ಇಂಗ್ಲೆಂಡ್ ವಿರುದ್ಧದ ಏಕದಿನ ಸರಣಿಯಿಂದ ಡ್ರಾಪ್ ಆದ ಬಳಿಕ ಮತ್ತೆ ಅಂತಾರಾಷ್ಟ್ರೀಯ ಕ್ರಿಕೆಟ್ ಗೆ ಮರಳುವ ಆಸೆಯನ್ನು ವಾಟ್ಸನ್ ಕೈಬಿಟ್ಟಿದ್ದರು. ಆದರೆ, ಬಿಗ್ ಬಾಷ್ ಲೀಗ್ ನಲ್ಲಿ ವಾಟ್ಸನ್ ಆಟ ಮುಂದುವರೆಸಿದ್ದರು. [ಟೆಸ್ಟ್ ಕ್ರಿಕೆಟ್ ಗೆ ಆಲ್ ರೌಂಡರ್ ಶೇನ್ ವಾಟ್ಸನ್ ಗುಡ್ ಬೈ]
ವೃತ್ತಿಯ ಮುಖ್ಯಾಂಶಗಳು:
#ಆಸ್ಟ್ರೇಲಿಯಾದ 44ನೇ ನಾಯಕ
# ಎರಡು ಬಾರಿ ಅಲಾನ್ ಬಾರ್ಡರ್ ಪದಕ ಗೆದ್ದಿದ್ದಾರೆ
# ಮೂರು ವಿಶ್ವ ಕಪ್ ಆಡಿದ್ದು, 2007 ಹಾಗೂ 2015ರಲ್ಲಿ ಗೆಲುವು ದಾಖಲಿಸಿದ್ದಾರೆ.
# ಎಲ್ಲಾ 6 ವಿಶ್ವ ಟಿ20 ಆಡಿರುವ ಶೇನ್ ವಾಟ್ಸನ್ 2012ರಲ್ಲಿ ಟೂರ್ನಮೆಂಟ್ ನ ಆಟಗಾರ ಎನಿಸಿಕೊಂಡಿದ್ದರು.
# 17 ಬಾರಿ ಏಕದಿನ ಅಂತಾರಾಷ್ಟ್ರೀಯ ಪಂದ್ಯಶ್ರೇಷ್ಠ ಪ್ರಶಸ್ತಿ ಹಾಗೂ ನಾಲ್ಕು ಬಾರಿ ಸರಣಿ ಶ್ರೇಷ್ಠ ಪ್ರಶಸ್ತಿ ಪಡೆದಿದ್ದಾರೆ. (ಒನ್ ಇಂಡಿಯಾ ಸುದ್ದಿ)