ಮಾರಾಟಕ್ಕಿದ್ದಾರೆ ಪಾಕಿಸ್ತಾನದ ವೇಗದ ಬೌಲರ್ ವಹಾಬ್ ರಿಯಾಜ್ !

ಲಂಡನ್, ಜೂನ್ 14: ಅಚ್ಚರಿಯಾದರೂ ಇದು ಸತ್ಯ. ಪಾಕಿಸ್ತಾನ ಕ್ರಿಕೆಟ್ ತಂಡದ ಬೌಲರ್ ವಹಾಬ್ ರಿಯಾಜ್ ಅವರನ್ನು ಪಾಕಿಸ್ತಾನ ಕ್ರಿಕೆಟ್ ಅಭಿಮಾನಿಯೊಬ್ಬ ಹರಾಜಿಗಿಟ್ಟಿದ್ದಾನೆ.

ಆನ್ ಲೈನ್ ಮಾರಾಟ ಜಾಲತಾಣವಾದ ಇ ಬೇ (ebay)ನಲ್ಲಿ ರಿಯಾಜ್ ಅವರನ್ನು ಮಾರಾಟಕ್ಕಿಟ್ಟಿದ್ದಾನೆ.

ಮೊದಲ ಸೆಮಿಫೈನಲ್ : ಪಾಕಿಸ್ತಾನ ವಿರುದ್ಧ ಇಂಗ್ಲೆಂಡ್ ಬ್ಯಾಟಿಂಗ್

ಇದೇ ತಿಂಗಳ 4ರಂದು ಆರಂಭವಾದ ಚಾಂಪಿಯನ್ಸ್ ಟ್ರೋಫಿ ಪಂದ್ಯಾವಳಿಯಲ್ಲಿನ ತನ್ನ ಮೊದಲ ಪಂದ್ಯದಲ್ಲಿ ಪಾಕಿಸ್ತಾನ ಪಡೆ, ಭಾರತ ತಂಡವನ್ನು ಎದುರಿಸಿ, ಸೋಲು ಅನುಭವಿಸಿತ್ತು.

ಆ ಪಂದ್ಯದಲ್ಲಿ ದುಬಾರಿ ಬೌಲರ್ ಆಗಿ ಪರಿಣಮಿಸಿದ್ದ ರಿಯಾಜ್, ಹೆಚ್ಚಿನ ರನ್ ನೀಡಿ ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಗಿದ್ದರು.

ಭಾರತ vs ಇಂಗ್ಲೆಂಡ್ ಫೈನಲ್, ಇದು ಜನರ ಬಯಕೆ: ಕೊಹ್ಲಿ

ಆ ಪಂದ್ಯದ ನಂತರ, ಗಾಯದ ಸಮಸ್ಯೆಯಿಂದಾಗಿ ಅವರು ತಂಡದಿಂದ ಹೊರಗುಳಿಯಬೇಕಾಯಿತು. ಆದರೂ, ಭಾರತ ವಿರುದ್ಧದ ಪಂದ್ಯದಲ್ಲಿ ಅವರು ತೋರಿದ ಕಳಪೆ ಪ್ರದರ್ಶನದ ಹಿನ್ನೆಲೆಯಲ್ಲಿ, ಆ ಅಭಿಮಾನಿ ಆತನನ್ನು ಮಾರಾಟಕ್ಕಿಟ್ಟಿದ್ದಾನೆ. ಆ ಅಭಿಮಾನಿಯ ಹೆಸರು ಬಹಿರಂಗವಾಗಿಲ್ಲ.