ಟೋಕಿಯೋ, ಸೆ.10: ವಿಶ್ವದ ನಂ.1 ಆಟಗಾರ್ತಿ ಸೈನಾ ನೆಹ್ವಾಲ್ ಅವರು ಜಪಾನ್ ಓಪನ್ ಸೂಪರ್ ಸೀರಿಸ್ ನಿಂದ ಹೊರ ಬಿದ್ದಿದ್ದಾರೆ. ಜಪಾನಿನ ಮಿನಾತ್ಸು ಮಿತಾನಿ ವಿರುದ್ಧ ಪ್ರೀ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಗುರುವಾರ ನೇರ ಸೆಟ್ ಗಳಿಂದ ಸೈನಾ ಪರಾಭಾವ ಅನುಭವಿಸಿದ್ದಾರೆ.
ಸುಮಾರು 275,000 ಯುಎಸ್ ಡಾಲರ್ ಮೊತ್ತದ ಬಹುಮಾನವುಳ್ಳ ಜಪಾನ್ ಓಪನ್ ಟೂರ್ನಿಯ ಪ್ರೀ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಒಲಿಂಪಿಕ್ಸ್ ನಲ್ಲಿ ಕಂಚಿನ ಪದಕ ವಿಜೇತೆ, ಹಾಲಿ ವಿಶ್ವದ ನಂ.1 ಆಟಗಾರ್ತಿ ಸೈನಾ 21-13, 21-16 ಸೆಟ್ ಗಳ ಅಂತರದಲ್ಲಿ ಕೇವಲ 40 ನಿಮಿಷಗಳ ಆಟದಲ್ಲಿ ಸೋಲು ಕಂಡಿದ್ದಾರೆ.
ಪುರುಷರ ವಿಭಾಗದ ಎರಡನೇ ಸುತ್ತಿನ ಪಂದ್ಯದಲ್ಲಿ ಭಾರತದ ಎಚ್ ಎಚ್ ಪ್ರಣೊಯ್ ಅವರು 9-21, 16-21 ಅಂತರದಲ್ಲಿ ದಕ್ಷಿಣ ಕೊರಿಯಾದ ಲಿಯೋ ದೊಂಗ್ ಕಿಯೂನ್ ವಿರುದ್ಧ 43 ನಿಮಿಷಗಳಲ್ಲಿ ಸೋಲು ಅನುಭವಿಸಿದರು. (ಐಎಎನ್ ಎಸ್)