ಫುಜಾವೊ, ನವೆಂಬರ್ 20: ಒಲಿಂಪಿಕ್ಸ್ ಬೆಳ್ಳಿ ಪದಕ ವಿಜೇತೆ ಭಾರತದ ಪಿವಿ ಸಿಂಧು ಅವರು ಚೀನಾ ಓಪನ್ ಸೂಪರ್ ಸೀರೀಸ್ ಗೆದ್ದು ಸಂಭ್ರಮಿಸಿದ್ದಾರೆ. ಭಾನುವಾರ ನಡೆದ ಪಂದ್ಯದಲ್ಲಿ ಚೀನಾದ ಸನ್ ಯು ಅವರನ್ನು 2-1 ಸೆಟ್ ಗಳಲ್ಲಿ ಸೋಲಿಸಿ ಪ್ರಶಸ್ತಿ ತಮ್ಮದಾಗಿಸಿಕೊಂಡಿದ್ದಾರೆ. ಇದು ಸಿಂಧು ಅವರ ಚೊಚ್ಚಲ ಸೂಪರ್ ಸೀರಿಸ್ ಪ್ರಶಸ್ತಿಯಾಗಿದೆ.[ಬೆಳ್ಳಿ ಪದಕ ಗೆದ್ದ ಪಿವಿ ಸಿಂಧು ಈಗ 13 ಕೋಟಿ ರು ಒಡತಿ]
ಸನ್ ಯು ಅವರನ್ನು 21-11, 17-21 ಹಾಗೂ 21-11 ಸೆಟ್ ಗಳ ಅಂತರದಲ್ಲಿ ಪಿವಿ ಸಿಂಧು ಸೋಲಿಸಿ 52,500 ಡಾಲರ್ ಮೊತ್ತದ ನಗದು ಬಹುಮಾನ ಕೂಡಾ ಗೆದ್ದರು. ಸನ್ ಯು ಅವರಿಗೆ 26 600 ಡಾಲರ್ ಲಭಿಸಿತು.[ಬಿರಿಯಾನಿ ಪ್ರಿಯೆ ಸಿಂಧು ಬಾಯಿಗೆ ಕರ್ನಾಟಕದ ಸಿಹಿ ತಿಂಡಿ]
ಸೆಮಿಫೈನಲ್ ಪಂದ್ಯದಲ್ಲಿ ದಕ್ಷಿಣ ಕೊರಿಯಾದ ಸಂಗ್ ಜೀ ಹ್ಯೂನ್ ಅವರನ್ನು 11-21, 23-21, 21-19 ಅಂತರದಲ್ಲಿ ಪರಾಭವಗೊಳಿಸಿ ಸಿಂಧು ಅವರು ಫೈನಲ್ ತಲುಪಿದ್ದರು. ಸನ್ ಯು ಅವರು ಚೈನೀಸ್ ತೈಪೆಯ ತೈ ತ್ಸು ಯಿಂಗ್ ರನ್ನು 21-8, 23-21ರಲ್ಲಿ ಸೋಲಿಸಿ ಅಂತಿಮ ಹಂತಕ್ಕೇರಿದ್ದರು.