ನವದೆಹಲಿ, ಅ.22: ದಕ್ಷಿಣ ಕೊರಿಯಾದ ಇಂಚಿಯನ್ ನಲ್ಲಿ ಇತ್ತೀಚೆಗೆ ನಡೆದ ಏಷ್ಯನ್ ಗೇಮ್ಸ್ ನಲ್ಲಿ ವಿವಾದ ಹುಟ್ಟಿಹಾಕಿದ್ದ ಬಾಕ್ಸರ್ ಸರಿತಾ ದೇವಿ ಅವರನ್ನು ಅಂತಾರಾಷ್ಟ್ರೀಯ ಬಾಕ್ಸಿಂಗ್ ಸಮಿತಿ ಅಮಾನತು ಮಾಡಿದೆ.
ಏಷ್ಯನ್ ಗೇಮ್ಸ್ 2014ರ 60ಕೆಜಿ ವಿಭಾಗದ ಸೆಮಿಫೈನಲ್ ಪಂದ್ಯದ ವೇಳೆ ರೆಫ್ರಿ ನಿರ್ಣಯವನ್ನು ಸರಿತಾ ಪ್ರಶ್ನಿಸಿದ್ದರು. ಅವರು ಪ್ರಶಸ್ತಿ ಪ್ರದಾನ ಸಮಯದಲ್ಲಿ ಪ್ರಶಸ್ತಿ ಪದಕ ಸ್ವೀಕರಿಸಲು ನಿರಾಕರಿಸಿದ್ದರು. ಅಲ್ಲದೆ, ತಮಗೆ ಸಿಕ್ಕ ಕಂಚಿನ ಪದಕವನ್ನು ದಕ್ಷಿಣ ಕೊರಿಯಾದ ಬಾಕ್ಸಿಂಗ್ ಪಟು ಜಿ ನಾ ಪಾರ್ಕ್ ಕೊರಳಿಗೆ ಹಾಕಿದ್ದರು. [ದೇಶದ ಗೌರವ ಹೆಚ್ಚಿಸಿದವರ ಜೊತೆ ಮೋದಿ]
ಎಲ್ ಸರಿತಾ ದೇವಿ ಅವರ ಜೊತೆಗೆ ಆಕೆಯ ಕೋಚ್ ಜಿಎಸ್ ಸಂಧು, ಎಜೆ ಸುಮರಿವಾಲ ಅವರಿಗೂ ಅಮಾನತು ಶಿಕ್ಷೆ ಸಿಕ್ಕಿದೆ. ಅಮಾನತು ಶಿಕ್ಷೆ ಅನಿರ್ಧಿಷ್ಟಾವಧಿಯಾಗಿದ್ದು,ಎಐಬಿಎ ಮುಂದಿನ ಆದೇಶ ಸಿಗುವ ತನಕ ಈ ಮೂವರು ಯಾವುದೇ ಬಾಕ್ಸಿಂಗ್ ಸ್ಪರ್ಧೆಯಲ್ಲಿ ಪಾಲ್ಗೊಳ್ಳುವಂತಿಲ್ಲ, ಟೂರ್ನಿಗಳಿಗೆ ಹಾಜರಾಗುವಂತಿಲ್ಲ. ಹೀಗಾಗಿ ಮಹಿಳಾ ವಿಶ್ವ ಬಾಕ್ಸಿಂಗ್ ಚಾಪಿಯನ್ ಶಿಪ್ ಸ್ಪರ್ಧೆಯಲ್ಲಿ ಸರಿತಾ ದೇವಿ ಪಾಲ್ಗೊಳ್ಳುವಂತಿಲ್ಲ.
Jiji Thomson,DG SAI on Sarita Devi's suspension:Its very sad,will have to find out as to how we can revoke suspension pic.twitter.com/AQ3BoscojW
— ANI (@ANI_news) October 22, 2014