ಅಕ್ಕ ಸಮ್ಮೇಳನ : ಉದಯೋನ್ಮುಖ ಲೇಖಕರಿಗೆ ಆಹ್ವಾನ

ಆಗಸ್ಟ್ 29, 30 ಮತ್ತು 31, 2014ರಂದು ಅಮೆರಿಕದ ಉತ್ತರ ಕ್ಯಾಲಿಫೋರ್ನಿಯಾ ಕನ್ನಡ ಕೂಟದ ಆಶ್ರಯದಲ್ಲಿ, ನಡೆಯಲಿರುವ ಎಂಟನೇ 'ಅಕ್ಕ ವಿಶ್ವ ಕನ್ನಡ ಸಮ್ಮೇಳನ 2014' ಕಾರ್ಯಕ್ರಮದಲ್ಲಿ ಕನ್ನಡದ (ಉದಯೋನ್ಮುಖ) ಲೇಖಕ ಮತ್ತು ಲೇಖಕಿಯರನ್ನು ಪ್ರೋತ್ಸಾಹಿಸುವ ಉದ್ದೇಶದಿಂದ ಪುಸ್ತಕ ಬಿಡುಗಡೆ ಕಾರ್ಯಕ್ರಮ ಆಯೋಜಿಸಲಾಗಿದೆ.

ಈ ಕಾರ್ಯಕ್ರಮದ ನಿಯಮಗಳು ಕೆಳಗಿನಂತಿವೆ:

* ಪುಸ್ತಕ ಬಿಡುಗಡೆ ಕಾರ್ಯಕ್ರಮದಲ್ಲಿ ಲೇಖಕರು ಸ್ವತಃ ಉಪಸ್ಥಿತರಿರಬೇಕು.

* ಬಿಡುಗಡೆಗೊಳ್ಳುವ ಕೃತಿ ಆಗಸ್ಟ್ 1, 2013ರಿಂದ ಜುಲೈ 31, 2014ರ ಒಳಗೆ ಪ್ರಕಟಗೊಂಡಿರಬೇಕು.

* ಪುಸ್ತಕವು ಕನ್ನಡದಲ್ಲಿ ಪ್ರಕಟಗೊಂಡಿರಬೇಕು.

* ಕರ್ನಾಟಕದ ಹೊರಗಡೆ ನೆಲೆಸಿರುವ ಲೇಖಕರಿಗೆ ಆದ್ಯತೆ ನೀಡಲಾಗುವುದು.

* ಪುಸ್ತಕದ ಎರಡು ಪ್ರತಿಗಳನ್ನು ನಮಗೆ ಕಳುಹಿಸಬೇಕು; ಅವುಗಳು ನಮಗೆ ತಲುಪಿಸಲು ಕೊನೆಯ ದಿನಾಂಕ ಆಗಸ್ಟ್ 15, 2014. ಈ ದಿನಾಂಕದ ನಂತರ ನಮ್ಮನ್ನು ತಲುಪಿದ ಪುಸ್ತಕಗಳನ್ನು ಬಿಡುಗಡೆ ಮಾಡಲು ಸಾಧ್ಯವಾಗುವುದಿಲ್ಲ.

* ಈ ಕಾರ್ಯಕ್ರಮದಲ್ಲಿ ಯಾವುದೇ ಬದಲಾವಣೆ ಮಾಡುವ ಅಧಿಕಾರ ಸಾಹಿತ್ಯಿಕ ವೇದಿಕೆಗಿದೆ.

ಈ ಕಾರ್ಯಕ್ರಮದಲ್ಲಿ ತಮ್ಮ ಪುಸ್ತಕವನ್ನು ಬಿಡುಗಡೆ ಮಾಡಲು ಇಚ್ಛಿಸುವಿರಾದರೆ, ನಮ್ಮ ಸಂಪರ್ಕ ವಿಳಾಸ : [email protected]

ಸಾಹಿತ್ಯಿಕ ವೇದಿಕೆ, ಅಕ್ಕ ವಿಶ್ವ ಕನ್ನಡ ಸಮ್ಮೇಳನ 2014

English summary

AKKA WKC 8 : Invite writers to release their Kannada books at World Kannada conference to be held in San Francisco bay area, USA from August 29 to 31, 2014. Writers can send their book before 15th August.