ಹುಲಿ ಅಸಲಿ, ವಿಡಿಯೋ ನಕಲಿ, ಕಮಲಶಿಲೆ ಜನ ಗಲಿಬಿಲಿ

ಉಡುಪಿಯ ಕುಂದಾಪುರ ಪರಿಸರದಲ್ಲಿ ಹುಲಿ ಇದೆ ಎಂಬುದು ಇತ್ತೀಚೆಗೆ ಸುದ್ದಿಯಾಗಿತ್ತು. ಇದಕ್ಕೆ ಕಾರಣವಾಗಿದ್ದು ಇಲ್ಲಿ ಇತ್ತೀಚೆಗೆ ಹರಿದಾಡಿದ ಹುಲಿಯೊಂದರ ವಿಡಿಯೋ. ಆದರೆ ಸದ್ಯ ಆ ವಿಡಿಯೋ ಹಳೆಯದು ಎಂದು ಗೊತ್ತಾಗಿದೆ.

Written by: ಉಡುಪಿ ಪ್ರತಿನಿಧಿ
Subscribe to Oneindia Kannada

ಉಡುಪಿ, ಫೆಬ್ರವರಿ 2: ದೊಡ್ಡ ಗಾತ್ರದ ಹುಲಿಯೊಂದು ರಸ್ತೆಯಲ್ಲಿ ನಡೆದು ಹೋಗುತ್ತಿರುವ ವಿಡಿಯೋ ಇತ್ತೀಚೆಗೆ ಉಡುಪಿಯ ಕುಂದಾಪುರ ಪರಿಸರದಲ್ಲಿ ವೈರಲ್ ಆಗಿತ್ತು. ಕುಂದಾಪುರದ ಕಮಲಶಿಲೆ ರಸ್ತೆಯಲ್ಲಿ ಈ ಹುಲಿ ಕಾಣಿಸಿಕೊಂಡಿದೆ ಎಂಬ ಸಂದೇಶ ಇಲ್ಲಿನ ಜನರಲ್ಲಿ ಆತಂಕವನ್ನೂ ಮೂಡಿಸಿತ್ತು. ಇದೀಗ ಆ ವಿಡಿಯೋ ಸುಳ್ಳು ಎಂದು ಗೊತ್ತಾಗಿದೆ.

ಫೇಸ್ಬುಕ್ ಮತ್ತು ವಾಟ್ಸಾಪ್ ಗಳಲ್ಲಿ ವೈರಲ್ ಆಗಿದ್ದ ಹುಲಿಯ ವಿಡಿಯೋ ಒಂದು ನಿಮಿಷದ ಅವಧಿಯದಾಗಿತ್ತು. ಇದೊಂದು ಮೊಬೈಲ್ ಕ್ಯಾಮೆರಾದಲ್ಲಿ ಶೂಟ್ ಮಾಡಿದ ವೀಡಿಯೋ ಆಗಿದ್ದು, ಹಿಂಬದಿಯಿಂದ ವಾಹನದಲ್ಲಿರುವರು ಈ ವೀಡಿಯೋ ತೆಗೆದಂತೆ ಕಾಣಿಸುತ್ತದೆ.[ಕುಂದಾಪುರ: ಮನೆಯೊಂದರಲ್ಲಿ ಭುಸ್ಸೆಂದ ಕಾಳಿಂಗ ಸರ್ಪ]

Truth revealed: Viral tiger video in Kundapur is old one

ಈ ವಿಡಿಯೋವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹರಿಯ ಬಿಟ್ಟ ಕಿಡಿಗೇಡಿಗಳು, ಕುಂದಾಪುರ ತಾಲೂಕಿನ ಕಮಲಶಿಲೆ ಸಂಪರ್ಕ ರಸ್ತೆಯಲ್ಲಿ ಹುಲಿ ಸಂಚಾರ ಎಂಬ ಸಂದೇಶವನ್ನೂ ಜತೆಗೆ ಹಾಕಿದ್ದರು. ಇದರಿಂದ ಕುಂದಾಪುರ ಹಾಗೂ ಕಮಲಶಿಲೆಯ ಗ್ರಾಮಸ್ಥರು ನೆಮ್ಮದಿ ಕಳೆದುಕೊಂಡು ಭಯಭೀತರಾಗಿದ್ದರು.

ಆದರೆ ಇದೀಗ ಆ ವಿಡಿಯೋ ಹಳೆಯದು ಎಂದು ಗೊತ್ತಾಗಿದೆ. ಈ ವಿಡಿಯೋ ಈ ಹಿಂದೆಯೂ ವೈರಲ್ ಆಗಿದ್ದು ಅದರಲ್ಲಿ ಮರಾಠಿ ಮಾತನಾಡುವುದು ಕೇಳಿಸುತ್ತದೆ. ಅದೇ ವಿಡಿಯೋವನ್ನೇ ಕಿಡಿಗೇಡಿಗಳು ಮ್ಯೂಟ್ ಮಾಡಿ, ನಂತರ ಕುಂದಾಪುರದ ಕಮಲ ಶಿಲೆ ಹೆಸರಿನಲ್ಲಿ ಅಪ್ಲೋಡ್ ಮಾಡಿದ್ದಾರೆ ಎಂದು ತಿಳಿದು ಬಂದಿದೆ.[ಕಾರ್ಕಳ ನಕ್ಸಲ್ ಮುಖಂಡ ನೀಲಗುಳಿ ಸಿಓಡಿ ಕಸ್ಟಡಿಗೆ]

Truth revealed: Viral tiger video in Kundapur is old one

ಈ ಹಿನ್ನಲೆಯಲ್ಲಿ ಶಂಕರನಾರಾಯಣ ವಲಯ ಅರಣ್ಯಾಧಿಕಾರಿಗಳನ್ನು ವಿಚಾರಿಸಿದರೆ, "ಇಲ್ಲಿವರೆಗೆ ಈ ಪರಿಸರದಲ್ಲಿ ಹುಲಿ ಓಡಾಟದ ಮಾಹಿತಿಯಿಲ್ಲ. ಸಾರ್ವಜನಿಕರಿಂದಲೂ ಯಾವುದೇ ದೂರು ಬಂದಿಲ್ಲ," ಎಂದು ಸ್ಪಷ್ಟಪಡಿಸಿದ್ದಾರೆ.

English summary
Source of the viral tiger video, which was allegedly shot in Kundapur is revealed. Now people came to know that some antisocial elements share the old video in social media to create panic in the society.
Please Wait while comments are loading...